1 SAMWELI 7:16 - Bibliyeeda Ghaydit

¹⁶ Hean gaweay nea gwaneaweesa geat gilakweay ea ghwahita Beteli, ea Gilgali, ea Mispa; ak ghoahaaghwa Israeli aba darooraksu seaniin.

1 SAMWELI 7:16 Mawu Ofanana

GIING'EETA 28:19

Ak gaguura gheawungeaba ng'eanyiita Beteli; nea gheawunga mujiini aba mwadi geeguura Lusu.

GIING'EETA 35:6

Ak ghwahita Yakobo ng'eanyiida Lusu (nea, Beteli), mida jeeda ng'eanyiida Ganaani, niny sea fuga sean mideawa,

NYIIGHEEGA 75:2

Nea iihita damanda eagasayi aniini gaydalach girgweageeda nea ghaadoabiiwji.

HOSEYA 5:1

Oaleaydiit, Ea ashoohoodiga! Ayiing'sheena, Ea gheeh Israeli! Oaleaydiit, ea gheeda sugoocheanda. Aba gideaba girgweaksiinda gabeaheegwa agooga; agooga noowooschi gadageeda aba Mispa, ea ghaseeda siwiilsa badayda ng'eanyiida Dabori.

AMOSI 5:5

ak ea adoogaseadayi Beteli, nea adooweayi jeeda Gilgali ghana asajaada ak gooweayi Beer-sheba: aba gideaba Gilgali gaygawa soomjeandumeeda, nea Beteli gayghwayamwa ghoah gidamwadaagha.”

YOSHUWA 18:26

Mispa, ea Gefira, ea Mosa,

YOSHUWA 5:10

Hean nea gawus fuga Israeli ak ghamiinda maheemajeanda nyaawa aba Gilgali, ak shing'ada geayaak basaaka nea eaweedeaba damanang'wan bea sheeda aba moohajeega Yeriko.

YOSHUWA 5:9

Ghwalamda NG'UTAMIIDA ak gwayeesha Yoshuwa, “Eanean neageandi baspaseega Misri was soomjeandumeeda aba badahuukeagwa.” Ak iidu hooweani geeguura Gilgali ea ghoah ghamneawa.

FUGA LAJA GIRGWEAGUUTKA 10:4

Niny gaba orju diktam ea damanamughuush nea inyeesa gwading'iida gureendiga digeeniga was diktam ea damanamughuush, nea saawa gwandeawa mujiinaji diktam ea damanamughuush, siguura Hawot-yairi bwak ea ghoah ghamneawa, nea gwanda ng'eanyiida Gileyadi.

FUGA LAJA GIRGWEAGUUTKA 12:14

Nea niny abeeda gwandeawa orju haradam ea diibigeaba gaaschi was diktam ea damanamughuush, ding'iida badahuuka gureendi laadam ea damanamughuush; hean ghoah siida laja girgweaguutka aba gweanyeew sis.

FUGA LAJA GIRGWEAGUUTKA 5:10

“Arukuta ng'asheanji, agoogeeda ooding'iida badahuuka digeeniga eashish, agoogeeda oopiitpiidi badahuuka muuchka hees sheayeat ea agoogeeda ooyeadayi naweeda.

1 SAMWELI 10:17

Iimuchu gaguursa Samweli buuneeda ak ghabwada geat aba madeeda NG'UTAMIIDA aba Mispa;

1 SAMWELI 11:14

Hean gwayeesha Samweli buuneeda, “Abeeni, eeweaya Gilgali ak geebiikti eembiida sugoocheanda.”

1 SAMWELI 7:5

Ng'ata gwayi Samweli, “Abwadana geat fuga sean bea Israeli aba Mispa, ak gaydamwaash NG'UTAMIIDA aba badahuukeagwa.”