1 SAMWELI 7:10 - Bibliyeeda Ghaydit

¹⁰ Damanda adaydaawa Samweli haleanjeeda ghadooweeda sighwardaan, gwaneekiit fuga Filisti gang'uchi Israeli; hean ghwanya ghuuta NG'UTAMIIDA nea ghwanyaashta gighweendandeeda haw eaweedida aba badahuuka fuga Filisti ak ghwanung' ea mwayiinya iiteaba geat; ak gamng'aw aba madeeda Israeli.

1 SAMWELI 7:10 Mawu Ofanana

NYIIGHEEGA 18:15

Hean geadaah uuta basooda, ak geanung' ghwadaajiit sindeeta ng'eanyiida, Ea NG'UTAMIIDA, aba gidireekusiindi ang'iing'i, aba ginyaashta jeameeda sareenuukaagu.

NYIIGHEEGA 29:3

Nyeashta NG'UTAMIIDA gwanda badayda beega, ASEETA ghaambiidaat ninung' ghwanya daghata humng'eeda; NG'UTAMIIDA gwanda badayda beega saang'a

NYIIGHEEGA 29:4

Daghata NG'UTAMIIDA gwandeawa uurda daghata NG'UTAMIIDA ea ghaambiidaat;

NYIIGHEEGA 78:66

Ak ghabwar weajoodigaaschi ak ghwanung' gabiikta bwadaw; ak ghwanung' ghabwaspwas damanda manda muudeanooda.

SAKARIYA 4:6

Hean gwayeeshiinean “Nih ng'asheanda NG'UTAMIIDA gil aba heeda Serubabeli nea mii aba giimuusta gil nea mii aba uurda gil gwasin guroorooda gwarugu NG'UTAMIIDA bea lugweega.

GIIPKEATA DIIGHEANDA 28:7

“Gayghamwaashta NG'UTAMIIDA weajoodigaagu buwa ng'ucheewana ak geajoar aba madeadaang'u; gayghapka headaang'u nea gwasku seawadeanagi, ak gamng'awa madeadaang'u nea gwasik seawuut ispwa.

YOSHUWA 10:10

Ak ghwanung' NG'UTAMIIDA ghwadarda aba madeeda Israeli, nea ghabwar ea gwasawan aba Gibeoni, nea ghahoan saawa ak gwasalda gagal naweeda diyeada weah Bet-horoni, ak ghabwar ea ghwahita Aseka ea Makeda.

FUGA LAJA GIRGWEAGUUTKA 4:15

Ghwanung' NG'UTAMIIDA ghwalas muuwda Sisera sea mutukwajeagaaschi sean ea lugoadaanyi sean aba madeeda Baraka aba ng'aniipnata ng'uta; ng'ata ghoabina Sisera uhuuda mutukwajeandaanyi ak ghafwaja geeshanga.

FUGA LAJA GIRGWEAGUUTKA 5:20

Gaweay ng'ucheeda miinga leabu humng'eeda, aba naweadinga nyaawa gang'uchi sea Sisera.

FUGA LAJA GIRGWEAGUUTKA 5:8

Damanda sighwal aseecheeka gudea eashish, nea abeeda gwanda ghuuta dooshta ng'ucheeda. Igeambooda ea ng'uta geedeaksa heeda fuga nyiit sagalamnyooji haradam bea Israeli?

1 SAMWELI 12:17

Neada askweareani ea maba lajita ngaanohi? Gaydamwaash NG'UTAMIIDA, ak abeeda ghwanung' ghwahidu giighweandandeeda ea roopta; ak abeeda gajanala nea ghoadaayi gideaba munyindeang'wa aahaw muuchi, ghayi oosinyi aba madeeda NG'UTAMIIDA, aba gideaba googasayi sugoocheanda.”

1 SAMWELI 14:15

Hean gwahirbaban jeeda museasooda, ea jeesinga madameega, ea jeeda buuneesean; ea fuga was lugooda ea mareanghooga ak ghaboadan; nea gwasaw ng'eanyiida; ak gwaheedu muuwda.

1 SAMWELI 2:10

Weajoodiga NG'UTAMIIDA gajeegul uhuuda ea ghoah basanga; ak gayghoaghweandan aba badahuuka nyaawa aba humng'eeda. NG'UTAMIIDA gaygoorgweaksa muudeanooda ng'eanyiida; ak gayghoadaw sugoocheandaanyi uurda, nea goomajeek uurda siidaanyi amwaar.”

1 SAMWELI 7:11

Ak gwariteawa fuga Israeli ng'eanyiida Mispa ak gamaseaw fuga Filisti, ak ghabwar, ea ghwahita Bet-kari.