1 SAMWELI 6:5 - Bibliyeeda Ghaydit

⁵ Asi gajasina duguuga uurji umwang'nyeekeagwa ea duguuga uurji murjeang'eedeang'wa nuusa ng'eanyiida, ak ghoakghaambiichi ASEETA Israeli; ak gwadeepa ghwanung'waada lasoodeang'wa ea aseecheekeagwa ea ng'eanyiideang'wa.

1 SAMWELI 6:5 Mawu Ofanana

1 DAMANYOOJIGA 16:28

Oatawa NG'UTAMIIDA, ea eemoojiga buuneeda, Oatawa NG'UTAMIIDA giigheambiita ea uurda.

1 DAMANYOOJIGA 16:29

Oatawa NG'UTAMIIDA giigheambiita gheawungaaschi; Ayeani haleanjeeda ghadooweeda, apkaani madeadaanyi; Abwada NG'UTAMIIDA aba alooheeda ea ghaydidanda;

NYIIGHEEGA 18:44

Hean nea ghwanyas iiteanyu gwasinnean mureeda; ak ghapka rabasta heedeanyu nea gwatkunyean.

NYIIGHEEGA 32:4

Aba gideaba askweari ea eawa ghabwatanaan geatindaang'u ak ghaghajaamiit gheawoocheandeanyu ea dawuurji ng'eanyiida ghajaam damanda geayda.

NYIIGHEEGA 39:10

Geandeawanean lasoadaang'u; aba gideaba niriikghta dami aba lasooda ilaschaan aba geatindaang'u.

NYIIGHEEGA 66:3

Ayeeshiina ASEETA, “Gadiyoojigaagu ea deamdeameatiidaan! Aba giteena hawunda uurdaang'u gayghapka weajoodigaagu ak ghwaat geat ng'eanyi aba madeadaang'u.

RITEAYDA 12:12

Aba gideaba gaydasik bugusta ng'eanyiida Misri eaweedida, ak gaydabwar duweachajeega sean bea ng'eanyiida Misri, bea siida ea diyeanga, ak geargweaksi aseecheeka sean bea Misri aniini geawooschi NG'UTAMIIDA.

RITEAYDA 8:17

Ak gwasinda gidasirukusiinda, hean ghamiinda Haruni geatindaanyi ea bileangidaanyi, ak ghwalas birjeanda ng'eanyiida, ak gwardu nyooka aba heeda buuneeda ea heeda diyeanga, sigeesean bea ng'eanyiida ghwayamwa ghoah nyooka, aba ng'eanyiisean bea Misri.

RITEAYDA 8:24

Ng'ata gwasin NG'UTAMIIDA ng'asheandida ghayi bean gwarukusa Musa Faraohiin hean ghapka ghasheang'anga saang'a muuchi jeeda gheeh Farao, ea jeeda gealga fugaaschi bea gadiyeeda, ea jeeda ng'eanyiisean bea Misri ak ghwadatasa ng'eanyiisean aba ghasheang'anga.

RITEAYDA 8:5

Ghwalamda NG'UTAMIIDA ak gwayeesha Musa, “Eeshiina Haruni, ‘Miinda geatindaang'u ea bileangidaang'u aba badayda eeniga ea eeniga manang'i ea baskweega, ak ginung' ghapka udagheambagajeamajeega badayda ng'eanyiisean bea Misri!’”

ISAYA 19:1

Nih gisiihiimu gil aba badayda Misri. Ng'ula, NG'UTAMIIDA nidiyeada badayda shamooghooda weah nea ghwalamwajaada gaygawa ea ghwahita Misri; ak gaygaboodani sanaamajeega aba madeadaanyi, ak gayghwanyiit beega jeeda fuga Misri aba giyoonda.

ISAYA 42:12

Asi daaghaambiida saawa NG'UTAMIIDA, nea geerukwiida giighaambiitaanyi aba ng'eanyiida ghuuta basooda.

YEREMIYA 13:16

Oatawa giigheambiita NG'UTAMIIDA was ASEETEANG'WA heeda mii gwaruusa geeshangeagwa aba iheenga giijeega mideawa misaneeda damanda duu agaseewana weeshinda ghwayam ghoah duwunda ng'eanyiida ea misaneeda duu.

YEREMIYA 3:13

Ang'iing'i mwasa giidiinyeandaang'u, bea gideaba ninung'usi heeda NG'UTAMIIDA was ASEETEANG'WA ak gookeali bariinyeegeagwa rabasta ea giliwas geeta nyawiish, ea gideaba miyooleeysiina iit ghuuteanyu, gwarugu NG'UTAMIIDA.

YOELI 2:25

Ak gaydaaghuumneegwa haleanjeeda gweanyeeka ak deashamga saang'a, ea haluuleeda duulu haleanjeeda was lugooda ghayi eayeadu jeedeang'wa.

YONA 3:9

Ghwanal ng'eaha, gideaba ASEETA gwadeepa ghwayam geaw aba nyarastaanyi ng'waan, ak ea meeshealani?”

MALAKI 2:2

Iimoaleaydani iit, ak ea meayiini jeesinga gurooruunatkeagwa ak ghoaghaambiit gheawungeasu, aba girugu NG'UTAMIIDA bea lugweega, abeeda gaydanung' ghwahidu mooshteayda badahuukeagwa ak gaydamwaashta ghawoodeang'wa; nea aba huumwa ea nigeawiit damwaashta saawa, aba gideaba mii ayiina ng'asheesu gurooruunatkeagwa.

IITOODA 33:4

damanda bunya fuga Misri duweachajeega nyaawa sean, damanda bwara NG'UTAMIIDA aba jeenyaawa; ak ghoahiimda gideaba gwandeawa uurda ng'al dea aseecheeka nyaawa; eara ada ghoahiimu NG'UTAMIIDA girgweaksiinda.

Yohaana 9:24

Gabiikta deaba iyeenya gaguursa siidida ghayi ng'oawiin ak gwayeesha, “Duumsheesiina ASEETA; aseasa geanali gideaba siisi gaba riing'a.”

YOSHUWA 7:19

Ng'ata gwayeesha Yoshuwa Akani, “Orjeedeanyu, aghaambiida NG'UTAMIIDA was ASEETA Israeli, ak giduukuuni niny; ak girukunean, ghamneawa gidisini, nea gidisini ea adufunyanaan.”

Giidaheechta 11:13

Nea aba damandida abeeda gwanda sawooda haw bea ng'eanyiida, ak ghoabeada meatkweanagi mwanang' bea mujiini; ak gameewa fih sagalamnyooji ispwa aba sawoodida bea ng'eanyiidean, ak ghang'ut muuwda gea siipuut, ak ghoaghaambiit ASEETA humng'eeda.

Giidaheechta 14:7

ak gwayi aba ghuuta haw, “Oawala ASEETA nea ghoatawji niny giigheambiita, aba gideaba damanda girgweageadaanyi nihidu; aghadoawana niny deabwat humng'eeda ea ng'eanyiida, ea basooda ea gheanyanga eenda.”

Giidaheechta 16:9

ak geaghwarda buuneeda aba beasta ng'waan, ak ghamwaashta saawa gheawunga ASEETA mideawa uurda aba badaydeaba sawanaduutsu, ak ea maduukuunana ak ghoadaw niny giigheambiita.

1 SAMWELI 5:11

Ak goojeakta ak geabwada geat buuneesean was ng'utamoojiga Filisti, ak gwayeesha, “Ayaada sandakwajeanda neajeeda bea ASEETA Israeli, ak ghoatealdi heeda abiita, ak abeeda ea manuuseasa sea fugaasa.” Aba gideaba miyeeda niyeadu hirbabandeeda mujiineesean, aba gideaba ghoorjooda ASEETA aahaw muuchi;

1 SAMWELI 5:9

Iimuchu nea niyeadu, ghwalas NG'UTAMIIDA mujiini, ak ghwanung' gwahirbaban muuchi, ak gwasawan fuga mujiini, gheareemanga ea gweargwa, ak ghwalas umwang'nyeeka.

1 SAMWELI 6:8

Ak gigeandi sandakwajeanda neajeeda bea NG'UTAMIIDA ak giyiini uhuuda mutuku, ak giyiini murdajeega sandakwajeanda bwaajih haleanjeeda was dahaabu, jea easiina niny was haleanjeeda ghadooweeda bea giidiinyeanda. Ak ginung' gawa nea goodeayi geaw.