1 SAMWELI 6:3 - Bibliyeeda Ghaydit

³ Gwayeesha saawa, “Iidealdi sandakwajeanda neajeeda bea ASEETA Israeli, adiidealdi moongeanda, eatealda nea ghoanung' goodeayi haleanjeeda ghadooweeda bea giidiinyeanda. Ak abeeda gajeahaabeagwa, ak geanal aba heedeang'wa gidalakseegwa niny.”

1 SAMWELI 6:3 Mawu Ofanana

AYUBU 10:2

Gaydayeesha ASEETA, adiirgweaksean, nung' danal gida jea eesheang'nyeewana.

RITEAYDA 23:15

Gaysina ghweelmeeda mukaateeyda meamwatawiida, gawuurji gidearukuteaydi, gajaga mukaateeyda meamwatawiida eawooji ispwa, gajeesin damanda hit bea sheetamwan ghana ghawghaw, aba gideaba damanda ghayi oorinani ng'eanyiida Misri. Ea manda siida jea ghwahidu madeedeanyu nea manda geatinda gil.

RITEAYDA 34:20

Duweacheeda digeeda gajatinana dayeenda gisilleanda, ghana iimajatina abeeda gayhirja gheata. Ak duweachajeega orjoagaagu gajatina. Ak ea manda siida jea ghwahidu madeedeanyu nea gweadu geatinga ghajaam.

RITEAYDA 8:15

Daah Farao gideaba ning'wana, ghoahang'waay gurooroadaanyi, ak ea mooleeysiiniit saawa, gawuurji gidanyaashta NG'UTAMIIDA.

NG'ASHEEGA LAWI 5:6

ak gaygweadu haleanjeadaanyi bea habeawooda bea giidiinyeanda heeda NG'UTAMIIDA aba badayda riing'eeda sin, was gisilleanda saawaat leabu jeeda hawanda nooga ea dayeenda gisilleanda ghanea mbooyda, ghoah haleanjeeda sighadoawanda aba riing'eeda; ak gaygwasin ashoohoocheanda giiduupcheeda aba badaydaanyi aba riing'eadaanyi.

NG'ASHEEGA LAWI 6:6

Ak gaygweadu heeda ashoohoocheanda haleanjeadaanyi ghadeawanda aba badayda giidiinyeanda aba heeda NG'UTAMIIDA, was lagweenda manda sirjeeda bea jeeda hawanda nooga, nea gagala sheayeeda dea haleanjeeda sighadoawanda aba badayda giidiinyeanda;

GIIPKEATA DIIGHEANDA 16:16

“Niba samwagu aba jeeda gweayda gayghapka headiga sean madeeda NG'UTAMIIDA was ASEATAANG'U was heeda jea ghwaloat niny, aba ghweelmeeda mukaatajeega meematawiita ea ghweelmeeda lajita booga ea ghweelmeeda udahabeaschajeega. Adiidu ghapka madeeda NG'UTAMIIDA nea ghaghus geatinga;

1 SAMWELI 5:11

Ak goojeakta ak geabwada geat buuneesean was ng'utamoojiga Filisti, ak gwayeesha, “Ayaada sandakwajeanda neajeeda bea ASEETA Israeli, ak ghoatealdi heeda abiita, ak abeeda ea manuuseasa sea fugaasa.” Aba gideaba miyeeda niyeadu hirbabandeeda mujiineesean, aba gideaba ghoorjooda ASEETA aahaw muuchi;

1 SAMWELI 5:7

Iidu nea ghwadaah fuga Ashdodi giduurji ng'asheega, gwayi, “Sandakwajeanda neajeeda bea ASEETA Israeli maygoobiida heedeanya; aba gideaba gayghwalaseasa sea aseeteanya was Dagoni.”

1 SAMWELI 5:9

Iimuchu nea niyeadu, ghwalas NG'UTAMIIDA mujiini, ak ghwanung' gwahirbaban muuchi, ak gwasawan fuga mujiini, gheareemanga ea gweargwa, ak ghwalas umwang'nyeeka.

1 SAMWELI 6:8

Ak gigeandi sandakwajeanda neajeeda bea NG'UTAMIIDA ak giyiini uhuuda mutuku, ak giyiini murdajeega sandakwajeanda bwaajih haleanjeeda was dahaabu, jea easiina niny was haleanjeeda ghadooweeda bea giidiinyeanda. Ak ginung' gawa nea goodeayi geaw.

1 SAMWELI 6:9

Ak goong'ulayi; ama idaahi nea ghwaat naweeda weah ng'eang'da nyaawa, ea ghwahita Bet-shemeshi, abeeda ea niny gil dea sinneasa ng'asheanda muy muuchiin; ama masina, abeeda gajeanala gideaba mii geatindaanyi gil dea laseasa, ak goobisseasa habitkweeda.”