1 SAMWELI 6:19 - Bibliyeeda Ghaydit

¹⁹ Ak ghabwar fuga mwaatkwa bea Bet-shemeshi, aba gideaba goong'weersa jeeda sandakwajeanda neajeeda bea NG'UTAMIIDA; ak ghabwar fih laadam ea damanamughuush aba jeenyaawa, ak gagiisan aba gideaba nibwar NG'UTAMIIDA fuga saang'a aba jeeda buuneeda.

1 SAMWELI 6:19 Mawu Ofanana

IITOODA 4:20

ak saawa ea adagaweay jeeda ghooriida ak ghwadaah haleanjeedida ghaydidiin, eara gilimwanang', aba gideaba gajiidu gameewa.”

RITEAYDA 19:21

Ghwalamda NG'UTAMIIDA ak gwayeesha Musa, “Una rarang'aada ak gireekusi buuneeda, gideaba adiidu gwasin naweeda ak ghapka heeda NG'UTAMIIDA, ak goosha gea saang'a aba jeenyaawa.

2 SAMWELI 6:7

Ak ghwayeat nyarasta NG'UTAMIIDA aba badayda Usa; ak ghwalas ASEETA niny aba gideaba gooheaksa geatinda sandakwajeanda neajeeda; ak gameewsa murdeeda sandakwajeanda neajeeda bea ASEETA.

IITOODA 4:15

Iidu nea nidukuta Haruni ea orjoagaaschi heeda ghaydit; ea haleanjeeda sean bea heeda ghaydit, damanda jea gwasimsiina beata; abeeda gayghapka orjooga Gohati gageanda; nea mwasada haleanjeeda ghaydidi, ak ea mameewa. Haleanjeedida gaba orjooga Gohati aba heeda maheemajeanda siroondooscheesa.

Golosaayi 2:18

Asi adaghaweadaneegwa sih gil, aba giimajeekta eateaba geaw bea ng'eanyi ea ghadoowanda malaykajeega, nea ghamiinaada aba giidaheachteaba geaw, nea ghaghwar geaw mwadaagha aba fughareadaanyi bea saseeda,

1 Betro 4:17

Asi nihita damanda jea eang'eada girgweaksiinda fuga gheeda ASEETA, ak iisiing'eada heedeanya, abeeda huuydeanda nyaawa gaygawuurjiin deaba fugiga mamwasa giijasta miy bea ASEETEAN?

GIIPKEATA DIIGHEANDA 29:29

“Ng'asheega makcheameeda gaba NG'UTAMIIDA was ASEETEANYA, nea gea siitahaach ea gaasa gil sea diibigaasa ea ghoah damanda manda muudeanooda, ak geesinyi ng'asheega sean bea deaweedeani.

RITEAYDA 33:4

Iiyiiy buuneeda ng'asheesu munyasiin, hean geenyahuushi, ak ea manda siida akwa hang'weaka miyaas.

IITOODA 1:51

Nea iissa iijea gawa maheemajeanda mwadi, nea iijea eengoor maheemajeanda, iissa gayghwahiing'u fuga Lawi, nea rabascheanda jea gwaneekiisa gajeabwar.

IITOODA 4:18

“Adoanung'waadi fuga dooshta Gohati ea fuga gheanyaawa eabwar aba jeeda fuga Lawi;

2 DAMANYOOJIGA 25:21

Hean ghang'eat gwadiyeada Yoasheeda was sugoocheanda Israeli; ak gwaroonyi niny sea Amasiya sugoocheanda Yuda aba jeeda ng'ucheeda aba Bet-shemeshi, bea Yuda.