1 SAMWELI 6:14 - Bibliyeeda Ghaydit

¹⁴ Ak ghwaan mutuku jeeda madamnyeanda Yoshuwa aba Bet-shemeshi, ak ghamiinaada. Abeeda gwanda hoowa lagheaneeda haw; ak ghwalajaada geediga mutuku ak ghoadayda dugwa ghoah haleanjeeda ghadooweeda sighwarda bea NG'UTAMIIDA.

1 SAMWELI 6:14 Mawu Ofanana

2 SAMWELI 24:18

Ak ghwaan Gadi heeda Dawdi eaweedida, ak gwayeesha niny, “Siyeang'da ak gisissi NG'UTAMIIDA heeda wagiida aba heeda siileeliisa booga Arauna bea eemeeda Yebusi.”

2 SAMWELI 24:22

Hean ghwalamda Arauna ak gwayeesha Dawdi, “Nung'waada gageanda ng'utamiideanyu was sugoocheanda ghoadayda gidadaah gideaba aamiy aba headaanyi; sukwa heewga jea ghoah haleanjeeda ghadooweeda jea eaghwarda, ea haleanjeeda siilealda ea yookajeega heewga ghoah ghweenga.

2 SAMWELI 24:25

Ak ghwadeas Dawdi heeda wagiida bea NG'UTAMIIDA, ak ghoadayda haleanjeeda ghadooweeda jea eaghwarda ea haleanjeeda ghadooweeda bea hoyyoo. Hean ghamwas NG'UTAMIIDA gidasimus aba badayda ng'eanyiida, ak geateal dawni aba jeeda Israeli.

1 SUGOODIGA 19:21

Gabiikna eadita geeshtaanyi, ak gageanda yookajeega heewga, ak gwanuuseada ak ghoawaala banyeega nyaawa yookajeega heewga, ak ghoadaw buuneeda, ak ghwaak. Hean ghang'eat ak ghwaat geeshta Eliya, ak gagadiiyeesa.

RITEAYDA 20:24

Sinnean heeda wagiida sisna sheang'weeda ak giidaydi lukghumeadaang'u aba badaydaanyi ea haleanjeeda sisabwa geadi bea hoyyoo, ea gisilgaagu ea dugwaagu, hiji was sean jea dayiin giipkeata gheawungeasu gaydahidu headaang'u ak geagoonyeeyi ghawooda.

FUGA LAJA GIRGWEAGUUTKA 21:4

Iimuchu eaweedeaba iyeenya, ghang'eat ng'eat sakteayda duu fugiga, ak ghwadeas heeda wagiida aba hoowa, ak ghoadayda haleanjeeda sisabwa geadi was lukghumajeega sigwariida, ea gea hoyyoo.

FUGA LAJA GIRGWEAGUUTKA 6:26

ak gideeksi NG'UTAMIIDA was ASEATAANG'U heeda wagiida, uhuudeaba lagheaneani, aba lagheanga sijip nea geatoabiiw; ama ng'ata gigeanu heeydeaba iyeenya, ak giidaydi ghoah lukghumajeega sighwarda aba ghweenga aseecheeka ilajaadiin.”

1 SAMWELI 11:5

Abeeda Sawli ghwaan gwaleabu madamnyeanda nea gooweaku heewga; ak gwayi Sawli, “Gwandaani, anda buuneeda gooyeawda?” Ak geerukusa niny ng'asheega fuga Yabeshi.

1 SAMWELI 20:29

nea gwayeesha, ‘Eaniyean nung' dawa; aba gideaba fuga ghaheanya gwasin ghweelmeeda lukghumajeega aba jeeda mujiini, ak gaguuru orjeeda giyeanya nea gagasa dawa hoowa.’ Asi ghamneawa, iinaanyaschi alooheeda aba madeeda gheanyangaagu, goonean beata, dadaah orjoogiyya. Nih gidamwahinana hiji goombuuchi sea sugoocheanda.”

1 SAMWELI 6:13

Abeeda aba damandida ghwalach fuga Bet-shemeshi nganooyda nyaawa aba moangoachi; ak gagatkat gheanyanga nyaawa ak ghwadaah sandakwajeanda neajeeda, ak gang'weela iidaah.

1 SAMWELI 6:18

ak ghwaat eara murjeang'eeda dahaabu, gwadeena moonneeda mujiinajeega sean bea Filisti bea ng'utamooji muut, sea mujiinajeega siimajeek ea gharang'weaka meeneaweesiina museasooda. Nea lagheaneeda haw, mida murdeeda siyiin uhuuda sandakwajeanda neajeeda bea NG'UTAMIIDA, ea muushoocheanda gil ea ghoah askweareani aba jeeda madamnyeanda Yoshuwa mida Bet-shemeshi.