1 SAMWELI 5:8 - Bibliyeeda Ghaydit

⁸ Hean goojeakta buuneeda ghoawaam ng'utamoojiga sean bea Filisti, ak gwayi, “Gajeahindaan sandakwajeanda neajeeda bea ASEETA Israeli?” Geasha nea geeyeesha, “Anung' eeyeadu sandakwajeanda neajeeda bea ASEETA Israeli ak geeneaweesa mujiineeda Gati.” Hean gweadu hoowa sandakwajeanda neajeeda bea ASEETA.

1 SAMWELI 5:8 Mawu Ofanana

1 DAMANYOOJIGA 7:21

ak gwaji orjeedaanyi siguura Sabadi, ak gwaji orjeedaanyi siguura Shutela, ea Eseri sea Eleadi, ghayi bwar fuga Gati was fuga bea ng'eanyiida aba gideaba ghwararang'aan ghoareat dugwa nyaawa.

AMOSI 6:2

Ang'ata ea aweayeena Galne, ak ghoadaayi; ak ghoang'eadi hoowa ak gooweayi Hamateeda haw; ak ghoararang'aadi ea aweayeena Gateeda fuga Filisti. Heapi agooga ghoang'ali sugoodisu: ghana ng'eanyiida nyaawa aahaw ea gaburdeawa ng'eanyiideang'wa?

SAKARIYA 12:3

Ak eaweecheanji Yerusalemu gaydanung' ghoah lagheaneeda durumwana aba badayda eemoojiga sean, nea fuga jea ghwasar lagheaneani gayghang'ut gidang'aniip muuchi, ak gayghabwat geat eemooji sean bea badayda ng'eanyiida aba badaydaanyi.

YOSHUWA 13:3

(ghang'eada Shihori, mida gayeewda Misri, ea ghwahita wiilooda ng'eanyiida ghayeawa ea ghwahita moonghooda Ekroni, sirarsa fuga Ganaani; gwanda sugoodi muut ambal fuga Filisti, ea Gasa gil, ea Ashdodi, ea Ashkeloni, ea Gati, ea Ekroni), ea giika bea fuga Afimu,

YOSHUWA 15:11

ak gawa moonghooda ea ghwahita meatkweeda heayeeda Ekroni, mida wiilooda ng'eanyiida ghayeawa, ak gawa ea ghwahita Shikroni, ak gawa ea ghwahita Giijeeda Baala, ak gawa ea ghwahita Yabneeli; ak ghwahidu moonghooda ea gagul muudeanooda basooda.

1 SAMWELI 17:4

Ak gwarina jeeda museasooda Filisti siida ng'waan siguura gheawungaaschi Goliyati, bea ng'eanyiida Gati, nea geawundaanyi ghwahita geatin lah ea gili mwanang'.

1 SAMWELI 17:52

Ak goojuur fuga Israeli sea fuga Yuda nea gamaseaw fuga Filisti ea ghwahita Gati ea dooshinga Ekroni, nea muscheeka fuga Filisti meewiisa naweeda ghang'eada Shaaraimu ea ghwahita Gati ea Ekroni.

1 SAMWELI 29:6

Ng'ata gaguursa Akishi Dawdi ak gwayeesha, “Aba gidabiideata NG'UTAMIIDA, ang'iing'i guwoosi doabiiwaat, ak ghaadaayi aniini gideaba ghwahit gideaba gajuna nea gibiigu sea aniini aba ng'ucheeda; aba gideaba mii dadaah gidamuy aba headaang'u ghang'eada damanda aadaahaneey nea gihidu heedeanyu ea ghoah askweareani. Duuku fuga hees ea magasseey.

1 SAMWELI 5:11

Ak goojeakta ak geabwada geat buuneesean was ng'utamoojiga Filisti, ak gwayeesha, “Ayaada sandakwajeanda neajeeda bea ASEETA Israeli, ak ghoatealdi heeda abiita, ak abeeda ea manuuseasa sea fugaasa.” Aba gideaba miyeeda niyeadu hirbabandeeda mujiineesean, aba gideaba ghoorjooda ASEETA aahaw muuchi;

1 SAMWELI 5:7

Iidu nea ghwadaah fuga Ashdodi giduurji ng'asheega, gwayi, “Sandakwajeanda neajeeda bea ASEETA Israeli maygoobiida heedeanya; aba gideaba gayghwalaseasa sea aseeteanya was Dagoni.”

1 SAMWELI 6:2

Ak gaguursa fuga Filisti ashoohoodiga ea fuga bara lagheanga ak gwayeesha, “Gajeehindaan sandakwajeanda neajeeda bea NG'UTAMIIDA? Arukuneasa gajeatealdaawana naaha ea gabiikta hoorgeadaanyi.”