1 SAMWELI 5:3 - Bibliyeeda Ghaydit

³ Iimuchu nea ghang'eatng'eat fuga Ashdodi sakteayda eaweeda bassa, ging'ulayi, niibeada Dagoni nea ghabwada jih ng'eanyi aba badayda sigeeda aba madeeda sandakwajeanda neajeeda bea NG'UTAMIIDA. Hean gageanu Dagoni ak gabiikta goodeelsa hoorgeadaanyi.

1 SAMWELI 5:3 Mawu Ofanana

1 SUGOODIGA 18:26

Hean gageanu heeyda siitaw saawa, hean gwasisin, ak ghamwaash gheawunga Baali ghang'eada sakteayda ea ghoah askweari, nea gwayeena, “Ea Baali shaaha ghuusigaasa!” Ea manda gil nyeara, nea manda siisi nyaah ghuuta. Hean ghang'was aba heeda wagiida sin saawa.

NYIIGHEEGA 115:7

Gwandeawa geatinga, ak ea moang'waanya gil; ak gwandeawa geeshanga, ak ea maweelweela; nea muwooguuka nyaawa ea moamu gooruudu nyeashta.

NYIIGHEEGA 97:7

Ak deapwaaspwaasa buuneesean bada sanaamu, sina ghwarjeeda aba haleanjeeda mwahida; ea aseecheeka sean aghadoawana niny.

RITEAYDA 12:12

Aba gideaba gaydasik bugusta ng'eanyiida Misri eaweedida, ak gaydabwar duweachajeega sean bea ng'eanyiida Misri, bea siida ea diyeanga, ak geargweaksi aseecheeka sean bea Misri aniini geawooschi NG'UTAMIIDA.

ISAYA 19:1

Nih gisiihiimu gil aba badayda Misri. Ng'ula, NG'UTAMIIDA nidiyeada badayda shamooghooda weah nea ghwalamwajaada gaygawa ea ghwahita Misri; ak gaygaboodani sanaamajeega aba madeadaanyi, ak gayghwanyiit beega jeeda fuga Misri aba giyoonda.

ISAYA 40:20

Siida bwarbwar muuchi moamu ghoadayda haleanjeeda sisabwa geadi was lapiya ghana dahaabu siguura dahaabu, gaygagasa geeta majeek muuchi ak gwasin sanaamu, amang'ata ghamiinda nea goomajeek.

ISAYA 41:7

Siida foora beehajeega goomajeek siida deanya dahaabu siguura dahaabu, ak gwasin sanaamajeega, nea goomajeek dea gulsa musumwaarajeega, ak gwayi sean “niroabwa muuchi”; nea geegulsa musumwaarajeega ak ea maygudu eamu eegeanda.

ISAYA 46:7

Sanaamu inyeesa geesareena gheatkweaka nyaawa, amahit geamiinda aba heeda gasa saawa; ak gaygoobiita hiji nea maygoosiipteawa earahay hiji midean. Nea iisiiyeawusa ea mayghwasha ghuuta siida, nea mayghoamu ghaweat siida aba jeeda sawanadeadaanyi.

YEREMIYA 10:8

Saawa ea dasheahi nea gwanya fughareani inyas geanal aba sanaamajeega sisna geediga.

SEFANIYA 2:11

NG'UTAMIIDA gaygwandeawa gharbeeda aba badayda nyaawa; ak gayghabwar aseecheeka sean bea badayda ng'eanyiida aba geejeeda, nea gaba nih hiysa geaw niny aba heeda mida, aba ng'eanyiissean bea eemoojiga.

Marko 3:11

Nea fuga bearji meang'nyeandeenda iinyo gwaroonyi Yesu, goobeedeaysa madeadaanyi nea goojuur nea gwayeesha, “Ang'iing'i guwoosi Orjeeda ASEETA!”

1 SAMWELI 6:1

Goobiida sandakwajeanda NG'UTAMIIDA ng'eanyiida Filisti sheeh ispwa.

1 SAMWELI 6:5

Asi gajasina duguuga uurji umwang'nyeekeagwa ea duguuga uurji murjeang'eedeang'wa nuusa ng'eanyiida, ak ghoakghaambiichi ASEETA Israeli; ak gwadeepa ghwanung'waada lasoodeang'wa ea aseecheekeagwa ea ng'eanyiideang'wa.