1 SAMWELI 4:3 - Bibliyeeda Ghaydit

³ Iidu nea gabiigu lugooda museasooda, gwayi gweargwa Israeli, “Ghwasaan anda NG'UTAMIIDA ghwanung' ghwajoareasa fuga Filisti askweareani? Eaniyean eeweaya eeyeana sandakwajeanda NG'UTAMIIDA aba Shilo, ak abeeda ghwaan jeedeanya ak ghaweadeasa gwalealneasa aba heeda weajoodigaasa.”

1 SAMWELI 4:3 Mawu Ofanana

2 SAMWELI 15:25

Ghwalamda sugoocheanda ak gwayeesha Sadoki, “Sareana sandakwajeanda neajeeda bea ASEETA adealda jeeda mujiini. Ama aanyaschi alooheeda aba madeeda gheanyanga NG'UTAMIIDA, gaygoodeelnean ak ghwanung' dadaah sandakwajeanji ea hoorgeadaanyi;

1 DAMANYOOJIGA 17:1

Iimuchu nea goobiida Dawdi gheanyi gwayeesha Dawdi Natani was sibaneeda, “Ng'ula, aniini geabiiti gheeda sisna gubooyeeka, nea sandakwajeanda neajeeda bea NG'UTAMIIDA goobiita jeeda maheemajeanda.”

NYIIGHEEGA 74:1

Ea ASEETA anda nihistaneasa damanda manda muudeanooda? ghwasaan anda nyarastaang'u ghwajoakghta aroosta aba badayda gisilga iihaaghwi?

NYIIGHEEGA 74:11

Ghwasaan anda giidealdi geatindaang'u, ghwasaan inyas giideelsi geatindaang'u bea dugwa daghataang'u?

ISAYA 50:1

Gwayi NG'UTAMIIDA, “Gwanda yeenu barawajeanda nung'ooda geamadu, ghayi aanung'wi heeda? Ghana ghayi ghaashaaydaneegwa aba heedeabeang'a aba jeeda fuga eandeawi siileenyaawa? Agooga geeshaaydaneegwa, aba munyasnacheekeagwa, ak geamadu geanung'wa heeda aba giidiinyeanyeekeagwa.

ISAYA 58:3

Nea geeyeesha, ‘Ghwasaan anda geeluuldi geat ak ea midaahi? Ghwasaan anda geesawanyi saseenuukaasa ak ea miing'weerni?’ Anala gideaba damanda ooluuldeawi geat googasayi miyeenoodeang'wa nea goobea geat nea ghoanung' ghoah sareenda aba heeda fuga Sini gadiyeeda aba heedeang'wa.

ISAYA 59:1

Ng'ula geatinda NG'UTAMIIDA mii nuwaas ea ea mudughoamu gwalealneegwa, nea eara iitaanyi ea mii miinyi ea ea mudughoamu gwayiing'shi;

ISAYA 59:2

gea aheelaneegwa sea ASEETEANG'WA riing'eegeagwa gil, ak ghafuy geaw ea gwasheagiit aba heedeang'wa aba badayda riing'eegeagwa, ak ea mooleeyseegwa iit.

YEREMIYA 3:16

Nea iyoahaadi ea asaang'ayiida aba jeeda ng'eanyiida, aba askwearjoojigiga, gwarugu NG'UTAMIIDA, ak ea maygudu ayeena, “Sandakwajeanda neajeeda bea NG'UTAMIIDA.” Ak ea maygudu eapkaat, ghana eejeeng'u, ghana ghwaroat; ak ea maygudu eebiikta eesin.

YEREMIYA 7:4

Adiidu ghoamwaschi ng'asheesu bea ng'uyeegean bea gideaba: ‘Nih gheeda sibata ASEETA, nih gheeda sibata ASEETA, aba huumwa nih gheeda sibata ASEETA.’

IITOODA 10:33

Hean gabalaga giijeeda NG'UTAMIIDA ak gaweay eawooji samwagu; nea goosheedeawa sandakwajeanda neajeeda bea NG'UTAMIIDA aba beata eawooji samwagu, nea gagasa ng'eanyiida jea gafuufa saawa.

IITOODA 10:35

Ak iissa Iinyo gwarita sandakwajeanda neajeeda, gwayeesha Musa, “Ng'eada, Ea NG'UTAMIIDA, ak ginung' ghwadarda weajoodigaagu; ak ginung' gamng'aw fuga sinyi aba madeadaang'u.”

IITOODA 31:6

Hean ghwaat Musa fih sagalama aba giliwas eamwa ak gaweay ng'ucheeda, nea goodeayi Finehasi orjeeda Eliyasari was ashoohoocheanda ak gaweay ng'ucheeda, nea ghwaat haleanjeedida bea heeda ghaydidiin, ea durumbeatajeega siguuda aba geatinga nyaawa bea nyeashta Abeli fih.

GIIPKEATA DIIGHEANDA 29:24

ak gaygwayi eemoojiga sean, ‘Ghwasaan anda NG'UTAMIIDA gwasima ng'asheesu ng'eanyiini? Nyarasi hawiin gabwa naaha?’

GIIPKEATA DIIGHEANDA 31:26

“Oang'waanya gitaaboani bea deaweedean, ak ghoayiinyi murdeeda sandakwajeanda neajeeda bea NG'UTAMIIDA was ASEETEANG'WA, ak goobiida hoowa gawuurji muushoocheanda aba badaydaang'u.

2 Dimoteo 3:5

Inyeessa gawuurji gili bada ASEETA ak ghaheawa uurdaanyi ang'aamwana geaw fiisu.

Ebraniya 9:4

nea gwandeawa heeda wagiida sisina dahaabu mideawa shearooda ng'andit ea sandakwajeanda mida jeeda neajeeda nea siikwealsa meadajeega sean aba dahaabu nea gwandeawa giihearmooda meeng'meeng'i mida hamita siguura maana, ea bileangida Haruni aruudu damealga, ea measeeda neajeeda;

YOSHUWA 4:7

Hean abeeda gajarukusiina saawa gideaba ghayi ghwajaam beega Yordani aba madeeda sandakwajeanda neajeeda bea NG'UTAMIIDA; damanda aghaawa Yordani, hean ghwajaam beega Yordani. Asi lagheang'su gaygaba giipkeata fuga Israeli damanda manda muudeanooda.”

YOSHUWA 6:6

Hean gaguursa Yoshuwa was orjeeda Nuni ashoohoodiga ak gwayeesha saawa, “Ageanda sandakwajeanda neajeeda, ak ea daada ashoohoodi ispwa gujaw ispwa bea gujaka lagweendiga aba madeeda sandakwajeanda NG'UTAMIIDA.”

YOSHUWA 7:7

Ak gwayi Yoshuwa, “Ea NG'UTAMIIDA haw was ASEETA, ghwasaan anda ginung' googeawna fiisu seaniin eenda Yordani, ak gajiineasa geatinga fuga Amori gwaduulneasa? Gidabal gwachi geepiidi giigheawda eenda Yordani!

YOSHUWA 7:8

Ea NG'UTAMIIDA, ghamneawa gaydayiin, nea fuga Israeli ea nimng'aw aba madeeda weajoodiga nyaawa!

1 Betro 3:21

Giibaatiisanda deaschi sea ng'asheesu ghamneawa gwalealneegwa, nea mii gideaba gageandeawa saseeda ririnnyeanda gil geemus ASEETA aba fughareeda miy, aba duunooda Yesu Gristo,

Yuuda 1:5

Asi ghamneawa geagasayi deapkeaneegwa, earapeadi sirukuneegwa muuchi nibwagi ak ea maygudu eebiikta, gideaba dea ghayi lealna buuneeda jeeda ng'eanyiida Misri, iimuchu ghwalas uhuudeaba fugiga mamwasaan.

1 SAMWELI 1:24

Iimuchu nea nishukghu baleanda, hean ghwascheang'da nea goodeayi sea niny, nea gweaduudayi heeyda gweanyeeka asamwagu, ea dearanga nyiit sooscheanda, ea shearooda difaayi; ak ghwaat baleanda gheeda NG'UTAMIIDA mida Shilo nea abeeda baleanda aamwanang'.

1 SAMWELI 14:18

Ghwalamda Sawli ak gwayeesha Ahiya, “Eani hiji sandakwajeanda neajeeda bea ASEETA.” Aba gideaba sandakwajeanda neajeeda bea ASEETA goodeayi sea fuga Israeli eaweedida.

1 SAMWELI 4:2

Ng'ata gwajip geat fuga Filisti aba madeeda fuga Israeli, hean iidu nea ghagha ng'ucheeda, ghwajoar fuga Filisti fuga Israeli, ak ghabwar fuga nyiit sagalamnyooji ang'wan aba heeda sing'ucheesa.