1 SAMWELI 4:18 - Bibliyeeda Ghaydit

¹⁸ Hean nea gwarugu sandakwajeanda ASEETA, ghoabeadaawa Eli bwadaw aba uhuuda hoorgeadaanyi aba murdeeda dooshta; ak gagiinya gheata ak ghami, aba gideaba niwaasiit, ak ea durumwana. Ak ea niihaaghwa Israeli gweanyeew haradam.

1 SAMWELI 4:18 Mawu Ofanana

NYIIGHEEGA 26:8

Ea NG'UTAMIIDA, aniini ghaabwariinyi gheang'u sibateeweey, ea heeda abiita giigheambiitaang'u.

NYIIGHEEGA 42:10

Weajoodigeasu goong'eawiidanean gili jea gwahirjeaweada geakeasu, nea gwayeeniisean askwearda sean, “Gwanda yeenu ASEATAANG'U?”

NYIIGHEEGA 42:3

Dabeakeasu niiw daghwardeanyu askweari ea eawa, nea gwayeeniisean buuneeda galeaga sean, “Gwanda yeenu ASEATAANG'U?”

NYIIGHEEGA 69:9

Aba gideaba lachng'eanyiideaba gheang'u nihuuydanean, nea giing'weaka sean rukuna badaydaang'u ea ninyasan aniini.

NG'ASHEEGA LAWI 10:3

Ng'ata gwayeesha Musa Haruni, “Nih gidarugu NG'UTAMIIDA, ‘Gaydaahiimu geaw gideaba geawooschi ghaydit aba heeda fuga neekeewean, ak gajeakghaambiidan aba madeeda buuneesean.’” Hean ghwasiinda Haruni.

FUGA LAJA GIRGWEAGUUTKA 15:20

Hean ghoah siida laja girgweaguutka fuga Israeli aba gweanyeew diktam damanda ambaliischi fuga Filisti.

1 SAMWELI 4:13

Damanda hina abeeda Eli goobideada aba uhuuda hoorgeadaanyi aba ghuuta naweeda nea ghoaleaydiit, aba gideaba gwasawana jeadaanyi aba sandakwajeanda ASEETA. Iidu nea ghwahidu siida jeeda mujiini ak ghoadayda iita, gooyeawda mujiineesean.

1 SAMWELI 4:17

Ghwalamda siida eadu iita ak gwayeesha, “Fuga Israeli nimng'aw aba madeeda fuga Filisti, ak ea sibwar fuga saang'a; ak eara orjoagaagu asiyeenya, Hofni ea Finehasi, ea nimeewa, ak sandakwajeanda ASEETA ea sigeanda.”

1 SAMWELI 4:19

Damandida gagweayiit gatmooda orjeeda siguura Finehasi, ak ea niriikghta gwaji, Hean nea ghwayiiy iita gideaba siyaat sandakwajeanda ASEETA ea gideaba gheambasiyeadaanyi ea siyeadaanyi nimeewa, gwatkuy ak gwaji; aba gideaba ghwalach.