1 SAMWELI 4:10 - Bibliyeeda Ghaydit

¹⁰ Hean gaweay fuga Filisti ng'ucheeda, ak geajoar fuga Israeli, ak gamng'aw, ak gaba siisi weah ng'eang'da nyaawa; ak geabwar fuga saang'a, aba gideaba geabwar fih sagalamnyooji diktam ea damanamughuush was shirikara beawa geeshanga.

1 SAMWELI 4:10 Mawu Ofanana

2 SAMWELI 18:17

Ak gageanda saawa Absalomu, ak gwajaksa jeeda shoomanda haw aba jeeda dareabeeta, ak geemuguushsa badaydaanyi dulgwajeanda haw bea lagheanga; ak gamng'aw Israeleesean ak gaba siisi gheanyi.

2 SAMWELI 18:7

Ak geajoar fuga Israeli aba hoowa nea ghwajoar fuga gadiyeeda Dawdi, ak ghwasaang'ayiit muscheeka eaweedida, ak ghwahita fih sagalamnyooji diktam.

2 SAMWELI 19:8

Hean ghang'eat sugoocheanda, ak goopteada aba dooshta. Ak geerukusa buuneesean gideaba, “Ang'ula, sugoocheanda goopteada aba dooshta”; ng'ata ghapka buuneesean madeeda sugoocheanda. Aba damandida fuga Israeli niba siisi mang'awsa gheanyi.

2 SAMWELI 20:1

Ghayi gwanda siisi marachi gil, siguura gheawungaaschi Sheba, was orjeeda Bikri, bea eemeeda Benjamini; ak ghaghuut durumbeati, nea gwayi, “Aseasa manda gideanya aba heeda Dawdi, ak ea meendeawani hearaniischooda aba heeda orjeeda Yese; daba siisi weah jeeda maheemajeandaanyi, Ea Israeli!”

1 SUGOODIGA 12:16

Iidu nea ghwadaah buuneesean bea Israeli gideaba sugoocheanda mooleeysiina iit ng'asheega nyaawa, gwayeesha buuneeda sugoocheanda, “Aseasa gabeaheasa naaha aba heeda Dawdi? Meendeawani gichea eehearana aba heeda orjeeda Yese. Jeeda maheemajeegeagwa, ea Israeli! Ang'ula gealgeagwa, Dawdi.” Hean gabiikta buuneesean bea Israeli jeesinga maheemajeega nyaawa.

1 SUGOODIGA 22:36

Hean gamikta aseeta ak geekuulsa jeeda lugooda sean, “Daba siisi biikta jeeda mujiineadaanyi, daba siisi biikta jeeda ng'eanyiidaanyi!”

2 SUGOODIGA 14:12

Iidu fuga Yuda ghwajoar fuga Israeli ak gaba siisi fwach gawa gheanyi.

2 DAMANYOOJIGA 13:17

Ng'ata ghabwar Abiya sea fugaaschi saawa aba bayiiga hees; ak gameewa fih sagalamnyooji bughalaji muut (500,000) was headiga sigwalu.

2 DAMANYOOJIGA 25:22

Ak Yuda ghwajoar fuga Israeli; ak gaba siisi mang'awsa gheanyi.

NYIIGHEEGA 78:9

Efraimuheeda mideawa dabita ng'ucheeda, mideawa ghuweanga, gabiikta bwadaw eaweeda ng'ucheeda.

YEREMIYA 7:12

Aweayeena hoowa bea gheenyuun mida Shilo, heeda ghayi anung' goobiida gheawungeasu aba mwadi, ak ghoadayi gideasimi aba munyinda fugeasu was Israeli.

NG'ASHEEGA LAWI 26:17

ak aniini bwadaw, gayghabwareagwa weajoodigeagwa; nea fugiga sideagwaan gaygoombaleegwa, ak gajamng'awa nea manda siida hoaneagwa.

GIIPKEATA DIIGHEANDA 28:15

“Inyas ea miileeysiini iit ng'asheega ghuuta NG'UTAMIIDA was ASEATAANG'U ghana ang'waanya muuchi diigheanyeekaaschi sean ea deaweedajeagaaschi earukuneey askweareani, abeeda gaynyasa mooshteayeeksu seaniin nea gaygoobiida headaang'u.

GIIPKEATA DIIGHEANDA 28:25

“Gayghwanung' NG'UTAMIIDA gayghamwaashtaneey weajoodigaagu, gajuna ng'ucheewana nea giyaadi naweanagi, ak gaymang'awana madeeda nyaawa aba naweadin ispwa; ak gaywoosa siichea ghoawal eemoojiga sean bea muunda ng'eanyiida.

1 SAMWELI 3:11

Ng'ata gwayeesha NG'UTAMIIDA Samweli, “Ng'ula, aniini niriikghta dasin ng'asheanda aba jeeda Israeli, jea ghwayiiy iidiga siida wassean ghaboadan.

1 SAMWELI 4:2

Ng'ata gwajip geat fuga Filisti aba madeeda fuga Israeli, hean iidu nea ghagha ng'ucheeda, ghwajoar fuga Filisti fuga Israeli, ak ghabwar fuga nyiit sagalamnyooji ang'wan aba heeda sing'ucheesa.