1 SAMWELI 31:4 - Bibliyeeda Ghaydit

⁴ Ng'ata gwayeesha Sawli siida sareeni dabitaanyi bea ng'ucheeda, “Fakni ng'utaang'u, ak gung'udanaan, adiidu ghwahidu fiisu miyeeyiiliin ak ghang'udan nea gwashikean.” Ak ghaheawa siidaanyi sareeni dabita ng'ucheeda; aba gideaba ghabeal muuchi. Hean gageanu Sawli ng'utaanyi, ak goobeedeaysa.

1 SAMWELI 31:4 Mawu Ofanana

2 SAMWELI 1:1

Iimuchu nea ning'ata miyeeda Sawli, nea damanda biikna Dawdi aba bayiiga fuga Amaleki, goobiida Dawdi askwearjooji iyeenya mujiineeda Siklagi;

2 SAMWELI 1:14

Gwayeesha Dawdi niny, “Ang'iing'i gibadaksiindiin gideaba gaybwara siida simwaar bea NG'UTAMIIDA?”

2 SAMWELI 1:20

Adoorukwiidi ng'asheesu aba Gati, Adootearsi naweadinga Ashkeloni; Adagahoosan haweega Filisti, adiidu geenung' ghwaak badahuukaasa haweega doondooyga.

2 SAMWELI 1:6

Gwayeesha siidida rukusa niny ng'asheesuun, “Aba ASEETA abeeda geandi uhuuda Giijeeda Gilbowa; nea abeeda Sawli gwadiiwa geaw ng'utaanyi; ak ging'ulayi, gwaneekiisa niny mutukwajeega lugooda sea fuga ding'da faraasajeega.

2 SAMWELI 17:23

Hean nea ghwadaah Ahitofeli gideaba geaheawa girgweageadaanyi, ghaghu digeadaanyi, ak gawa ghoah was mujiineadaanyi. Ak gwasisin gheanyi, ak ghwarata geaw; ak ghami, ak geebung'sa jeeda bung'eeda ghwaan.

2 SAMWELI 21:12

gawa Dawdi ak gageanu geaka Sawli ea geaka orjeedaanyi siguura Yonatan aba heeda fuga Yabesh-gileyadi, ghayi jagwat aba naweeda Bet-shani, was heeda ghayi rateaysa saawa fuga Filisti, eaweedida ghabwar fuga Filisti Sawli aba Gilbowa;

1 SUGOODIGA 16:18

Hean nea ghwadaah Simri gideaba mujiineeda haw sighas, gawa bugusta gheeda sugoocheanda, ak ghaghwarda gheeda sugoocheanda heeda mida niny, ak ghami,

1 SUGOODIGA 16:27

Ak ghamneawa gadiyoojiga huuydeanda siipuut bea Omri ghayi sin, ea gidahiimdaayda uurdaanyi, meeng'oorsiina jeeda gitaabooda Damanyoojiga bea sugoodiga Israeli?

1 DAMANYOOJIGA 10:4

Ng'ata gwayeesha Sawli siidaanyi eada dabitaanyi bea ng'ucheeda, “Fakni ng'utaang'u, ak gung'udanaan, adiidu ghwahidu fiisu meeyiilean ak gwajukean.” Hean ghaheawa siidaanyi eada dabitaanyi bea ng'ucheeda; aba gideaba ghoawal muuchi. Ng'ata gageanu Sawli ng'utaanyi, ak goong'adeasa geaw.

FUGA LAJA GIRGWEAGUUTKA 14:3

Ng'ata gwayeesha ghwaan ea ghaamwat, “Aba bugusta fuga iduupcheewi ghana gea eaduupcheewi manda gatmooda? Gili jea una gheana gatmooda fuga Filisti meeyiilean?” Gwayeesha Samsoni ghwaan; “Agooga agakuuneani niny, aba gideaba ghaabwariinyi muuchi.”

FUGA LAJA GIRGWEAGUUTKA 9:54

Ng'ata ghwalamwach gaguursa orjeeda sareeni dabitaanyi ak gwayeesha, “Fakni ng'utaang'u, ak ginuuschean, adiidu gwayi buuneeda, ‘Gwanuus gatmooda.’” Hean ghang'uda orjeedida itaanyiin ng'uta, ak ghami.

1 SAMWELI 14:6

Hean gwayeesha Yonatan gheareemaneeda sar dabitaanyi, “Beeni, eeweaya heeda museasoodeaba fiisu meeyiilean; gwadeepa abeeda ghaweadeasa NG'UTAMIIDA aba meatkweedeanya; aba gideaba manda gida jea ghoamu ghoadeal NG'UTAMIIDA aba lealnooda ada gwandeawa fuga saang'a ghana gwandeawa fuga ng'ay.”

1 SAMWELI 17:26

Ng'ata gwayeesha Dawdi fuga miinaada aba murdeadaanyi, “Gajeataw naaha siichea ghabwar siisi bea Filistiin, nea gageanda baspaseega aba jeeda Israeli? Aba gideaba siisi ng'eaha was Filisti meeyiilean, jea goong'eawi lugooda ASEETA mideawa eaweegean?”

1 SAMWELI 17:36

Siidaang'u bea gadiyeeda nibwar ng'anyeeka ea idamoonga, ak siisi meeyiila was Filistiin gaygawuurji agi aba jeedeaba suh, aba gideaba niing'eawi lugooda ASEETA mideawa eaweega.”

1 SAMWELI 26:10

Gwayeesha Dawdi, “Aba gidabiideata NG'UTAMIIDA, gayghwalas NG'UTAMIIDA niny; ghana goosha eaweagaaschi ak ghami; ghana gawa ng'ucheeda ak ghami.

1 SAMWELI 31:5

Iidu nea ghwadaah siidaanyi sareeni dabita ng'ucheeda gideaba nimi Sawli, eara niny goobeedeaysa ng'utaanyi, ak gameewuudayi sea niny.