1 SAMWELI 30:22 - Bibliyeeda Ghaydit

²² Nea fuga munyas ea fuga marachi gil aba jeeda buuneeda adeayi sea Dawdi gwayi, “Gwasin gideaba meeteayeewani, majeatawa haleanjeeda siyaaschi ak geakghuumu, majeatawa gil aba jeedeaba haleanjeedida siyaachiin ak ghoakghuumuun, geaghus gaba siisi siitaw gatmoadaanyi ea diibigaaschi, daada gealga nyaawa.”

1 SAMWELI 30:22 Mawu Ofanana

1 SUGOODIGA 21:10

ak ghoamiindi fih iyeenya mideawa badeeda ak ghoanung' ghoahaakta niny, nea gwayi, ‘Nimwaashti ASEETA ea sugoocheanda.’ Ak gooruuti, ak goofuti lagheanga ea ghami.”

1 SUGOODIGA 21:13

Ak ghapka headaanyi fih iyeenya mideawa badeeda ak goobiitpiit aba madeadaanyi; ak ghoahaakta fugiga bea badeedean Naboti, aba madeeda buuneeda, nea gwayeesha, “Naboti nimwaashta ASEETA ea sugoocheanda.” Hean geeruuteawa jeeda mujiineeda haw, ak geefuta lagheanga ea ghami.

Mattayo 7:12

Haleanjeeda sean oogasayi gideaba gaygwasineegwa buuneeda, eara agooga asisiina saawa, aba gideaba nih ng'asheanda was deaweeda ea sibanga.

GIIPKEATA DIIGHEANDA 13:13

ning'eada jeedeang'wa fuga munyas searooji ak gwareengani fuga mujiini, nea gwayeena, ‘Eeweaya eebwada aseecheeka suuk,’ moanali agooga,

FUGA LAJA GIRGWEAGUUTKA 19:22

Damanda gudu goohoosan gurooruunatka nyaawa, ging'ulayi, fuga mujiineedida, fuga munyasi ak gwaneaweesa gheeda meatkwajeega sean, ak gwayi buuneeda; ak goobalool gweargweeda bea gheeda, ak gwayeesha, “Aruuni jarooda siida hidu gheang'u, geegasayi eanala.”

1 SAMWELI 22:2

Nea giliwas sih mideawa sawanadeeda, ea giliwas sih mideawa siileeda, ea buuneesean sawana gurooruunatka nyaawa, gabassa geat headaanyi; ak ghoah shirikarajeanda haw ambal saawa. Nea fuga mideayi sea niny ghwahita fih bughalaji ang'wan.

1 SAMWELI 25:17

Asi ghamneawa nala ng'asheanji ak giipkaadi gichea sina; aba gideaba gwanda gidamuy sibada sinooda aba badayda siideanya haw ea aba badayda fugeaba gheanyi sean, aba gideaba niny mii siida muy gil ea ghwaraay buuneeda goobalool.”

1 SAMWELI 25:25

Gidabal ea mang'ula ng'utamiideanyu Nabaliheeni muyiin; aba gideaba aba giduurji gheawungaaschi ea giduurji niny gil gheawungaaschi Nabali gil, ak ea dasha; nea aniini hudaang'u ea mii dadaah gheareemang'su bea ng'utamiideanyu was geah iijeaguun.

1 SAMWELI 30:21

Hean ghwahidu Dawdi heedeaba fugiga apughalaji iyeenyean, heeta bur ak ghwaraay goodeayi sea Dawdiin, sinung'usa ghealooda Besoriin; ak gaweay roonyeeda Dawdi nea gwaroonyi fugiga mideayi sea ninyiin; hean iidu nea gwaneekiisa Dawdi buuneeda googeachi.

1 SAMWELI 30:23

Ghwalamda Dawdi ak gwayeesha, “Adoosinyi ng'asheesu orjoogiyya, aba gidagooneasa NG'UTAMIIDA; was dea ahaaghwaneasa, ak ghwayiin geatingaasa lugooni sean laabeasa bwadawiin.