1 SAMWELI 3:19 - Bibliyeeda Ghaydit

¹⁹ Gwahisa heeda Samweli, ak gwandeawa NG'UTAMIIDA niny ak ghoang'waay ng'asheandaanyi.

1 SAMWELI 3:19 Mawu Ofanana

GIING'EETA 21:22

Iimuchu Abimeleki sea Fikoliheeda was shirikarajeanda haweewa shirikareadaanyi gwayeesha Abrahamu, “Gaymideawana ASEETA aba gili wassean jea sina;

GIING'EETA 28:15

Ng'ula, aniini gajeendeayeena ak gaydaahaaghwaneey aba hiji uwi sean, ak gaydeadeelneey ng'eang'i; aba gideaba maydanung'useey heeda ea dasin ng'asheanda ghayi earukuneey.”

GIING'EETA 39:2

Ak gwandeayi NG'UTAMIIDA sea Yosefu, ak ghwanung' gamnyeeni; ak goobiida gheeda siidaanyi haw bea ng'eanyiida Misri,

GIING'EETA 39:3

hean ghwadaah siidaanyi haw gideaba gwanda badayda NG'UTAMIIDA, ak ghwanung' ghoahaada haleanjeeda sean sin aba geatingaaschi.

1 SUGOODIGA 8:56

“Gagasa eebadiischeesa NG'UTAMIIDA niidaw fuufeanda fugaaschi bea Israeli, gawuurji gidaghayi heeleesiinda; nea manda ng'asheanda raay aba jeeda ng'asheega sean ghayi heeleesa miyaas, ghayi rukuna ghuuta siidaanyi bea gadiyeeda was Musa.

2 SUGOODIGA 10:10

Asi anala gideaba ng'asheega sean ghayi rugu NG'UTAMIIDA aba badayda gheeh Ahabu nisa. Aba gideaba NG'UTAMIIDA gwasin suh ruguun aba ghuuta Eliya was siidaanyi bea gadiyeeda.”

2 SUGOODIGA 15:12

Ak gwasa ng'asheanda ghayi heeleesa NG'UTAMIIDA sea Yehu bea gideaba, “Orjoagaagu gaygaweay hoorgeeda sugoocheanduumeeda Israeli ea ghwahita jeateaba ang'wan.”

2 SUGOODIGA 22:16

Gwayi NG'UTAMIIDA, Ng'ula, gaydeadu ng'asheanda muy hiji, ea badaydeaba fiisu mida hijiin aba huumwa ng'asheega sean bea gitaabooda asoamwa sugoocheanda Yuda.

ISAYA 43:2

Inyas giighaawi beega gulda aniini ea ang'iing'i gajeendeayeean, ama inyas giighaawi eeniga ea mayghwaanyi, nea eara iiwi jeeda beasta ea maymurjana, nea eara ng'ushapta beasta ea mayghwaaknyi.

ISAYA 44:26

dea amajeek ng'asheanda siidaanyi bea gadiyeeda, nea ghwanung' ghoah huumwa ng'asheega giijasoodigaaschi; ak geayeeniisi Yerusalemu, ‘Gaygoobiida buuneeda,’ ak mujiineeda Yuda, ‘Gajeadeas, nea gaydanung' ghamiinaada gicha eemeegeagwa ghayi sinyarja’;

ISAYA 55:11

ea gichea gawuurji ng'asheandeanyu leabu ghuuteanyu gil; maygabiiksean mwadaagha. Gaygwasinda gideagasiidi, gayghwanyagaada aba ng'asheega ghayi eajeakteawi.

Mattayo 1:23

“Ng'ula gaygagweayiit huda miyeasat ak gaygwaji baleanda, ak gajeeguura gheawungaaschi Imanueli” (nea gideaba, ASEETA sindeayeewi).

Lukka 1:28

Ghwahidu headaanyi ak gwayeesha, “Seayu ang'iing'eeda siitaw dagheerjeanduumeeda ang'iing'i gindeayi sea Ng'utamiida!”

Lukka 1:80

Ak gwahissa heeda baleanda nea ghwanyas uurda aba guroorooda, nea goobiita dareapcheeda ea ghwahita eaweadaanyi jea goohiimsiina geaw fuga Israeli.

Lukka 2:40

Gwahissa heeda baleanda nea ghwanyas uurda, ak geanyiit weaghuumeeda; nea gwandeawa dagheerjeanduumeeda ASEETA.

Lukka 2:52

Gwahissa heeda Yesu aba weaghuumeeda ak goohoosan ASEETA ea buuneeda.

2 Goriinto 13:11

Aba huuydeanda, abeaha seayu fuga eaduupcheewi. Asina naweadingeagwa, ayiinya gideargu, daba siisi mwas nuut, abeaha weayda, ak abeeda ASEETA mideawa bariinyeega ea weayda gaygoobiida heedeang'wa.

2 Goriinto 13:14

Dagheerjeanduumeeda Ng'utamiida was Yesu Gristo, ea bariinyeega ASEETA ea bareanyeeda Guroorooda Ghaydit gagasa andeawana oogasean.

GIIPKEATA DIIGHEANDA 18:22

Nea sibaneeda iibalool aba gheawunga NG'UTAMIIDA, nea ng'asheanda rugu ea mii huumwa, ghana ghoah huumwa, nih ng'asheanda mii gabaloola NG'UTAMIIDA, gabaloola sibaneeda aba ghwarjeeda, adiidu ghoabealnyi niny.

2 Dimoteo 4:22

Gagasa ghoahaaghwa gurooroadaang'u Ng'utamiida. Gagasa anyasa dagheerjeanduumeeda.

YOSHUWA 21:45

Ak ea manda eara ng'asheanjagi miy rugu NG'UTAMIIDA nea gwaheeleesa ak ea mii gwasin aba gheeh Israeli, gwasa ng'asheega sean.

FUGA LAJA GIRGWEAGUUTKA 13:24

Hean gwaji gatmooda orjeeda ak gaguura gheawungaaschi Samsoni; hean gwaheedu baleanda, ak ghoadaw NG'UTAMIIDA ghawooda.

1 SAMWELI 10:7

Asi ghamneawa idaahi ng'asheesu, gisini gida wassean nyas geatindaang'u, aba gideaba ASEETA gwanda headaang'u.

1 SAMWELI 12:2

Ak ghamneawa, goong'ulayi, sugoocheanda nukwa gwanda madeedeang'wa; nea aniini ea naawaasiichi ak ea niweeshiit uhuudeanyu, ak goong'ulayi, orjoogeasu goondeawi; ak geendeaydooschi sea agooga ghang'eada damanda eawoosi gheareemaneeda ea ghoah ghamneawa.

1 SAMWELI 16:18

Ghwalamda siyagi aba jeeda fugaaschi bea gadiyeeda ak gwayeesha, “Ng'ula, aniini naadaayi orjeeda Yeseheeda Betlehemu, was siida geariir aba lasooda gidoondooriida, was siida daruus biissa ea siida ng'ucheeda, baloola weaghuumeeda, was siida miy; mideayi sea NG'UTAMIIDA.”

1 SAMWELI 18:12

Hean ghoawal Sawli Dawdi, aba gideaba gwandeawa NG'UTAMIIDA sea niny ak gooheeli geaw sea Sawli.

1 SAMWELI 18:14

Ak ghwanyagaada Dawdi aba ng'asheega sean nyooh gwasin; aba gideaba niny gwandeawa NG'UTAMIIDA.

1 SAMWELI 18:5

Ak gawa Dawdi ak ghwanyagaada aba heeda ajeakta Sawli niny; bwak ea ghwanung' Sawli ghoah siida haweewa fuga ng'ucheeda. Ak ghabwariiy buuneesean ng'asheanji ea aba madeeda fuga gadiyeeda bea Sawli.

1 SAMWELI 2:21

Muchu ghabwayda NG'UTAMIIDA Hana, ak gagweayiit ak gwaji orju samwagu ea hawi iyeenya. Ak gwahisa heeda Samweli aba madeeda NG'UTAMIIDA.

1 SAMWELI 2:26

Hean gwahisa heeda orjeeda was Samweli nea ghabwariiy NG'UTAMIIDA ea buuneeda.

1 SAMWELI 9:6

Ak gwayeesha niny, “Ng'ula, gwanda siida ASEETA aba jeedeaba mujiineani, ak ea siida siiwali gheang'da; eeweaya headaanyi; gwadeepa gwarukuneasa iita bareanyeakaasa gwadeepa gwarugu heechea eanyasana.”