1 SAMWELI 28:7 - Bibliyeeda Ghaydit

⁷ Ng'ata ghwalamda Sawli ak gwayeesha fugaaschi bea gadiyeeda, “Agakuuneani gatmooda was giijoocheanda, daweesa ak ghaanyaashchi.” Ghwalamda fugaaschi bea gadiyeeda ak gwayeesha, “Ng'ula, gwanda giijoocheanda ng'eanyiida Endori.”

1 SAMWELI 28:7 Mawu Ofanana

2 SUGOODIGA 6:33

Hean nea gutghoabuut balooldaanyi, goobeeru siidida nea goodeana sugoocheanda. Ak gwayeesha, “Ng'ula sawanadeeni gwaleabu heeda NG'UTAMIIDA! Ghwasaan iijea daamuughu NG'UTAMIIDA ea gooyang'u?”

1 DAMANYOOJIGA 10:13

Ak ghami Sawli aba nyoota mureeda; aba gideaba masisiina mureeda NG'UTAMIIDA aba gideaba mwaang'waanya ng'asheanda NG'UTAMIIDA, nea goobalool meanga, nea gagasa weeta.

NYIIGHEEGA 83:10

ghayi silas uhuuda aba Endori, ak ghoah sururuuda aba badayda ng'eanyiida.

ISAYA 19:3

Gaydageanda meaynata fuga Misri ak gaydayam gadiyoojiga nyaawa gwachi jea gwasin; gaygaweay goonyeari ng'asheega aba heeda sanaamajeega, ea heeda meanga ea heeda fuga bara lagheanga ea beeneediga;

NG'ASHEEGA LAWI 19:31

“Aduwi heeda fuga ascheeng'u ng'eanyiida ghana beeneediga; adiidu gigasayi fiisu, ak ghabwaraneey saawa ririnnyeanda: aniini geawooschi NG'UTAMIIDA was ASEETEANG'WA.

HABAKUKI 2:3

Aba gideaba gisiihiimu gudughoamuughu damandaanyi; nea ghwalamwajaada ghwahita muudeanooda–ak ea maygwanda ng'uyeega. Nea iyajiilean, giimuughu; nea aba huumwa gayghwahidu, nea mayghwashing'da.

Gadiyeeda Giijasoodiga 16:16

Ghayi eaweecha nea geeweayi heeda sibata ASEETA, geeroonyeewi hudi was giing'oonyaneeda mideawa guroorooda ng'ushteayda, nea inyeesa aba ng'ushteaydaanyi ghwanung' ghwanyas meanang'oodigaaschi lapiyeeda saang'a.

GIIPKEATA DIIGHEANDA 18:11

ghana siida ang'urooni buuneeda aba ng'asheega ghuutaanyi, ghana giijoocheanda, ghana ng'ushoondooda, ghana giijoocheanda.

YOSHUWA 17:11

Manase abeeda mujiinajeagaaschi gwanda jeeda Isakari ea jeeda Asheri, nea Bet-sheni gil ea gharang'weakaaschi, ea Ibleamu ea gharang'weakaaschi, ea ng'eanyiida fuga Dori ea gharang'weakaaschi ea ng'eanyiida fuga Endori ea gharang'weakaaschi, ea ng'eanyiida fuga Daanaki ea gharang'weakaaschi ea ng'eanyiida fuga Megido ea gharang'weakaaschi; ak deaba samwagu ea Nafati gil.

1 SAMWELI 28:3

Iimuchu ghami Samweli, ak gooyeawda buuneesean aba badaydaanyi ak geebung'sa Rama was mujiineadaanyi. Ak ghahoan Sawli giijoodiga ea beeneediga aba jeeda ng'eanyiida.