1 SAMWELI 28:3 - Bibliyeeda Ghaydit

³ Iimuchu ghami Samweli, ak gooyeawda buuneesean aba badaydaanyi ak geebung'sa Rama was mujiineadaanyi. Ak ghahoan Sawli giijoodiga ea beeneediga aba jeeda ng'eanyiida.

1 SAMWELI 28:3 Mawu Ofanana

RITEAYDA 22:17

Ama heawa ghwaan ghoadayda hudaanyi abeeda gayghoadayda lapiyeeda miisa deeda geajalda siitayda aba huda miyeasat.

RITEAYDA 22:18

“Adisiksi gatmooda was beeneetkweanda goobiida badayda ng'eanyiida.

NG'ASHEEGA LAWI 19:31

“Aduwi heeda fuga ascheeng'u ng'eanyiida ghana beeneediga; adiidu gigasayi fiisu, ak ghabwaraneey saawa ririnnyeanda: aniini geawooschi NG'UTAMIIDA was ASEETEANG'WA.

NG'ASHEEGA LAWI 20:27

“Ng'eedeeda ghana gatmooda ascheeng'u ng'eanyiida ghana ea beeneetkweanda, gajeabwar ghami; gajeefuta lagheanga, nea foojeanda nyaawa gaygwanda badahuuka nyaawa.”

NG'ASHEEGA LAWI 20:6

“Nea siida iiyamsa geaw fuga ascheeng'u ng'eanyiida ea beeneediga, ak gwahiseada sea saawa, gaydeafuursa siisi badaydeanyu, ak gaydasach aba jeeda fugaaschi.

1 SAMWELI 15:23

Aba gideaba heeheeweega gawuurji sea riing'eeda beeneetkweanduumeeda, nea hang'ooynata uhuuda gawuurji ghwarjeeda ea badooda sanaamu. Aba gideaba niheawi ng'asheanda NG'UTAMIIDA, ak eara niny ea niheawa ea muwoosi sugoocheanda.”

1 SAMWELI 25:1

Iimuchu ghami Samweli; ak ghabwat geat fuga sean bea Israeli ak gagiisan aba badaydaanyi, ak geebung'sa gheanyi aba Rama. Ak ghang'eat Dawdi ak gawa dareapcheeda Barani.

1 SAMWELI 28:9

Ghwalamda gatmooda ak gwayeesha, “Aba huumwa ginali gidanisin Sawli, gidahoanda giijoodiga ea beeneediga aba jeeda ng'eanyiida. Abeeda ghwasaan inyas gisini ghaseeda eaweegeasu ak gigasayi eani miyeedeanyu?”

1 SAMWELI 7:17

Ak iissa gabiikiida Rama, aba gideaba gwanda gheanyi hoowa, ak eara aba hoowa iissa ghoahaaghwiida fuga Israeli doobiiwnata. Ak gwadeeksa NG'UTAMIIDA heeda wagiida aba hoowa.