1 SAMWELI 26:20 - Bibliyeeda Ghaydit

²⁰ Asi ghamneawa, adiidu gaweayeesa foojeandeanyu badayda ng'eanyiida ak geasheagiidi madeeda NG'UTAMIIDA; aba gideaba sugoocheanda Israeli nuwu gagasa eaweegeasu, gawuurji siida ak shageata udamughuushta aba iheenga giijeega.”

1 SAMWELI 26:20 Mawu Ofanana

YEREMIYA 16:16

Asi gwayi NG'UTAMIIDA, “Ng'ula gaydeajeagu fuga saang'a daga ghweayeega ghapka ghoang'waay fiisu; aba ng'ata gaydeajeagu fuga bara shageata ak gaygahoona saawa aba uhuuda gilinyoo ea giija gil ea uhuuda gilinyoo ea heaya, ea jeemba gilinyoo gwaleamba lagheanga.

HEAREEGA 3:52

“Aniini geayaaganaan shageata dawuurji dariideanda aba gisin weajoodigeasu nea mwanung'waada;

Mattayo 26:47

Damanda duu gwandeawa hoowa nea gabalool ghwahidu Yuda nea gaba jeedeaba giinealangiga atamaniyeenyean, nea goodeanyi sea eemeeda mideawa ng'utkeaka ea gulupkeaka nea goojeagu ashoohoodiga hees ea gweargwa.

Mattayo 26:55

Damandida gwayeesha Yesu eemeeda, “Asi agooga ghoapkaanyi oang'waanyaan nea gooyeadu ng'utkeaka ea gulupkeaka ghoanung' dawuurji mareanghweanda? Eawoojisu geabiiti gheeda sibata ASEETA nea geanealshi ak ea moong'oanyean!

1 SAMWELI 2:9

“Gayghoahaaghwa geeshanga fugaaschi doobiiweadi; nea fuga munyas gajeesachsa jeeda misaneeda; aba gideaba siida maygwajooriischeewa uurdaanyi.

1 SAMWELI 24:11

Daaha bwaabwa, daaha weasta hang'daang'u iishuubayi geaw gwanda geatindeanyu; gwachi gajea naabwarjeey amadu ghaalaji weeleeda hang'daang'u, nea geagasayi nala gideaba manda gidamuy ghana washta geatingeasu. Aniini meandeawani riing'eeda aba badaydaang'u, earapeadi igasayi bwaraaniin.

1 SAMWELI 24:14

Ama sugoocheanda Israeli gwardu nea gamaseaw ng'eaha? Gimwaali ng'eaha? Gimwaali gudeeda nimi ghana habeergweanda.

1 SAMWELI 24:15

Gagasa ghoah NG'UTAMIIDA siida jea ghwalach girgweageeda, ak ghwalach girgweageeda aba dageascheedeanyu ea daang'u, ak ghwadaah nea gabassa ng'asheega ghuuteanyu, ak gwalealnanean geatindaang'u.”

1 SAMWELI 25:29

Nea eara ghang'eat buuneeda nea gagasa eaweagaagu, eaweega ng'utamiideanyu gajeerasa jeeda shageeda eaweega sea NG'UTAMIIDA, was ASEATAANG'U; nea eaweega weajoodigaagu ea gea jea gwahisa jarooda gawuurji gili sihisteawa makeamooda.