1 SAMWELI 26:19 - Bibliyeeda Ghaydit

¹⁹ Asi ghamneawa gagasa ghwayiiy ng'utamiideanyu was sugoocheanda ng'asheega siidaanyi bea gadiyeeda. Ii ng'utamiida gil dea nung' nyareeksean, gidabal ghamwas haleanjeeda sisabwa geadi bea ghadooweeda; amadeepa ea buuneeda gil, ea deamwaashta aba madeeda NG'UTAMIIDA; aba gideaba nihoanan askweareani ak ea mwaanyasi hearaniischooda aba heeda NG'UTAMIIDA, nea gwayi, ‘Una bwada aseecheeka suuk.’

1 SAMWELI 26:19 Mawu Ofanana

GIING'EETA 44:18

Ng'ata gawa heeda Yuda ak gwayeesha, “Ea ng'utamiideanyu, geamuscheey nung' dabalool soomjeandaang'u sea ang'iing'i nea ghaabichi ng'eanyi, ak ea adinyareeksean aniineeda was soomjeandaang'u; aba gideaba ang'iing'i guwuurjeewi Farao.

GIING'EETA 8:21

Joon NG'UTAMIIDA shearooda ng'andit bea lukghumajeega, gwayi NG'UTAMIIDA aba jeeda gurooroadaanyi, “Maygudu damwaashta ng'eanyiida aba badayda siida, aba gideaba giiteemshajeega siida aba jeeda gurooroadaanyi ea munyas ghang'eada jeepcheanduumeadaanyi; ak ea maygudu danuus giliwas diyeayda gawuurji gidaghayi easindi.

2 SAMWELI 14:16

Aba gideaba gayghwayiiy sugoocheanda, ak gageandeawa siidaanyi bea gadiyeeda geatinga siida jea ghabwaran sea orjeedeanyu aba hearanda aba heeda ASEETA.’

2 SAMWELI 16:10

Hean ghwalamda sugoocheanda ak gwayeesha, “Neada geendeayeesi naaha sea ang'iing'i orjoagaagu Seruya? Niny iimwaashta aba gideaba nirukusa NG'UTAMIIDA gideaba, ‘Mwaashta Dawdi,’ jea iidu gwayi, ‘Ghwasaan inyas gisini ng'asheesu?’”

2 SAMWELI 16:11

Ng'ata gwayeesha Dawdi Abishayi sea fugaaschi sean bea gadiyeeda, “Ang'ula, orjeedeanyu eajiilsi geaw gagasa ghabwaran; abeeda ea mayghwaraanya muuchi siisi bea eemeeda Benjaminiin! Anung'waada, anung'waada ghamwaashta; aba gideaba gidarukusa NG'UTAMIIDA niny.

2 SAMWELI 20:19

Aniini geawooschi siyagi ng'eeni doabiiwaat aba jeeda Israeli; ak googasayi anyarja mujiineeda was gheamata Israeli; ghwasaan inyas gaynukghuta hearaniischooda NG'UTAMIIDA?”

2 SAMWELI 21:3

Gwayeesha Dawdi fuga Gibeoni, “Googasayi dasinneegwa naaha? Ak gaydasin naaha? Iijea dasin giiduupcheeda ak abeeda ghoatawji ghawooda hearaniischooda NG'UTAMIIDA?”

2 SAMWELI 24:1

Muchu gabiikta ghang'eat nyarasta NG'UTAMIIDA aba badayda Israeli, ak ghwanung' Dawdi ghwanyas sawanadeeda saawa, ak gwayeesha, “Una, ak giyiidayi fuga Israeli ea Yuda.”

1 SUGOODIGA 22:22

Ak gwayeesha NG'UTAMIIDA niny, ‘Gaysindaan?’ Ak gwayeesha, ‘Gaydawa, ak ghaahuuyi guroorooda ng'uyeega aba ghuusiga sibangaaschi sean.’ Hean gwayeesha, ‘Gayreengana niny, ak gaynyagaada; una ak gisindunu.’

1 DAMANYOOJIGA 21:1

Ng'ata ghamiinaada shataani aba badayda fuga Israeli, ak ghwanung' gwayiida Dawdi fuga Israeli.

NYIIGHEEGA 120:5

Deashageadi aniini aba gideaba geawooschi rabascheanda aba Mesheki, ak geabiidi bugusta maheemajeega Gedari!

NYIIGHEEGA 20:4

Gidabal gagoonyi niny gida gasa gurooroadaang'u, ak giihiidi ng'asheega sean igasayi sinooda!

GHWASIILDEANGA 30:10

Adiing'uchi siida gadiyeeda ea siidaanyi haw, adiidu ghamwaashtaneey ak geadaah gideaba gindeawi giidiinyeanda.

ISAYA 60:5

Hean inyeesa gidaahi gaynyasa weeshinda, ak gayghabwadan gurooroadaang'u nea gahoosan, aba gideaba baruureega basooda gajeekealu headaang'u, nea eara baruureega eemoojiga gayghapka headaang'u.

NG'ASHEEGA LAWI 26:31

Ak gaydanyarjeaweada mujiinajeegeagwa, nea ghoorajeegeagwa bea ghadooweeda gaydanung' ea manda sih, ak ea maydagasa shearooda eaghadoawandi.

IITOODA 36:7

Ak ea manda hearaniischooda wassean aba heeda orjooga Israeli jea ghabeawa eemeeni ak gaweesa eamwa suuk; aba gideaba orjooga Israeli gayghwanoas geat ak giliwas sih gaygwahearaniischi aba jeeda eemeeda ghweanigaaschi.

IITOODA 36:9

Ak ea manda hearaniischooda wassean jea ghabeawa eemeeni ak gaweesa eamwa suuk; aba gideaba eemeeda orjooga Israeli gaygaba siisi noas hearaniischoadaanyi niny nea gaba geaw.’”

Ruumi 14:15

Iidu orjeeda giyeang'wa iisawana ea gagiisan aba badayda hamita iyaagi, abeeda ea mudu midana jeeda bariinyeega. Adiidu gibwari siida darari aba hamitaang'u iyaagi nea siisi ghayi ghami Gristo aba badaydaanyi.

Galattiya 5:12

Aniini gideabali fugiga nung' ea moopidi ng'eanyiini ghwalajaada geat!

GIIPKEATA DIIGHEANDA 13:3

Adiidu giileeysiit ng'asheega sibaneedida ghana gea siidida argweadiin; aba gideaba NG'UTAMIIDA was ASEETEANG'WA gagalgaleegwa, ghwadaah ea ghoabwariinyi NG'UTAMIIDA was ASEETEANG'WA aba gurooruunatkeagwa sean ea aba jeadaang'u sean.

2 Dimoteo 4:14

Iskanda diita was gidang'oocheandean nisinnean ng'asheega munyas saang'a gayghawalda Ng'utamiida gawuurji gidasinda niny.

1 SAMWELI 18:10

Iimuchu ghwahidu guroorooda muy leabu heeda ASEETA ak gawa heeda Sawli, ak ghwaramoar aba jeedeaba gheanyi, nea abeeda ghabwar Dawdi gidoondooriida, gawuurji gidasiniida aba galeaga sean. Abeeda Sawli gwandeawa ng'uta aba geatindaanyi;

1 SAMWELI 24:9

Ak ghwalamda Dawdi ak gwayeesha Sawli, “Ghwasaan inyas giileeysiit ng'asheega fuga ayi, ‘Ng'ula, Dawdi gagasa ghabwarnyi’?

1 SAMWELI 25:24

Hean goobeedeaysa geeshangaaschi ak gwayeesha, “Badaydeanyu aniini, ng'utamiideanyu, gagasa goobiida munyinda badaydeanyu; geamuscheey hudaang'u bea gadiyeeda gwarukusa iidigaagu ng'asheega, ak giyiinyi ng'asheega hudaang'u.

1 SAMWELI 27:1

Hean gwayi Dawdi aba jeadaanyi, “Eaweecheanjagi gayghabwaran Sawli; ak ea manda gidang'al gideaba gaydawapta dawa ng'eanyiida Filisti; ak abeeda gaygabur Sawli aba gassoodeanyu aba jeeda moonghajeega Israeli, ak gaydamng'awa geatindaanyi.”