1 SAMWELI 26:18 - Bibliyeeda Ghaydit

¹⁸ Ak gwayeesha, “Ghwasaan inyas sugoocheandeanyu gamaseaw siidaanyi bea gadiyeeda? Neada ea neasinyi naaha? Geatingeasu gwanda munyimba naaha?

1 SAMWELI 26:18 Mawu Ofanana

NYIIGHEEGA 119:161

Fuga hees nighabwasan mwadaagha, nea gurooroodeanyu ghamiinaada nea gwasissa mureeda ng'asheagaagu.

NYIIGHEEGA 35:7

Aba gideaba ghwayiin ghaseeda madeedeanyu mwadaagha; ak ghaghurghur shoomanda mwadaagha aba gasooda eaweegeasu.

NYIIGHEEGA 69:4

Fuga sidan mwadaagha aasaang'a ea gaburdeawa buudeega uhuudeanyu; ak fuga gasa ghabwaran gwandeawa uurjeenga muuchi, fuga bwaran aba ng'asheega ng'uyeega. Neada gaydaamu deadeelu gida mii dajagwadi?

YEREMIYA 37:18

Ghwalamda Yeremiya ak gwayeesha Sedekiya was sugoocheanda, “Giidiinyeandeanyu naaha aba headaang'u ghana heeda fugaagu bea gadiyeeda ghana heedeaba fiisu, bwak ea ajaksean ghealooniga?

Yohaana 10:32

Ghwasha Yesu nea gwayeesha, “Aniini naahiimneegwa gadiyoojiga saang'a miyaasiin leabu heeda Bwaabwa; abeeda ea aneeda gil aba jeedeaba ng'asheesu jea ghwanung' aftean aba lagheangean?”

Yohaana 18:23

Ghwasha Yesu nea gwayeesha, “Iineargu ng'asheanda muy abeeda gimuuwu munyindaanyi ea ng'asheanda was, ama ghwanyawa eargu ng'asheanda nea ghwadoabiiw, abeeda gilaksean naaha?”

Yohaana 8:46

Aba jeedeang'wa gajea ng'eaha gil jea gwarugu gideaba geabea riing'a? Asi abeeda iyearuku huumwa abeeda ghwasaan anda moamwasaan?

1 SAMWELI 17:29

Ghwalamda Dawdi ak gwayeesha, “Ghamneawa neasinyi naaha? Eara ng'asheanda mwaydanyaashta?”

1 SAMWELI 20:1

Hean gamng'aw Dawdi aba Nayoti mida Rama, ak ghwaan madeeda Yonatan ak gwayeesha, “Aniini neada ea neasinyi naaha? Giidiinyeandeanyu naaha? Ak riing'eedeanyu ea aneeda aba madeeda gweanu, ea eeyi bwak ea gagasa eaweegeasu?”

1 SAMWELI 24:9

Ak ghwalamda Dawdi ak gwayeesha Sawli, “Ghwasaan inyas giileeysiit ng'asheega fuga ayi, ‘Ng'ula, Dawdi gagasa ghabwarnyi’?