1 SAMWELI 24:20 - Bibliyeeda Ghaydit

²⁰ Ak ghamneawa, ging'ulayi, aniini ghaanali gideaba aba huumwa gayhuuwa sugoocheanda, ea gideaba ng'eanyiida Israeli gaygamnyeen aba geatingaagu.

1 SAMWELI 24:20 Mawu Ofanana

AYUBU 15:25

Aba gideaba nigatgat geatindaanyi googeal heeda ASEETA, nea ghaheawa iiteaba diita hoauuriin.

NYIIGHEEGA 7:5

asi deana weajoocheanda geeshteanyu ak ghoang'waanyan; ak ghoalaapta ng'eanyi eaweegeasu, ak ghwanung' gwalil gurooroodeanyu aba jeeda birjeanda.

GHWASIILDEANGA 25:21

Adawa hamita weajoocheandaang'u iibearji jalooda, iibearji muwooshta giidawi beega jea ghwali.

Mattayo 2:13

Iing'ata nea niweay fugiga, ng'ula ghwahidu heeda Yosefu Malaykajeanda Ng'utamiida aba jeeda giirgweatka ak gwayeesha, “Ng'eada ak giyaadi baleanda ea ghaamwat, amng'awsiina Misri, ak goopiidi hoowa ea darukuneey, aba gideaba gagasa Herode gwanuus baleanda.”

Mattayo 2:16

Hean jeeng'u Herode gideaba nimulsa fugiga was weaghoodigean, ghwanyareas muuchi, hean goojeakta buuneeda gwanuuseada diibiga sean was orjooga aba Betlehemu ea gea mida jeedeaba ng'eanyiita bea gweanyeew iyeenya, ea gea hiing'aadawa, nea abeeda ea nisikteawa damanda rukusa weaghoodiga.

RUTI 2:12

Gagasa gooheaneey NG'UTAMIIDA giliwas aba gida iisini, ak gagasa gagoonyi giimearda NG'UTAMIIDA was ASEETA Israeli, inyasi giibinda aba jeeda meang'eagaaschi.”

1 SAMWELI 13:14

Ak ghamneawa sugoocheanduumeadaang'u ea nimuudean; aba gideaba niloat NG'UTAMIIDA siida gasa gurooroadaanyi; ak ea nigeanu NG'UTAMIIDA siida jea ghoah sugoocheanda jea goombal fugaaschi, aba gideaba miing'waanyi ng'asheega rukuneey NG'UTAMIIDA.”

1 SAMWELI 23:17

Ak gwayeesha niny, “Adibeali; aba gideaba mayghwanyasnyi geatinda bwaabwa; ang'iing'i gayhuuwa sugoocheanda Israeli, jea goombal Israeli, ak gaydoaw aniini siida geashtaang'u; eara bwaabeeda was Sawli ghwanal ng'asheanji.”

1 SAMWELI 26:25

Ng'ata ghwalamda Sawli ak gwayeesha Dawdi, “Gagasa nyasa ghawooda, orjeedeanyu Dawdi! Gaysina haleanjeeda saang'a ak gaynyagaada aba haleanjeeda sean.” Hean gawa Dawdi bareanyeakaaschi, nea gabiikta Sawli ghoah.