1 SAMWELI 24:2 - Bibliyeeda Ghaydit

² Hit gageanu Sawli fih sagalamnyooji samwagu siloat aba jeeda buuneesean bea Israeli, ak gaweay gagasa Dawdi ea fugaaschi aba iheenga lagheanga abiita nooga jarooda.

1 SAMWELI 24:2 Mawu Ofanana

2 SAMWELI 22:2

Ak gwayi, “NG'UTAMIIDA lagheaneedeanyu hawi, ea hilgweandeanyu, ea lealnoocheandeanyu,

AYUBU 39:1

“Heapi damanda jiila nabiyoonga mida iheenga lagheanga ginali? ak gajamuusa rukuni damanda jea gwajiila ndoopkeeda?

NYIIGHEEGA 104:18

Giijeega geawi heeda abiita nooga dareabeeta gil; nea lagheanga hees ea heeda mang'awiisa gwaleang'walajeega.

NYIIGHEEGA 141:6

Damanda siitawa saawa fugiga jea goorgweaksean, ak abeeda gayghwanal gideaba ng'asheanda NG'UTAMIIDA gaba huumwa.

NYIIGHEEGA 37:32

Siida mii doabiiwaat gafura dea doabiiwaat, nea gagasa ghabwar.

NYIIGHEEGA 38:12

Nea gea gaseadayi eaweegeasu ea nisin ghaseeda, nea gea gasa gwasawanan gabaloola ng'asheega munyas, ak gabada sinooda ng'asheega munyas askwearda sean.

1 SAMWELI 13:2

Ak ghwaloat Sawli fih sagalamnyooji samwagu bea Israeli; ak gwandeawa Sawli fih sagalamnyooji iyeenya aba Mikmashi ea aba jeeda ng'eanyiida heayeeniga bea Beteli, nea gwandeawa Yonatan fih sagalamnyeanjagi aba Gibeya mida dooshta Benjamini; ak ghwanung' Sawli gabiikta ghoah fuga abit.

1 SAMWELI 23:28

Gabiigu Sawli aba maseawda Dawdi, ak gawa gang'uchi sea fuga Filisti; ak gaguura hoowa Lagheaneeda simng'awiisa.

1 SAMWELI 26:2

Hean ghang'eat Sawli ak ghwararang'aada ak gawa dareapcheeda Sifu, sea fih sagalamnyooji samwagu siloat bea Israeli, gagasa Dawdi aba dareapcheeda Sifu.