1 SAMWELI 24:18 - Bibliyeeda Ghaydit

¹⁸ Nea askweareani ea niihiimu gidisami aba heedeanyu, aba gideaba mudu bwaraan damanda iinanaan NG'UTAMIIDA geatingaagu.

1 SAMWELI 24:18 Mawu Ofanana

GIING'EETA 38:26

Hean ghwanal Yuda haleanjeedida ak gwayeesha, “Niny ghoadoabiiw, ghaaraanyi dasin gidamiisean gwachi gaydaadaw orjeedeanyu was Shela.” Ak ea mudu gabiikta Yuda gwandeawa.

NYIIGHEEGA 31:8

ak ea mii iinaan geatinga weajoocheanda; ak ea ninung' ghamiinaada geeshangeasu aba heeda bwara.

NYIIGHEEGA 7:5

asi deana weajoocheanda geeshteanyu ak ghoang'waanyan; ak ghoalaapta ng'eanyi eaweegeasu, ak ghwanung' gwalil gurooroodeanyu aba jeeda birjeanda.

GHWASIILDEANGA 25:22

Aba gideaba gaynung' ghabwaspwas muuchi, gawuurji rarayga beasta aba uhuudaanyi, ak gaygabadiischooweey NG'UTAMIIDA.

1 SAMWELI 23:12

Hean gwayi Dawdi, “Fuga Geila gayghoadaydanaan aniini ea fugeasu ak ghwayiineasa geatinga Sawli?” Ghwalamda NG'UTAMIIDA ak gwayeesha, “Gayghoadaydaneey.”

1 SAMWELI 23:7

Ak geerukusa Sawli gideaba Dawdi nuwa Geila. Ak gwayi Sawli, “Niyiin ASEETA geatingeasu; aba gideaba nighas geaw aba beata jeeda mujiineeda mideawa gidaghuudajeega gharinga.”

1 SAMWELI 24:10

Heapi ng'ula nidaahi gheanyangaagu gidiindaneey NG'UTAMIIDA geatindeanyu aba jeeda gwaleeda; ak gwayeeshiinean fugeasu mwaatkwa gideaba bwara, ak ghaanung'waadaneey. Ak geayi, ‘Aniini maydeaheaksa geatingeasu ng'utamiideanyu; aba gideaba niny nimwaar NG'UTAMIIDA.’

1 SAMWELI 24:19

Aba gideaba siida inyas weajoocheandaanyi, gayghwanung'waada gawa nea gaba seayu? Asi gidabal gagoonyi NG'UTAMIIDA ng'asheega miyaasiin aba ng'asheega isinnean askweareani.

1 SAMWELI 26:23

Ak ghoamwaar NG'UTAMIIDA gili was sih aba doobiiwnataanyi ea ng'eenindaanyi; aba gideaba ghwayiinyi NG'UTAMIIDA geatingeasu askweareani, ak ea maydeaheaksa geatindeanyu siida amwaar NG'UTAMIIDA.

1 SAMWELI 26:8

Ng'ata gwayeesha Abishayi Dawdi, “Niyiin ASEETA weajoodigaagu geatingaagu askweareani; asi ghamneawa nung' dang'usa ng'eanyi aba ng'utaanyi aba hisiinagi, ak ea maydabiikta dang'ut deaba iyeenya.”