1 SAMWELI 24:12 - Bibliyeeda Ghaydit

¹² Gagasa gawa NG'UTAMIIDA dageascheedeanyu ea daang'u, gagasa ghawalda NG'UTAMIIDA mureandooda aba badaydeanyu; amaduuku geatindeanyu ea maydasawanyi.

1 SAMWELI 24:12 Mawu Ofanana

GIING'EETA 16:5

Ng'ata gwayeesha Sarayi Abramu, “Gagasa ng'asheanda muy isinnean aniini eesineey ang'iing'i! Geagoonyeey hudeanyu bea gadiyeeda ghoah gatmoadaang'u, iidu nea ghwadaah gideaba nigweayiit, hean gafoolan. Gagasa gooheeli NG'UTAMIIDA siida doabiiw aba aniini ea ang'iing'i!”

GIING'EETA 31:53

ASEETA Abrahamu ea ASEETA Nahori, was ASEETA ghwaan, gagasa goobiida dageascheedeanya gooheelaneasa.” Hean ghwaak Yakobo habeawooda aba Gheawalmeeda ghwaan was Isaka,

2 SAMWELI 22:48

was ASEETA goonan waldeayda mureandooda ak ghwayiin buuneeda hing'eadaydeanyu,

1 DAMANYOOJIGA 12:18

Hean ghwahidu Guroorooda heeda Amasayi, was siida ambal fih diktam ea damanamughuush, ak gwayeesha, “Aseasa geewooschi fugaagu, Ea Dawdi; ak geendi meatkweadaang'u, Ea orjeeda Yese! Hoyyoo, gagasa beaha hoyyoo, ak gagasa gaba fuga weanyi hoyyoo! Aba gideaba ghaweanyi ASEETA.” Ng'ata ghwaat Dawdi ghoah, ak ghwanung' ghoah fuga hees ambal shirikareadaanyi.

AYUBU 5:8

“Inyeeda gwachi geawuurjeeweey, gaydawa heeda ASEETA, ak ghaanung'wi haleanjeedeanyu headaanyi.

NYIIGHEEGA 35:1

Ea NG'UTAMIIDA, aghuumwa fugiga aghuumwaniin; ng'ucheewana fuga eang'ucheewi!

NYIIGHEEGA 43:1

Ea NG'UTAMIIDA, argweaksean ak giweachaan aba eemeeda mii doobiiweadi; lealnean aba heeda siida muy mii doabiiwaat!

NYIIGHEEGA 94:1

Ea NG'UTAMIIDA, guwoosi ASEETA waliida mureandooda, guwoosi ASEETA waliida mureandooda, aboong'ni!

Ruumi 12:19

Fuga aabwariinyi, adoowaliidi mureandooda aba heedeang'wa, ghang'wana ghoanung'waadi ghawalda nyarasta ASEETA; aba gideaba geang'waar, “Waldeayda mureandooda deanyu, gay dawalda aniini gwarugu Ng'utamiida.”

1 Betro 2:23

Niny ghayi iisiing'eawi ea miighoadeelda giing'weaka; nea eara iisawana ea miigoomuuw sih; ghaghus ninyeeda laja girgweageeda nea ghoadoabiiw.

Giidaheechta 6:10

goojuur aba ghuuta haw nea geeyi, “Ea Ng'utamiida ambaliischi, ghaydit bea huumwa, gajeeyi bwak ea ghoah eeju nea mii argweaksiina ak giwaldi foojeandeanya aba badahuuka fuga mida badayda ng'eanyiida?”

FUGA LAJA GIRGWEAGUUTKA 11:27

Ak aniini ghamneawa miidasinneey riing'eeda ak ang'iing'i gisinneani ng'asheanda muy aba gideaba ging'ucheewean; NG'UTAMIIDA was siida laja girgweaguutka, danung' ghoah siichea ghwalach girgweageeda askweareani aba bugusta fuga Israeli ea gea Amoni.”

1 SAMWELI 20:1

Hean gamng'aw Dawdi aba Nayoti mida Rama, ak ghwaan madeeda Yonatan ak gwayeesha, “Aniini neada ea neasinyi naaha? Giidiinyeandeanyu naaha? Ak riing'eedeanyu ea aneeda aba madeeda gweanu, ea eeyi bwak ea gagasa eaweegeasu?”

1 SAMWELI 24:15

Gagasa ghoah NG'UTAMIIDA siida jea ghwalach girgweageeda, ak ghwalach girgweageeda aba dageascheedeanyu ea daang'u, ak ghwadaah nea gabassa ng'asheega ghuuteanyu, ak gwalealnanean geatindaang'u.”

1 SAMWELI 26:23

Ak ghoamwaar NG'UTAMIIDA gili was sih aba doobiiwnataanyi ea ng'eenindaanyi; aba gideaba ghwayiinyi NG'UTAMIIDA geatingeasu askweareani, ak ea maydeaheaksa geatindeanyu siida amwaar NG'UTAMIIDA.