1 SAMWELI 23:6 - Bibliyeeda Ghaydit

⁶ Damanda mang'awa Abiyatari was orjeeda Ahimeleki gawa heeda Dawdi aba Geila, ghwaan nea gweana geadi hang'da siikwealiisa hamarjoojiga ashoohoocheanda.

1 SAMWELI 23:6 Mawu Ofanana

1 SUGOODIGA 2:26

Ak gwayeesha sugoocheanda ashoohoocheanda siguura Abiyatari, nea gwayeesha, “Una ng'eanyiida Anatoti, jeeda madamnyeandaang'u aba gideaba ang'iing'i gihaguuw miyeeda. Nea ea maydaahaaknyi miyeeda aba ghamneawa. Aba gideaba ang'iing'i ghayi gisareani sandakwajeanda NG'UTAMIIDA was ASEETA, nea giideayeewi Dawdeeda was bwaabwa, nea eara aba gideaba giiguuyeewi sawanaduutka sea bwaabwa.”

RITEAYDA 28:6

Ak gajeesissa weasta mananda mideawa dahaabu, bea oormeeda gasa gwatuudu, ea deagasa ghwahareariit ea dea areara, ea hang'weaka bumbuni miyaas, sin gearnoocheanda huumwa.

1 SAMWELI 14:18

Ghwalamda Sawli ak gwayeesha Ahiya, “Eani hiji sandakwajeanda neajeeda bea ASEETA.” Aba gideaba sandakwajeanda neajeeda bea ASEETA goodeayi sea fuga Israeli eaweedida.

1 SAMWELI 14:3

Nea Ahiya orjeeda Ahitubu, was orjeeda geenyea Ikabodi, was orjeeda Finehasi, was orjeeda Eli, was ashoohoocheanda NG'UTAMIIDA aba Shilo, abeeda gookweali eefoodi. Abeeda buuneeda mwanala gideaba Yonatan nuwa.

1 SAMWELI 22:20

Iidu gamng'aw orjeanagi bea Ahimeleki was orjeeda Ahitubu, siguura Abiyatari ak gamaseaw Dawdi.

1 SAMWELI 23:2

Ng'ata ghoanyaash Dawdi NG'UTAMIIDA, “Gaydawa dang'uchi fiisu bea Filistiin?” Gwayeesha NG'UTAMIIDA Dawdi, “Una ak ging'ucheewi fuga Filisti ak giighuuhi mujiineeda Geila.”

1 SAMWELI 23:5

Hean gaweay Dawdi sea fugaaschi Geila, ak gang'uchi sea fuga Filisti, ak ghwaat dugwa nyaawa, ak ghabwar fuga saang'a aba jeenyaawa. Hean ghaweat Dawdi fuga mida mujiineeda Geila.

1 SAMWELI 23:7

Ak geerukusa Sawli gideaba Dawdi nuwa Geila. Ak gwayi Sawli, “Niyiin ASEETA geatingeasu; aba gideaba nighas geaw aba beata jeeda mujiineeda mideawa gidaghuudajeega gharinga.”

1 SAMWELI 23:9

Hean gwajeeng'u Dawdi gideaba Sawli gabada ng'asheega munyas aba badaydaanyi; ng'ata gwayeesha Abiyatari was ashoohoocheanda, “Eani hiji hang'da siratiisa hamarjoojiga ashoohoocheanda.”

1 SAMWELI 30:7

Hean gwayeesha Dawdi Abiyatari was ashoohoocheanda, was orjeeda Ahimeleki, “Eanean hang'da jea deakwealsa hamarjoojiga.” Ak gweadu Abiyatari hang'da jea eekwealsa hamarjoojiga ashoohoocheanda heeda Dawdi.