1 SAMWELI 22:2 - Bibliyeeda Ghaydit

² Nea giliwas sih mideawa sawanadeeda, ea giliwas sih mideawa siileeda, ea buuneesean sawana gurooruunatka nyaawa, gabassa geat headaanyi; ak ghoah shirikarajeanda haw ambal saawa. Nea fuga mideayi sea niny ghwahita fih bughalaji ang'wan.

1 SAMWELI 22:2 Mawu Ofanana

2 SAMWELI 17:8

Hean gabiikta Hushayi gwayi, “Ginali gideaba gweanu sea fugaaschi gwandeawa uurjeenga, ak ea nyareeseadi, aba jeesinga nyaawa, gawuurji idamooda siireat dayeagaaschi aba dareabeeta. Nuut, gweanu ea daruus aba ng'ucheeda; maygwaluudayi eawa sea buuneeda.

2 SAMWELI 5:2

Ghayi aba damwan, nea Sawli ea sugoocheanda ahaaghwaneasa gil, ang'iing'i gil dea aruudu fuga Israeli ak ghwanung' ghapka ghoah; ak gwayeeshiineey NG'UTAMIIDA, ‘Gayhuuwa sugoocheanda Israeli.’”

2 SUGOODIGA 20:5

“Biikta ak giyeeshi Hesekiya was siida ambal fugeasu. Gwayi NG'UTAMIIDA was ASEETA Dawdi was ghweandeang'wa; naayiinyi musiischoadaang'u, ak ea naadaayi dabeakaagu ng'ula gaydanung' haabwa; ak eaweedeaba samwagu gaysiyeang'da una gheeda NG'UTAMIIDA.

2 SUGOODIGA 4:1

Hean gaweesa Elisha gatmooda was masinung'weanda bea sibaneanagi aba jeeda sibanga. Ak gwayeesha, “Siida mureeda, siyeedeanyu nimi ak ginali gideaba siidaang'u bea gadiyeeda ea doabiiwaat aba heeda NG'UTAMIIDA; ak ea nihidu siida siileeda, ak ghamneawa ea nihidu gagasa gageanda orjoogeasu asiyeenya ghoah soomjooga.”

GHWASIILDEANGA 31:6

Adawa gichea gooboogit siida mida jeeda miyeeda, ak giidawi difaayi fuga mida jeeda sawanadeeda muuchi.

Mattayo 11:12

Ghang'eada askwearjoojiga Yohaneeda Abaatiisachi ea gagul ghamneawa sugoocheanduumeeda humng'eeda sibwasay, nea fuga bwasay gageanda aba uurda.

Mattayo 11:28

Apkaani heedeanyu oogasean agoogeeda deawiit nea ghabwaanyeegwa sareenda, ak gaydeafuufeegwa.

Ebraniya 2:10

Aba gideaba ghwahit aba headaanyi, niny ea aba heeda dea ghayi abiideewa haleanjeeda sean, ak gweadu orjooga sean heeda giigheambiita ak ghoah gidamadeeda jea gagadiyeata bea lealeanoodean aba sawanadeeda.

FUGA LAJA GIRGWEAGUUTKA 11:3

Ng'ata gamng'awa Yefta heeda orjooga geenyaawa, goobiida ng'eanyiida Dobu; ng'ata gwaroonyi sea fuga gwaneadi ak gwaneaydooschi sea niny.

FUGA LAJA GIRGWEAGUUTKA 18:25

Hean gwayeesha orjooga Dani, “Adiidu geayiiy ghuutaang'u aba bugusteanya, adiidu goobisseey fuga nyareeseadi, ea meegeanda eaweagaagu ea gea fugeaba gheang'u.”

1 SAMWELI 1:10

Hean gwasawana muuchi ak ghamwaash NG'UTAMIIDA, nea gooyeawda muuchi.

1 SAMWELI 22:3

Ng'ata ghabeawa Dawdi hoowa ak gawa Mispayda Moabu; ak gwayeesha sugoocheanda Moabu, “Geamuscheey goobiida bwaabwa ea iyya headaang'u, bwak ea danal gida jea gwasinnean ASEETA.”

1 SAMWELI 23:13

Iidu ghang'eat Dawdi sea fugaaschi hita bughalaji lah, ak ghabeawa Geila, ak gaweay heeda gasa wassean. Hean iidu nea geerukusa Sawli gideaba niwaapta Dawdi aba Geila, ghwanung'waada gida gwachi gasa gwasin.

1 SAMWELI 25:13

Ghwalamda Dawdi ak gwayeesha fugaaschi, “Daba siisi ashaash ng'utaanyi!” Ak gaba siiisi ashaash ng'utaanyi; eara Dawdi ghoashaash ng'utaanyi; ak ghwaat geeshta Dawdi fuga nyiit bughalaji ang'wan, nea ghwanung'wa bwadaw fih bughalaji iyeenya fuga haleanjeeda.

1 SAMWELI 30:6

Iimuchu ea ninyareas muuchi Dawdi; aba gideaba gabaloola buuneeda gideaba gajeefuta niny lagheanga, aba gideaba buuneesean eanyareeseadi muuchi aba jeesinga nyaawa, ak gaba siisi giisan aba badahuuka orjoagaaschi ea haweagaaschi. Ak goomajeek geaw Dawdi aba heeda NG'UTAMIIDA was ASEATAANYI.

1 SAMWELI 9:16

“Numuji damanda uurji nih gaydeajeagu siida jea gwaleabu ng'eanyiida Benjamini, ak gajamwaara niny ghoah siida haw jea goombal fugeasu was Israeli. Gayghaweat fugeasu aba geatinda fuga Filisti; aba gideaba naadaayi sawanadeeda buuneedeanyu, aba gideaba nihidu shooka nyaawa heedeanyu.”