1 SAMWELI 20:5 - Bibliyeeda Ghaydit

⁵ Gwayeesha Dawdi Yonatan, “Ng'ula, numuji gwanda ghweelmeeda ng'ushiinda sheeda, ak ea mayghwashiy giimbuucheeda sugoocheanda; ak gaydeambuuchi sugoocheanda; asi nung'waada dawa, ak ghaafunyi geaw aba jeeda madamnyeanda ea ghwahita shing'adeeda eaweeteaba samwagu.

1 SAMWELI 20:5 Mawu Ofanana

2 SUGOODIGA 4:23

Ghwalamda siyeadaanyi ak gwayeesha, “Ghwasaan anda gayweesiina ghamneawa? Nea mii ng'ushiinda sheeda gil, ak ea mii sabaato gil.” Gwayeesha, “Mii gil gil.”

NYIIGHEEGA 55:12

Gwachi iyang'eawean weajoocheandeanyu– gaydaamu damilikghta ng'asheesu; siida adiing'u geaw aba badaydeanyu niny mwasidan– ama sunu gwachi gaydafuy geaw ea mwadaahan.

NYIIGHEEGA 81:3

Aghuuda durumbeati aba ng'ushiinda sheeda, ea aba sheeda haw, aba eaweeda ghweelmeedeanya.

GHWASIILDEANGA 22:3

Weaghoocheanda iidaahaan habitkweeda gawa ghafuy geaw, nea siida dasha gawa ghoahiimda geaw ak gaygwasawana.

AMOSI 8:5

ak gooyeenyi, “Sheeda gajeeng'usha eeju, ak geashaaydi booga? Ak Sabaato gaygoosha eeju, ak geataydi ngaano eashaayda, nea inyeesa ghoamwananyi eefa ak gooheedu shiliingajeanda, nea gooreenganayi buuneeda aba giisiiteeniida bea ng'uyeega,

IITOODA 10:10

Nea aba eaweeda oohoosani, ea aba askwearjoojiga ghweelmoojigeagwa ghayi sirukuneegwa, ea aba ng'ushiindeang'wa bea sheeda, gajaghuuda durumbeatajeesu aba badahuuka haleanjeedeang'wa bea ghadooweeda jea eaghwarda, ea badahuuka lukghumajeega was haleanjeeda ghadooweedeang'wa gichea eapkaada aba madeeda ASEETEANG'WA; aniini geawooschi NG'UTAMIIDA, was ASEETEANG'WA.”

IITOODA 28:11

“Nea aba giing'eeta sheegeagwa gajoatawa NG'UTAMIIDA haleanjeeda ghadooweeda sighwarda; nea heewsu manang'i iyeenya gil, ea lagweenjeanjagi, ea dayi ispwa bea gisilga was lagweendiga bea gwanyagi manda sirjeeda;

Yohaana 8:59

Ng'ata gooliimu lagheanga nea geegasa eefta iidu ghafuy geaw Yesu amahit gwariteawa jeeda gheeda sibata ASEETA.

Gadiyeeda Giijasoodiga 17:14

Deagheata goojeakta fuga siduupcheewi Bawlo gawa ng'eanyiida ghuuta basooda nea Sila ea Dimoteo saawa goobiida hoowa.

Golosaayi 2:16

Asi adagoorgweakseegwa siida aba giinyeashteayda gichea eayaak ghana gichea eali ghana badayda ghweelmeeda ghana aba ng'ushiinda sheeda ghana Sabaato,

1 SAMWELI 19:2

Gwayeesha Yonatan Dawdi, “Bwaabwa was Sawli gagasa ghabwarnyi; asi fura geaw sakteayda, una ak giibiidi heeda jea funya geaw ea meadaanyi;

1 SAMWELI 20:18

Ng'ata gwayeesha Yonatan niny, “Numuji ng'ushiinda sheeda; iimindani hiji gajeanal, aba gideaba hoorgeadaang'u maygwanda sih.

1 SAMWELI 20:19

Ak abeeda askweardeaba samwagu gajeanal gideaba mindani hiji; asi una heeda ifuysi geaw damanda jea ghwahina ng'asheanda, ak gifuysi geaw murdeeda lagheanga siimughuush.

1 SAMWELI 20:24

Hean ghafuy geaw Dawdi aba madamnyeanda; amadu nea geeng'usha sheeda, goopteada sugoocheanda gweagiischi.

1 SAMWELI 20:27

Ama eaweeteaba iyeenya, sakteayda nea ning'ata ng'ushiinda sheeda, ea manda sih hoorgeeda Dawdi. Ghwalamda Sawli ak gwayeesha Yonatan was orjeedaanyi, “Ghwasaan anda orjeeda Yese mii ghwaan agiischooda heeta ea ghamneawa?”

1 SAMWELI 20:4

Ng'ata ghwalamda Yonatan ak gwayeesha Dawdi, “Ng'asheanda wassean irugu, gaydasineey.”

1 SAMWELI 20:6

Iimwadaahan gweanu nea geambuucheewi, aba gidarukuta, ‘Giyeeshi geamuscheey dalamwajaada dawa ghoah aba Betlehemeeda was mujiineadaanyi; aba gideaba gwanda lukghumeeda, gweayda aba badayda fuga ghaheanya sean.’