1 SAMWELI 20:2 - Bibliyeeda Ghaydit

² Ng'ata gwayeesha niny siidida, “Niheawa ASEETA gideaba gaymeawa. Ng'ula, bwaabwa iissa ea maygwasin gida eara aahaw nea marukunean; abeeda ghwasaan inyas gayghafunyanaan bwaabwa ng'asheanji? Manda masnu.”

1 SAMWELI 20:2 Mawu Ofanana

GIING'EETA 44:7

Ghwalamda saawa ak gwayeesha siida, “Ghwasaan inyas gwarugu ng'utamiideanyu ng'asheega sunu? Gajeayaaga habeawooda gideaba soomjoagaagu miyeesina ng'asheanda uurjunu.

NYIIGHEEGA 40:6

Lukghumajeega ea haleanjeeda ghadooweeda mii bwariinya; ak ea nijaadi iidigeasu. Haleanjeeda ghadooweeda sighwarda ea haleanjeeda sighadoawanda aba badayda riing'eeda ghanyea migassi.

GHWASIILDEANGA 29:24

Siida bareanyi sea mareanghweanda gaygwasawan geaw nea gabwageaw, ak gayghwayiiy mooshteayda siida sighabwas ak ea maygwargu ng'ashaan.

ISAYA 50:5

NG'UTAMIIDA was ASEETA nijaat iiteanyu, ak was meawoosi hang'waay uuh, ak ea miidabiikta bwadaw.

Lukka 20:16

Adaaha gayghoan ama hidu gaygwanuuseada fugiga aragan madamnyeandanyiin ama hit gaygagasa fih suuk jea gwanung'usa madamnyeandaanyi.” Siyiiy ng'asheesu geeyi, “Gagasa ghoashiiy ASEETA!”

Yohaana 15:15

Maygudu gabiikta daguureewaneegwa soomjooga aba gideaba soomjeanda iissa ea mwanala gissin siidaanyi haw, ak ghamneawa aniini ea neaguureewaneegwa fuga eaduupcheewi aba gideaba nearukuneegwa ng'asheega sean eayiing'si heeda Bwaabwa.

Yohaana 17:8

aniini naadawji ng'asheega ghayi igoonyean, ak saawa ea niing'waay ak ghwanal huumeanda gideaba aniini gealeabu headaang'u; ak ea nimwas gideaba ang'iing'i giijeaknean.

YOSHUWA 22:29

Adaghwanyaseasa ng'asheanji gideaba geanung'wi heeda NG'UTAMIIDA, ak geayamnyi geat askweareani eayaada geeshta NG'UTAMIIDA ak geadeaschi heeda wagiida bea haleanjeeda ghadooweeda sisabwa geadi sighwarda, ea booga sisabwa geadi bea ghadooweeda, ghana lukghumajeega, dea mawoosa heeda wagiida bea NG'UTAMIIDA was ASEETEANYA miinaada aba madeeda maheemajeandaanyi!”

YOSHUWA 24:16

Hean ghwasha buuneeda ak geeyeesha, “Manda adeenung'usi heeda NG'UTAMIIDA, ak geegadiyeesi aseecheeka suuk;

1 SAMWELI 14:45

Iidu gwayeesha buuneeda Sawli, “Gayghami Yonatan, was dea ghayi eadu lealeanooda haw jeeda Israeli? Manda! Gidabiideata NG'UTAMIIDA, manda buudeanjagi bea uhuudaanyi jea goobissa ng'eanyi; aba gideaba niny gwasin gadiyeeda sea ASEETA askweareani.” Ak gwalealu buuneeda Yonatan, ea mwami.

1 SAMWELI 20:1

Hean gamng'aw Dawdi aba Nayoti mida Rama, ak ghwaan madeeda Yonatan ak gwayeesha, “Aniini neada ea neasinyi naaha? Giidiinyeandeanyu naaha? Ak riing'eedeanyu ea aneeda aba madeeda gweanu, ea eeyi bwak ea gagasa eaweegeasu?”

1 SAMWELI 20:12

Gwayeesha Yonatan Dawdi, “NG'UTAMIIDA, was ASEETA Israeli gagasa ghoah muushoocheanda! Damanda jea danyaasha numuji damanda uurji nih, ghana eaweeteaba samwagu, ng'ula, iideepa gwanda ng'asheanda miy haguuw Dawdi, abeeda gwachi ea maydeaneey iita ak gearukuneey ng'asheanji?

1 SAMWELI 20:3

Ghwasha Dawdi nea gwayeesha, “Gweanu ghwanal gida ibwariiydanaan; ak gwayeena, ‘Adaghwanal Yonatan ng'asheanji, aba gideaba gajiidu ghwanyareas.’ Nea aba huumwa, aba gidabiideata NG'UTAMIIDA ea gidabiideata gurooroadaang'u, aniini ea miyeeda gwanda dageascheedeanya geeshagi.”

1 SAMWELI 9:15

Eaweecha nea miighwahidu Sawli, goohiimsa NG'UTAMIIDA Samweli ng'asheanda: