1 SAMWELI 20:12 - Bibliyeeda Ghaydit

¹² Gwayeesha Yonatan Dawdi, “NG'UTAMIIDA, was ASEETA Israeli gagasa ghoah muushoocheanda! Damanda jea danyaasha numuji damanda uurji nih, ghana eaweeteaba samwagu, ng'ula, iideepa gwanda ng'asheanda miy haguuw Dawdi, abeeda gwachi ea maydeaneey iita ak gearukuneey ng'asheanji?

1 SAMWELI 20:12 Mawu Ofanana

2 SAMWELI 21:7

Ak ghoaghu sugoocheanda Mefibosheti orjeeda Yonatan was orjeeda Sawli, aba habeawooda NG'UTAMIIDA mida dageascheeda nyaawa, dageascheeda Dawdi ea dea Yonatan orjeeda Sawli.

AYUBU 31:4

Neada niny ea mang'ula naweadingeasu, nea gwayiida mooneeda geeshanga sean aadasaadi?

NYIIGHEEGA 17:3

Ang'iing'i ginali gurooroodeanyu, ak ea nihidu heedeanyu eawa, ak ea nisikteawean, ak nisimnyean, ea maydeaksean munyinda; nea mii darukuna ghuuteanyu ng'asheanda mwahida.

GHWASIILDEANGA 20:5

Gida ateemsheata siida aba jeeda gurooroadaanyi gawuurji beega sheagi jih, nea siida mideawa fughareeda ghwanal gichea gwajeeng'deayda.

YOSHUWA 22:22

“ASEETA hoauur, ea agi, was NG'UTAMIIDA! ASEETA hoauur, ea agi, was NG'UTAMIIDA! Niny ghwanal; ak eara Israeli gayghwanal! Inyas ea siheawi ghana ea siitiiysi NG'UTAMIIDA, adighuuheasa askweareani

1 SAMWELI 20:11

Hean ghwalamda Yonatan ak gwayeesha Dawdi, “Beeni, eeweaya madamnyeanda.” Hean gaweay duwaawi jeeda madamnyeanda.

1 SAMWELI 20:13

Bwaabwa iigasa gideaba gaygwasawanyi, abeeda gagasa ghwalasan NG'UTAMIIDA ak ghaameayi iimearukuneey iita ak ghaanung' una nea gibea seayu. Gagasa mideayeata NG'UTAMIIDA gida mideaydooscheata sea bwaabwa.

1 SAMWELI 23:18

Ak gwasin fiisu duwaawiin neajeeda aba madeeda NG'UTAMIIDA; ak goobiida Dawdi Horeshi, nea gawa Yonatan ghoah.