1 SAMWELI 2:34 - Bibliyeeda Ghaydit

³⁴ Ak gili jea gabussa orjoagaagu asiyeenyean, Hofni ea Finehasi, gayghoah gwadeagooda aba headaang'u: ak gaygameewa duwaawi aba eaweecheanjagi.

1 SAMWELI 2:34 Mawu Ofanana

1 SUGOODIGA 13:3

Ng'ata ghwayiin giirooraneeda aba eaweedida, ak gwayi, “Nih giirooraneeda ghayi rugu NG'UTAMIIDA gil: ‘Ng'ula, heeda wagiida gayghabwaasha, ak deareeda mida uhuuda gaygaweayeesa ng'eanyi.’”

1 SUGOODIGA 14:12

Asi ng'eada, ak gibiiksi gheang'u, inyas gilaabi jeeda mujiineeda haw, gayghami baleanda.

Lukka 2:12

Nea gwadeagooda jea adaaha ea nihi; gajadaaha baleanda siikwealsa hang'weaka jeepcheanduumeeda nea geeluul aba jeeda daghwalda leeha dugwa beega.”

1 SAMWELI 10:7

Asi ghamneawa idaahi ng'asheesu, gisini gida wassean nyas geatindaang'u, aba gideaba ASEETA gwanda headaang'u.

1 SAMWELI 2:33

Nea siideang'wa mwaasaji aba heedeanyu bea wagiida gayghaghu ak goobuus gheanyangaaschi nea gagiisan aba gurooroadaanyi; nea abeeda fugaagu sean ahaada bea ghaheang'wa gaygameewa aba ng'uta gawuurji fuga gealaan.

1 SAMWELI 3:12

Aba eaweedida gaydasin ng'asheega sean aba badayda Eli ghayi eargu aba badaydeaba gheanyi, ghang'eada giing'eeta ea ghwahita muudeanooda.

1 SAMWELI 4:11

Ak geayaat sandakwajeanda ASEETA; nea orjooga asiyeenya bea Eli was Hofni ea Finehasi, gealajaada gheatkweaka.

1 SAMWELI 4:17

Ghwalamda siida eadu iita ak gwayeesha, “Fuga Israeli nimng'aw aba madeeda fuga Filisti, ak ea sibwar fuga saang'a; ak eara orjoagaagu asiyeenya, Hofni ea Finehasi, ea nimeewa, ak sandakwajeanda ASEETA ea sigeanda.”

1 SAMWELI 4:21

Ak gaguura gheawunga baleanda Ikabodi, nea gwayi, “Nibeawa giigheambiita Israeli.” Aba gideaba siyaat sandakwajeanda ASEETA aba miyeeda gheambasiyeadaanyi ea dea siyeadaanyi.

1 SAMWELI 4:22

Ak gwayi, “Nibeawa giigheambiita Israeli, aba gideaba siyaat sandakwajeanda ASEETA.”