1 SAMWELI 2:25 - Bibliyeeda Ghaydit

²⁵ Siida iisissa siida niirja riing'eeda, gaygawa ASEETA dageascheeda gooduupchi; nea siida isin riing'eeda aba badayda NG'UTAMIIDA, gayghoamu ng'eaha gwasin giiduupcheeda aba headaanyi?” Aba gideaba maygooleeysiit ghuuta ghwaan; aba gideaba nibada NG'UTAMIIDA gideaba gayghabwar saawa.

1 SAMWELI 2:25 Mawu Ofanana

GIING'EETA 38:10

Ak ng'asheega sin gamunyiit aba madeeda NG'UTAMIIDA, ak ghabwar eara niny.

GIING'EETA 38:7

Nea Eri duweacheeda Yuda eamuy seara aba madeeda NG'UTAMIIDA; ak ghabwar NG'UTAMIIDA ghami.

1 SUGOODIGA 8:31

“Inyas gaygoodiiy siida aba heeda giischeewoocheandaanyi, ak geenung' ghwaak habeawooda, inyas ghoan gweaksa habeawooda madeeda headaang'u wagiida aba jeedeaba gheawi,

1 SUGOODIGA 8:32

abeeda giileaydiit aba humng'eeda, ak gisin, ak giirgweaksi siidaang'u bea gadiyeeda, nea giwali siida muy nea giigeali fughareadaanyi jeeda uhuudaanyi, nea giidawi siida doabiiwaat gidadeaschi ak gibadiischeesi aba doobiiwnataanyi.

2 DAMANYOOJIGA 10:15

Ak sugoocheanda ea mooleeysiina iita buuneeda, aba gideaba ng'asheanji gwaleabu heeda ASEETA gideaba NG'UTAMIIDA gayghwahidu ng'asheandaanyi ghayi rukuna ghuuta Ahiya bea eemeeda Shiloni rukusa Yeroboamooda was orjeeda Nebati.

2 DAMANYOOJIGA 25:16

Hean damanda gudugabalool gwayeesha sugoocheanda niny, “Aseasa siyiinyeey huwa siichea goorgweakiiseasa? Siinda! Ghwasaan ang'iing'i anda meenuusnyi?” Hean ghwasiinda sibaneeda, ng'ata gwayeesha, “Ghana gideaba ASEETA nigasa gideaba gaygwanuusnyi aba gideaba nisini ng'asheanji nea ea miileeysiini iita girgweageedeanyu.”

AYUBU 9:33

Manda siida jea gooheelaneasa aba bugusteanya, ak gooduupchaneasa iyeenyeedeanya sean.

NYIIGHEEGA 51:16

Aba gideaba ang'iing'i mibwariinyi lukghumajeega; gwachi gaydagu lukghumajeega sighwarda, ang'iing'i migassi lukghumajeega sighwarda.

NYIIGHEEGA 51:4

Neasineeyi riing'eeda, ang'iing'i nea gibea geaw, ak geasinyi ng'asheega munyas aba madeeda gheanyangaagu, gidigasayi ang'iing'i ghwadoabiiw nea girgweageadaang'u ea mwajeamwachmwach.

GHWASIILDEANGA 13:1

Jeepta mideawa weaghuumeeda gaygooleeysiit iita ghwaan, nea dea fool maygooleeysiit ng'asheega sirgweaksiina.

GHWASIILDEANGA 15:10

Girgweaksiinda ng'waan gwanda badayda dea nung'usa heeda naweeda miy, nea dasit gideaba gajeewoowsa gayghami.

GHWASIILDEANGA 29:1

Siida iisimiin gheang'da nyaamoana ak ghoahang'waay uhuudaanyi, gaygagiishachi nibwagi ak ea maygut ghahaap.

REEKUSIINDA 3:3

damanda nuusta, ea damanda giiheapta; damanda nyarjeawda, ea damanda deesta;

IITOODA 15:30

Nea siida sin ng'asheanda wassean nea gabaysa, ada ea siideaba ng'eang'i, ada ea rabascheanda, abeeda goong'eawi NG'UTAMIIDA; abeeda siisi gajeasach aba jeeda fugaaschi.

GIIPKEATA DIIGHEANDA 1:17

Adiidu ghoashiichi buuneeda aba lajita girgweaguutka; ooleeysiina iita fuga manang'i ea gea hees aba gilagi; adiidu eara siyagi ghoabealeagwa, aba gideaba girgweaksiinda gaba ASEETA; aba girgweageeda ooraanyi alaja gooyeanean, ak abeeda gaydealeeysa iit aniini.’

GIIPKEATA DIIGHEANDA 2:30

Nea abeeda Sihoni was sugoocheanda ng'eanyiida Heshboni ghaweadaneasa beata jea ealaabwa headaanyi; aba gideaba NG'UTAMIIDA was ASEETEANG'WA niihang'waay gurooroadaanyi, hean gayghwayiin niny geatingaagu ghoah giduurji ghamneawa.

1 Dimotteo 2:5

Aba gideaba ASEETA ea agi, ak eara dea aduupchi buuneeda ea ASEETA ea agi, niny siida was Gristo Yesu;

Ebraniya 10:26

Nea iisisinyi riing'eeda aba baysiinda nea sinyaschi fughareeda huumeanda, abeeda ea maygwanda lukghumeeda aba badayda riing'eega,

Ebraniya 10:27

nea gwanda furdeayda girgweaksiinda jea ghoabeal buuneeda, ea beasta ng'waan jea ghwaak fuga was weajoodiga.

Ebraniya 7:25

Nea giduurji sean ghoamu aba damanyoojiga sean gwalealu fugiga neekiissa ASEETA aba ninyiin, nea niny gwanda galeagasean nea gooduupchi saawa.

YOSHUWA 11:20

Aba gideaba ghoahang'waay NG'UTAMIIDA gurooruunatka nyaawa ak ghapka gang'uchi sea fuga Israeli, nea gabaysiina gideaba ghwanung' goosha, ak ea meabwayda geenung' goosha, gawuurji gidarukusiinda NG'UTAMIIDA Musa.

1 SAMWELI 3:14

Asi gaydeaksa habeawooda gheeh Eli aba gideaba munyasnacheeka gheeh Eli majeegeanda aba lukghumeeda ghana aba haleanjeeda ghadooweeda ea ghoah damanda manda muudeanooda.”