1 SAMWELI 2:11 - Bibliyeeda Ghaydit

¹¹ Ng'ata gabiikta Elikana ghoah aba Rama. Nea orjeeda gagadiiyeesa NG'UTAMIIDA, aba madeeda Eli was ashoohoocheanda.

1 SAMWELI 2:11 Mawu Ofanana

1 SAMWELI 1:1

Ghayi gwanda siyagi bea mujiineeda Rama bea eemeeda Sofimu mida ng'eanyiida heayeeda Efraimu, siguura gheawungaaschi Elikana orjeeda Yerohamu, Yerohamu gaba Elihu, Elihu gaba Dohu, Dohu gaba Sufu bea eemeeda Efraimu.

1 SAMWELI 1:19

Muchu ghang'eat ng'eat sakteayda duw ak ghamwaash NG'UTAMIIDA; amang'ata ghwayam geat gabiikta gheanyaawa mida Rama. Ak gwandeayi Elikana sea gatmoadaanyi was Hana, ak ghoapkaat NG'UTAMIIDA niny;

1 SAMWELI 1:28

Ak ghamneawa ghaadawji NG'UTAMIIDA; nea aba gidayang'da eaweagaaschi ghaadawji, gaygaba NG'UTAMIIDA.” Ak ghamwaash NG'UTAMIIDA aba hoowa.

1 SAMWELI 2:18

Abeeda Samweli gagadiiy aba madeeda NG'UTAMIIDA, nea gookwa hang'da miy rassa mananda.

1 SAMWELI 3:1

Hean gagadiiy orjeeda was Samweli was deebaneeda Eli. Nea abeeda ng'asheanda NG'UTAMIIDA ea mwariis aba damandida; ak ea manda giirgweatka.

1 SAMWELI 3:15

Hean gwalil Samweli ea gamuchu; ak ghwajaat gidaghuudajeega gheeda NG'UTAMIIDA. Ak ghabeal Samweli ak ghoawal gwarukusa Eli gidasiihiimsa.

1 SAMWELI 7:17

Ak iissa gabiikiida Rama, aba gideaba gwanda gheanyi hoowa, ak eara aba hoowa iissa ghoahaaghwiida fuga Israeli doobiiwnata. Ak gwadeeksa NG'UTAMIIDA heeda wagiida aba hoowa.