1 SAMWELI 19:5 - Bibliyeeda Ghaydit

⁵ aba gideaba ghoaghaashta eaweagaaschi ak ghabwar fuga Filisti, ak ghoadaw NG'UTAMIIDA jooriischooda buuneesean bea Israeli. Ak gidaahi, ak gihoosani; ak abeeda ghwasaan inyas gaysina riing'eeda aba badayda foojeanda manda giidiinyeanda ak gaybwara Dawdi nea mandeawana giidiinyeanda?”

1 SAMWELI 19:5 Mawu Ofanana

2 SAMWELI 23:10

Hean ghang'eat ak ghabwar fuga Filisti ea gabur geatindaanyi, ak gwanooschi geatindaanyi sea ng'uta; ak gwajooriischi NG'UTAMIIDA muuchi eaweedida; hean gabiikna buuneeda geash niny nea ghwaas haleanjeeda fuga sibwar.

1 DAMANYOOJIGA 11:14

Hean ghamiinaada aba bugusta madamnyeanda, ak gameaji, ak ghabwar fuga Filisti; ak gwalealu NG'UTAMIIDA aba uurda haw.

1 DAMANYOOJIGA 11:18

hean ghabwasay fugiga assamwaguun museasooda Filisti, ak gwaramu beega aba healadeeda aba Betlehemu mida ghuuta dooshta, ak gweadu ak ghoadaw Dawdi. Ak ea mwali Dawdi; ak ghoahiida aba madeeda NG'UTAMIIDA,

NYIIGHEEGA 109:5

Ng'ata gagoonan gea munyas ghoaghiisa gea miyaas, ea sicheeda ak ghoaghiisa bariinyeegeasu

NYIIGHEEGA 119:109

Ghaang'waanyi eaweegeasu aba geatindeanyu galeaga sean, ak aniini ea mii gwaroosean deaweedeadaang'u.

NYIIGHEEGA 25:3

Asaha, fuga amuukghuneey mayghabwaspwas eara akaleala; dabwaspwasa fuga sean heawaneey mwadaagha;

NYIIGHEEGA 69:4

Fuga sidan mwadaagha aasaang'a ea gaburdeawa buudeega uhuudeanyu; ak fuga gasa ghabwaran gwandeawa uurjeenga muuchi, fuga bwaran aba ng'asheega ng'uyeega. Neada gaydaamu deadeelu gida mii dajagwadi?

NYIIGHEEGA 94:21

Ak iissa gang'uchi guroorooda siida doabiiwaat, ak goorgweaksiina miyeeda siida manda giidiinyeanda.

RITEAYDA 14:13

Ghwalamda Musa ak gwayeesha buuneeda, “Adoabeali, amiinaada oomajeega geat, ak gajadaaha gichea gwalealdeaydaneegwa NG'UTAMIIDA, ea gichea gwasin eanean aba badaydeang'wa, fiisu bea Misri oadaayi ghamneawean, maygudu abiikta adaaha.

YEREMIYA 26:15

Asi anala ng'asheanji gideaba inyas goonuuscheani, abeeda gajoahaaga geat foojeanda manda giidiinyeanda, ea badaydeaba mujiineani ea fuga mida jeeda, nea ea huumwa gil gideaba goojeakneani NG'UTAMIIDA darukuneegwa ng'asheesu seaniini.”

Mattayo 27:24

Daah Bilato gideaba mwanyasa gil ghoahaada nyarasta, gageanu beega ak goohuun geatingaaschi aba madeeda eemeeda ak gwayeesha, “Aniini manda gichea ghwaagan aba foojeandeaba siisi asawsiina agooga nea goobea geat.”

Mattayo 27:4

Gwayeesha, “Neadiinyi aba gideaba ghaadaydi siida manda giidiinyeanda eenuus.” Gwayeesha Saawa, “Neada ghwadaseasaani aseasa? Ng'asheanji gabeacheeweey ang'iing'i.”

Yohaana 15:25

Ak gwasa gidasung'oar aba jeeda deaweeda gideaba, ‘Ghwastan mwadaagha.’

Gadiyeeda Giijasoodiga 20:24

Ak ea mwanung' ghoah eaweegeasu gil ghana danung' ghoah gidaghaloamwaat, geagasayi ghanyi daahiit gadiyeedeanyu aanyaschi aba heeda Ng'utamiida was Yesu, ak geamuuwu iita giijasta miy bea dagheerjeanduumeeda ASEETA.

Filippi 2:30

aba gideaba gwaramagu ghami aba gadiyeeda Gristo, nea gwaramagu gabeagu eaweagaaschi ak ghoahiit gadiyeedeang'wa aba heedeanyu.

Ebraniya 2:3

aseasa gajeamuusa eemuldaan iimeeduupi lealeanooda haw deenu? Aba gideaba ghayi nibay gwayi Ng'utamiida aba mwadi, ak gagoaneasa fuga ghayi iiy niny,

FUGA LAJA GIRGWEAGUUTKA 12:3

Aba damanda aadaayi gideaba majalealneani, ghaayiinyi eaweegeasu badayda geatingeasu, ak ghaaghaawji dang'uchi sea fuga Amoni, ng'ata ghwaahaak NG'UTAMIIDA saawa geatingeasu; ak ghamneawa ghwasaan agooga ghoapkaanyi heedeanyu askweareani, ang'ucheeweani?”

FUGA LAJA GIRGWEAGUUTKA 9:17

aba gideaba bwaabwa ghayi gaweeteegwa, ea gwaramagu gahuta eaweagaaschi, ak gwalealneegwa aba geatinga Midiyani,

1 SAMWELI 11:13

Hean gwayeesha Sawli, “Manda siida jea eabwar askweareani, aba gideaba askweareani niyeadu NG'UTAMIIDA lealeanooda jeeda Israeli.”

1 SAMWELI 14:45

Iidu gwayeesha buuneeda Sawli, “Gayghami Yonatan, was dea ghayi eadu lealeanooda haw jeeda Israeli? Manda! Gidabiideata NG'UTAMIIDA, manda buudeanjagi bea uhuudaanyi jea goobissa ng'eanyi; aba gideaba niny gwasin gadiyeeda sea ASEETA askweareani.” Ak gwalealu buuneeda Yonatan, ea mwami.

1 SAMWELI 19:6

Ak ghwayiiy Sawli ng'asheega Yonatan; ak ghwaak Sawli habeawooda nea gwayi, “Aba gidabiideata Ng'utamiida, majeabwar.”

1 SAMWELI 20:32

Ng'ata gwayeesha Yonatan ghweandaanyi was Sawli, “Ghwasaan inyas gajeenuus? Neada eanisin naaha?”

1 SAMWELI 22:14

Hean ghwasha Ahimeleki ghuuta sugoocheanda ak gwayeesha, “Ak gajea ng'eaha aba jeeda fugaagu sean bea gadiyeeda dea doabiiwaat ea gawuurji Dawdi, was orjeeda agweaji sugoocheanda, ak ea shirikarajeanda haw ambal siidaang'u furnyi, ak geawal gheang'da aba jeedeaba gheang'u?

1 SAMWELI 28:21

Ak ghwahidu gatmooda heeda Sawli, amadu nea ghwadaah gideaba nibeal, gwayeesha, “Ng'ula, hudaang'u gooleeyseey iit; naanung' gwashageada eaweegeasu ak ea naayiinyi ng'asheega irukunean.