1 SAMWELI 19:23 - Bibliyeeda Ghaydit

²³ Ghabeawa hoowa ak gawa Nayoti aba Rama; ak ghwahidu Guroorooda ASEETA headaanyi eara niny, nea damanda beawa gwaramoorani ng'asheega, ea ghwahita Nayoti aba Rama.

1 SAMWELI 19:23 Mawu Ofanana

GHWASIILDEANGA 16:9

Siida inyeesa ghwadaawdaaw ng'asheagaaschi, ak heechea ghoala sean gayghoadoabiiw NG'UTAMIIDA.

GHWASIILDEANGA 21:1

Guroorooda sugoocheanda gwanda geatinda NG'UTAMIIDA gawuurji ghealooda gulda beega, iissa googeal heeda wassean gasa.

IITOODA 23:5

Hean ghwayiin NG'UTAMIIDA ng'asheanda ghuuta Balaamu, ak gwayeesha, “Biiksiina Balaki; ak girukusi ng'asheesu.”

IITOODA 24:2

Ng'ata gagatkat Balaamu gheanyangaaschi ak ghwadaah fuga Israeli, nea gabeeliisiinyi dooshinga; ak ghwahidu guroorooda ASEETA headaanyi.

Mattayo 7:22

Eaweedida gaygwayeeshiinean fuga saang'a; ‘Ng'utamiida, Ng'utamiida, miyeeramoorana aba gheawungaagu, nea aba gheawungaagu geeruuti meangeenda, ak geesinyi haleanjeeda saang'a deamdeameadi aba gheawungaagu?’

Yohaana 11:51

Siisi marukunana uhuudaanyi ng'asheesu, gwarukuna gideaba niny ashoohoocheanda haw gil aba gweaydida, niny gwaramoorsa gideaba Yesu gayghami aba badayda eemeeda,

1 Goriinto 13:2

Nea eara dandeawa uurda sibaneanduumeeda, ak ghaanali makcheamuutka sean bea fughareeda, ak geandeawi masaweega sean, ammu goobaleak giijeega, ak ea meandeawani bariinyeega, meawoosi gil.

1 SAMWELI 10:10

Hean nea ghwahita Gibeya, ging'ulayi, gwaroonyi sea mughuusheanda sibanga; ak ghwaan guroorooda ASEETA aba uurda headaanyi, ak ghwaramoar aba jeenyaawa.

1 SAMWELI 10:12

Ak ghwasha fuga bea ng'eanyiida ak gwayeesha, “Ak ghweanda nyaawa ea ng'eaha?” Ng'ata ghoah ghwasiildeanga, “Neada Sawli gaba jeeda sibanga?”

1 SAMWELI 10:6

Deagheata ghwahidu guroorooda NG'UTAMIIDA headaang'u aba uurda, ak gayramoarana sea saawa ak gajeayamnyi huwa sih nuut.

1 SAMWELI 18:10

Iimuchu ghwahidu guroorooda muy leabu heeda ASEETA ak gawa heeda Sawli, ak ghwaramoar aba jeedeaba gheanyi, nea abeeda ghabwar Dawdi gidoondooriida, gawuurji gidasiniida aba galeaga sean. Abeeda Sawli gwandeawa ng'uta aba geatindaanyi;

1 SAMWELI 19:18

Hean ghafwach Dawdi ak ghafuy geaw, ak gawa heeda Samweli aba Rama, ak gwarukusa ng'asheega sean sima Sawli niny. Ak gawa niny sea Samweli ak goobiida Nayoti.

1 SAMWELI 19:20

Ng'ata goojeakta Sawli giijasoodiga ghoang'waay Dawdi; ak iidu nea ghwadaah mughuusheanda sibanga nea gwaramoorani ng'asheega, nea ghamiinaada Samweli aba madeanyaawa nea haweewa saawa, hean ghwahidu Guroorooda ASEETA heeda giijasoodiga Sawli, ak eara saawa ghwaramoar ng'asheega.

1 SAMWELI 19:22

Ghang'eat niny ak gawa heeda Rama, ak ghapka ea ghwahidu healadeeda haw mida Seku; ak ghoanyaashta, gideaba “Gwanda yeenu Samweli ea Dawdi?” Ghwalamda siyagi ak gwayeesha, “Ng'ula, gwanda Nayoti aba ng'eanyiida Rama.”