1 SAMWELI 18:30 - Bibliyeeda Ghaydit

³⁰ Ng'ata ghapka fuga hees bea Filisti ng'ucheeda, ak eara iissa ibuwa ng'ucheeda iissa gwajooriischi Dawdi muuchi ea ghang'al fuga sean bea gadiyeeda Sawli, ak gageawiit iitaanyi muuchi.

1 SAMWELI 18:30 Mawu Ofanana

2 SAMWELI 11:1

Muchu nea ghwahita damanda muweedeaba gweaydida, damanda badiina sugoodiga ng'ucheeda, goojeakta Dawdi Yoabu, goodeayi sea fugaaschi bea gadiyeeda, sea buuneesean bea Israeli; ak ghawalda mureandooda aba heeda fuga Amoni, ak gwaneaweesa Raba. Nea Dawdi geenung'usa Yerusalemu.

2 SAMWELI 7:9

ak ea sindeayi aba hiji wassean uwi, ak ea neaheeleeweey weajoodigaagu sean ghang'amwa madeadaang'u; ak gaydanung' gwaheedu gheawungaagu, gawuurji gheawunga fuga hees bea ng'eanyiida.

2 SUGOODIGA 1:13

Hean goojeakta gicha niba samwagu sugoocheanda shirikarajeanda mida madeeda lugooda, sea fih haradam ea damanamughuush, hean gawa siidida haw mida madeeda lugoodean bea samwaguun, ea fih haradam ea damanamughuush. Ng'ata ghwascheang'da ea mwahita ghang'uda ng'eanyi gutung'weaka aba madeeda Eliya ak ghamearmear muuchi nea gwayeesha. “Ea orjeeda siida ASEETA geamuscheey gideaba gurooroodeanyu ea gurooruunatkeaba fiisu ikaagu bea gadiyeedean was haradam ea damanamughuushiin aghuuha eaweega nyaawa.

NYIIGHEEGA 116:15

Aamiy aba madeeda gheanyanga NG'UTAMIIDA miyeeda gil aba heeda fugaaschi ghaydidi.

NYIIGHEEGA 119:99

Geandeawi fughareeda ea dang'al giinealshoodigeasu sean, aba gideaba ng'asheagaagu imuuwu gea eapkeadayi.

GHWASIILDEANGA 12:8

Siida gajeegwarsa aba giteena fughareadaanyi, nea siida mideawa hang'ooynata uhuuda gajeefool.

DANIELI 1:20

Nea aba giliwas weaghuumeeda ea nalooda gilinyoo gagasa sugoocheanda aba heanyaawa, ghwadaah ghang'alda saawa niba damanamughuush aba heeda beeneediga sean ea deareemng'ajeega mida jeeda ng'eanyiidaanyi sean.

Lukka 21:15

aba gideaba gaydagooneegwa ng'asheega ea weaghuumeeda jea inyeesa eara weajoodigeagwa ghwaraay ng'alealeeda ghana gichea ghwashaang'da.

Efeeso 5:15

Ang'ula muuchi aba gidoabeadi, adoowuurjeewi fuga manda fughareenga, awuurjeewana gea mida fughareenga,

1 Betro 2:4

Beenni headaanyi, ninyeeda was lagheaneeda mideawa eaweega, ghayi heawa buuneeda ak aba heeda ASEETA ea siloat ak gaba sheayeeda haw;

1 Betro 2:7

Asi agoogeeda mideawa masaweega, gaba sheayeeda haw, nea aba heeda fuga mamwasaan, “Lagheaneeda fool fuga deekshi ea niiw lagheaneeda haw washiini,”

1 SAMWELI 18:29

ghoawal Sawli muuchi Dawdi. Ak ghoah Sawli weajoocheanda Dawdi aba jeeda eaweagaaschi.

1 SAMWELI 18:5

Ak gawa Dawdi ak ghwanyagaada aba heeda ajeakta Sawli niny; bwak ea ghwanung' Sawli ghoah siida haweewa fuga ng'ucheeda. Ak ghabwariiy buuneesean ng'asheanji ea aba madeeda fuga gadiyeeda bea Sawli.

1 SAMWELI 19:8

Muchu gabiikta ghang'eat ng'ucheeda; ak gawa Dawdi gang'uchi sea fuga Filisti, ak ghabwar fuga saang'a aba jeenyaawa, ea gamng'aw aba madeadaanyi.

1 SAMWELI 2:30

Ng'ata gwayi NG'UTAMIIDA was ASEETA Israeli: ‘Aniini gearugu gideaba gheang'u ea ghaheang'wa gayghapka nea gaweay aba madeedeanyu damanda manda muudeanooda’; ak ghamneawa gwayi NG'UTAMIIDA: ‘Gagasa gwasheagiidanean ng'asheanji; aba gideaba fuga sinnean mureeda gaydasissa, nea fugiga foolaniin gaydafool.

1 SAMWELI 26:21

Ghwalamda Sawli ak gwayi, “Neasinyi ng'asheega munyas; biikni, orjeedeanyu Dawdi, aba gideaba maygudu dasimaneey gidamuy, aba gideaba eaweegeasu ghang'alda aba madeeda gheanyangaagu askweareani; ng'ula, aniini neasinyi leendeeda, neasinyi ng'asheanda muy muuchi.”

1 SAMWELI 26:24

Ng'ula, eaweagaagu ghang'alda askweareani aba madeedeanyu, ak gidabal ghang'alda eaweegeasu aba madeeda NG'UTAMIIDA, ak gooheeleewanean ng'asheega sean munyas.”