1 SAMWELI 18:27 - Bibliyeeda Ghaydit

²⁷ ghang'eat Dawdi ak gawa nea goodeayi sea fugaaschi, ak ghabwar fih bughalaji iyeenya bea Filisti; ak gweadu Dawdi dimbajeega nyaawa, ak geeyiitiisa sean sugoocheanda, ak abeeda ghoah orjeeda jea googweaji sugoocheanda. Ak ghoadaw Sawli niny hudaanyi siguura Mikali ghoah gatmoadaanyi.

1 SAMWELI 18:27 Mawu Ofanana

2 SAMWELI 3:13

Ghwalamda Dawdi ak gwayeesha, “Ghwadoabiiw; gaydasin neajeeda sea ang'iing'i; ak geagasayi ng'asheanjagi aba headaang'u; nea gideaba, mwaydaaha gheanyangeasu, ea eaghus ghanyi eani Mikali, was hudeaba Sawli, aba damanda uwuni daahana gheanyangeasu.”

2 SAMWELI 3:14

Hean goojeakta Dawdi giijasoodiga heeda Ishbosheti orjeeda Sawli, ak gwayeesha, “Goonean gatmoodeanyu was Mikali eanyeari dimbaji bughala bea fuga Filisti.”

FUGA LAJA GIRGWEAGUUTKA 14:19

Hean ghwahidu headaanyi guroorooda NG'UTAMIIDA aba uurda, ak gwararang'eesa Ashkeloni ak ghabwar fih diktam ea damanamughuush bea mujiini, ng'ata gageanda dabita nyaawa, ak ghoadaw hang'weaka nyaawa miyaasiin heeda fuga ghayi rukusa ghwasiildeanga. Hean ghang'eat gabiikta gheeh ghwaan aba nyarasta.

1 SAMWELI 14:49

Orjooga Sawli Yonatan gil, ea Ishfi, sea Malkishuwa; nea gheawunga haweagaaschi asiyeenya suh: gheawunga huda was duweacheeda geeguura Merabu, nea gheawunga dea mwanang' geeguura Mikali;

1 SAMWELI 18:13

Ng'ata ghoang'aamwa Sawli madeadaanyi, ak ghwanung' ghoah shirikarajeanda ambal fih sagalama; ak gwarita ak goosheedeawa buuneeda.

1 SAMWELI 18:17

Ng'ata gwayeesha Sawli Dawdi, “Nukwa hudeanyu haw siguura Merabu; gaydagoonyi ghoah gatmoadaang'u; ak geaghus woosa daruus ak ging'uchi aba badayda NG'UTAMIIDA.” Aba gideaba gwayi Sawli, “Maygudu dang'uta geadi nung'waada ghabwar Dawdi fuga Filisti.”

1 SAMWELI 18:28

Hean nea gwajeeng'u Sawli gideaba NG'UTAMIIDA gwandeayi sea Dawdi, ea gideaba ghabwariiy buuneesean bea Israeli niny,

1 SAMWELI 25:44

Abeeda Sawli niidaw Mikali hudaanyi was gatmooda Dawdi, Balti was orjeeda Laishi, was siida mujiineeda Galimu.