1 SAMWELI 18:20 - Bibliyeeda Ghaydit

²⁰ Iidu ghabwariiy Mikali was hudeaba Sawli Dawdi; ak geerukusa Sawli, ak goohoosan ng'asheanji niny.

1 SAMWELI 18:20 Mawu Ofanana

2 SAMWELI 3:13

Ghwalamda Dawdi ak gwayeesha, “Ghwadoabiiw; gaydasin neajeeda sea ang'iing'i; ak geagasayi ng'asheanjagi aba headaang'u; nea gideaba, mwaydaaha gheanyangeasu, ea eaghus ghanyi eani Mikali, was hudeaba Sawli, aba damanda uwuni daahana gheanyangeasu.”

2 SAMWELI 6:16

Iidu nea ghwahidu sandakwajeanda neajeeda bea NG'UTAMIIDA jeeda mujiineeda Dawdi, ghoang'weardaawa seawadeeda hudeaba Sawli siguura Mikali, ak ghwadaah sugoocheanda was Dawdi gwadeambiiri nea ghang'was aba madeeda NG'UTAMIIDA; ak gafool niny aba jeadaanyi.

2 SAMWELI 6:20

Ak gabiikta Dawdi googeachi gheanyi. Gwardu Mikali was hudeaba Sawli ak ghwaan roonyeeda Dawdi, ak gwayeesha, “Sugoocheanda Israeli ninung' gwaheedu gheawungaaschi askweareani, ak ghoahiimu dawiishnataanyi askweareani aba madeeda gheanyanga haweega fugaaschi bea gadiyeeda, gawuurji siitasha!”

1 SAMWELI 14:49

Orjooga Sawli Yonatan gil, ea Ishfi, sea Malkishuwa; nea gheawunga haweagaaschi asiyeenya suh: gheawunga huda was duweacheeda geeguura Merabu, nea gheawunga dea mwanang' geeguura Mikali;

1 SAMWELI 18:28

Hean nea gwajeeng'u Sawli gideaba NG'UTAMIIDA gwandeayi sea Dawdi, ea gideaba ghabwariiy buuneesean bea Israeli niny,