1 SAMWELI 18:18 - Bibliyeeda Ghaydit

¹⁸ Hean ghwalamda Dawdi ak gwayeesha Sawli, “Neada aniini geawooschi ng'eaha, ak ea geabeang'a fuga ghaheanya aba jeeda fuga Israeli, jea deaw siida jea googweaji sugoocheandean?”

1 SAMWELI 18:18 Mawu Ofanana

2 SAMWELI 7:18

Ng'ata gawa sugoocheanda was Dawdi ak goopteada aba madeeda NG'UTAMIIDA, ak gwayeesha, “Aniini geawooschi ng'eaha Ea sugoocheanda was ASEETA, ak gheenyu ea naaha gil, bwak ea eanean heeda sheagi ayang'u? sheaktunu?

1 SUGOODIGA 4:15

Ahimasi, mida Naftali (nigeanda Basemati was hudeaba Sulemani ghoah gatmoadaanyi);

RITEAYDA 3:11

Ghwalamda Musa ak gwayeesha ASEETA, “Aniini geawooschi ng'eaha jea dawa heeda Farao ak gearuudu fuga Israeli aba ng'eanyiida Misri?”

GHWASIILDEANGA 15:33

Gheawalmeeda gheang'da NG'UTAMIIDA giinealshooda weaghuumeeda gil, eatoodeaba geaw bea ng'eanyi gaygooshooyna mureeda.

GHWASIILDEANGA 18:12

Ghwarjeeda guroorooda gaygweadu nyariida, nea eateaba geaw bea ng'eanyi gaygweadu mureeda.

YEREMIYA 1:6

Ng'ata geayeenyi, “Ea NG'UTAMIIDA was ASEETA, Ng'ula aniini mwammuusi baloolda, aba gideaba gutawoos mwanang'.”

RUTI 2:10

Hean gwatkuy aba madeadaanyi ak ghwahiiy geaw ea ghwahita ng'eanyi, ak gwayeesha, “Neada ghaanyastiin alooheeda aba madeadaang'u, bwak ea nalaan aniineeda eawooschi rabascheanda?”

1 SAMWELI 18:23

Ng'ata gwarukusa fuga gadiyeeda Sawli ng'asheesu iidiga Dawdi. Ak gwayi Dawdi, “Ng'asheanji iyoong'ulayi ea ng'asheanda mwanang' gideaba gayghoah siida dea jea googweaji sugoocheanda, aba gideaba aniini neada geawooschi siida bwarbwar biissa ea meawala gheang'da?”

1 SAMWELI 9:21

Ghwasha Sawli nea gwayeesha, “Neada aniini ea meawoosi siida dooshta Benjamini, mwanang' aba jeeda dooshinga Israeli? Nea fugeasu ea mii manang'eewa buuneesean bea dooshta Benjamini? Ghwasaan abeeda inyas goorukunean ng'asheesu?”