1 SAMWELI 18:17 - Bibliyeeda Ghaydit

¹⁷ Ng'ata gwayeesha Sawli Dawdi, “Nukwa hudeanyu haw siguura Merabu; gaydagoonyi ghoah gatmoadaang'u; ak geaghus woosa daruus ak ging'uchi aba badayda NG'UTAMIIDA.” Aba gideaba gwayi Sawli, “Maygudu dang'uta geadi nung'waada ghabwar Dawdi fuga Filisti.”

1 SAMWELI 18:17 Mawu Ofanana

2 SAMWELI 11:15

Nea gang'oorsa jeeda barawajeanda gideaba, “Iina Uriya madeeda ng'ucheeda heeda ng'waan, amang'ata ginung'usi heeda, ak abeeda geabwaay ak geabwar ghami.”

2 SAMWELI 12:9

Ghwasaan ang'iing'i inyas gifooli ng'asheanda NG'UTAMIIDA, ak gisini gidamuy aba madeadaanyi? Ak gibwari Uriyaheeda eemeeda Hiti aba ng'uta, ak gageanda gatmoadaanyi ak ghaghi, ak gibwari ng'uta fuga Amoni.

2 SAMWELI 6:16

Iidu nea ghwahidu sandakwajeanda neajeeda bea NG'UTAMIIDA jeeda mujiineeda Dawdi, ghoang'weardaawa seawadeeda hudeaba Sawli siguura Mikali, ak ghwadaah sugoocheanda was Dawdi gwadeambiiri nea ghang'was aba madeeda NG'UTAMIIDA; ak gafool niny aba jeadaanyi.

NYIIGHEEGA 12:2

Iissa goobaloola geat ng'asheega ng'uyeega sea siida mideawa, fuga mideawa ghuusiga amiitu geat; ak goobaloola geat gurooruunatka amiitu geat;

NYIIGHEEGA 55:21

Ng'asheagaaschi ea bumbuni ea ghang'al nagheedeesh nea gurooroadaanyi gwanda ng'ucheeda ng'asheagaaschi ea bumbuni ea ghang'al nagheeda ak iissa ghwalachta ng'uta ng'aniip.

GHWASIILDEANGA 26:24

Siida mideawa sicheeda iissa ghafuy sicheadaanyi aba ng'asheega miyaas, nea iissa gwandeawa ng'asheega munyas aba jeadaanyi.

GHWASIILDEANGA 26:25

Eara gabaloola ng'asheega miyaasiin adumwasi, aba gideaba gurooroadaanyi gwanda sicheadin ispwa.

GHWASIILDEANGA 26:26

Gwadeepa ghafuy sicheadaanyi, nea munyindaanyi gayghwadaajiit aba madeeda fuga bwat geat.

IITOODA 21:14

Ak gawuurji gidaghayi sirukuteayda aba jeeda Gitaabooda Ng'ucheadinga bea NG'UTAMIIDA, “Wahebu mida Sufa, sea moangoachihajeega Arnoni,

IITOODA 32:20

Hean gwayeesha Musa saawa, “Iisini ng'asheesu, iyoogeanu dabita ak gooweayi madeeda NG'UTAMIIDA aba ng'ucheeda,

IITOODA 32:27

nea aseasa fugaagu bea gadiyeeda gajeakghaawa, giliwas ng'eedeeda mideawa dabita ng'ucheeda, aba madeeda NG'UTAMIIDA eeweaya ng'ucheeda, gawuurji gidirukuteaydi ang'iing'eeda was siideanyu haw.”

IITOODA 32:29

Hean gwayeesha Musa saawa, “Iideepa orjooga Gadi ea orjooga Rubeni, giliwas ng'eedeeda mideawa dabita ng'ucheeda aba madeeda NG'UTAMIIDA gayghoaghaawa Yordani sea agooga abeeda gajeajoar ng'eanyiida aba madeedeang'wa, abeeda gajoatawa saawa ng'eanyiida Gileyadi ghoah daanyaawa;

GIIPKEATA DIIGHEANDA 17:7

Geatinga muushoodiga gaygoosheeda ghoah fuga madeeda jea goosheeda gwanuus, ama ng'ata gayghoahaakta geadi buuneesean. Abeeda gajang'aamwana munyinda jeedeang'wa.

1 SAMWELI 14:49

Orjooga Sawli Yonatan gil, ea Ishfi, sea Malkishuwa; nea gheawunga haweagaaschi asiyeenya suh: gheawunga huda was duweacheeda geeguura Merabu, nea gheawunga dea mwanang' geeguura Mikali;

1 SAMWELI 17:25

Ak gwayi fuga Israeli, “Noadaayi siisi wuniin? Aba huumwa siisi ghwaan goong'eawi Israeli; nea siida jea ghabwar siisi, gayghoadaw sugoocheanda baruureega, ak gayghoadaw hudaanyi ak gayghwanung' goobal geat fuga gheanyaawa aba jeeda Israeli.”

1 SAMWELI 17:36

Siidaang'u bea gadiyeeda nibwar ng'anyeeka ea idamoonga, ak siisi meeyiila was Filistiin gaygawuurji agi aba jeedeaba suh, aba gideaba niing'eawi lugooda ASEETA mideawa eaweega.”

1 SAMWELI 17:47

ak abeeda ghwanal fiisu bwatgeadiin gideaba NG'UTAMIIDA malealuunana buuneeda ng'uta ea ng'uta fugaaschi; aba gideaba ng'ucheeda gaba NG'UTAMIIDA ak gayghwayiinyi geatingaasa.”

1 SAMWELI 18:21

Ak gooteemshi Sawli ak gwayi, “Nung'waada daadaw huda niny, ak abeeda gayghoah ghaseeda aba headaanyi, ak abeeda gaygoobisa niny geatinga fuga Filisti.” Ng'ata gwayeesha Sawli Dawdi deaba iyeenya, Asi ghamneawa gayhuuwa orjeeda eagweajeewi.”

1 SAMWELI 18:25

Ng'ata gwayi Sawli, “Asi gajayeeshiina Dawdi, ‘Sugoocheanda magasa haleanjeeda gheenda geagasayi dimbaji bughala bea fuga Filisti ghoah waldeayda mureandooda aba heeda weajoodiga sugoocheanda.’” Nih gidagasiida Sawli gil gideaba gayghabwar Dawdi fuga Filisti.

1 SAMWELI 18:27

ghang'eat Dawdi ak gawa nea goodeayi sea fugaaschi, ak ghabwar fih bughalaji iyeenya bea Filisti; ak gweadu Dawdi dimbajeega nyaawa, ak geeyiitiisa sean sugoocheanda, ak abeeda ghoah orjeeda jea googweaji sugoocheanda. Ak ghoadaw Sawli niny hudaanyi siguura Mikali ghoah gatmoadaanyi.

1 SAMWELI 25:28

Geamuscheey samsiina giidiinyeanda hudaang'u; aba gideaba aba huumwa NG'UTAMIIDA gaygwasissa ng'utamiideanyu gheeda majeek, aba gideaba ng'utamiideanyu gang'uchi ng'ucheeda NG'UTAMIIDA; ak ea majeanyasa jeadaanyi munyinda aba eawoojigaagu sean.

1 SAMWELI 30:26

Iimuchu nea ghwahidu Dawdi Siklagi, ghwanung' gaweay easanga mwaatkwa heeda fuga duupchi, was gweargwa Yuda nea gwayeesha, “Sukwa haleanjeeda eagoonyi was easanga weajoodiga NG'UTAMIIDA”;