1 SAMWELI 18:1 - Bibliyeeda Ghaydit

¹ Iidu nea ghoahiit Dawdi giibaloolda Sawli, ghwanoas geat guroorooda Yonatan sea guroorooda Dawdi, ak ghabwariiyda Yonatan gidabwariiyda gurooroadaanyi.

1 SAMWELI 18:1 Mawu Ofanana

GIING'EETA 44:30

Asi ghamneawa, iyeawi heeda soomjeandaang'u was bwaabwa, nea meeteayeewani baleanda, gayghami,

2 SAMWELI 1:26

Aniini geagiisanyi aba badaydaang'u, Yonatan orjeediya ang'iing'i gibwariinyaan muuchi; bariinyeagaagu aba heedeanyu aahaw, ghang'al bariinyeega gatmooda.

1 DAMANYOOJIGA 12:17

Ng'ata gawa Dawdi gwaroonyi saawa ak gwayeesha fugiga, “Iyoapkaanyi heedeanyu aba duupcheeda nea googasayi aweadaan, abeeda gayghamwaseagwa gurooroodeanyu; ama oapkaanyi nea googasayi asawanean aba heeda weajoodigeasu, earapeadi manda geatingeasu giidiinyeanda, abeeda gidabal ghwadaah ASEETA ghweanigeasu ak gayghwadaah ak gwareekuseey.”

NYIIGHEEGA 86:11

Ea NG'UTAMIIDA, anaalaan naweadaang'u, ak geaneayeewi jeeda huumeandaang'u; adoabiiwa gurooroodeanyu ghoawal gheawungaagu.

GHWASIILDEANGA 18:24

Fuga siduupchi saang'a gayghabwaay siida, ak gwanda fuga siduupchi doobiiweadi ea ghang'al orjeeda giyeang'wa.

GIIPKEATA DIIGHEANDA 13:6

“Inyas orjeeda gweanu was orjeeda geamadu, ghana orjeedang'u, ghana hudaang'u, ghana gatmoadaang'u ibwariinyi, ghana siida irooroocheewi uurji gidibwariiydi geaw, ak gwayi, aba makcheameeda, ‘eeweaya eabwada aseecheeka,’ minali ang'iing'i ghana ghweanigaagu.

Golosaayi 2:2

abeeda geemajeek gurooruunatka nyaawa, nea gaguuyi aba bariinyeega, ak ghwanyas meanang'oocheanduumeeda sean bea huumwa, ak ghwanal makcheameedida bea ASEETA was Gristohiin,

FUGA LAJA GIRGWEAGUUTKA 20:11

Hean gaguuyeesa headiga sean bea Israeli badayda mujiineedida, nea ghoamughuushta geat siyagi.

1 SAMWELI 14:45

Iidu gwayeesha buuneeda Sawli, “Gayghami Yonatan, was dea ghayi eadu lealeanooda haw jeeda Israeli? Manda! Gidabiideata NG'UTAMIIDA, manda buudeanjagi bea uhuudaanyi jea goobissa ng'eanyi; aba gideaba niny gwasin gadiyeeda sea ASEETA askweareani.” Ak gwalealu buuneeda Yonatan, ea mwami.

1 SAMWELI 18:3

Hean gwasin Yonatan neajeeda sea Dawdi, aba gideaba ghabwariiyda niny gidabwariiyda gurooroadaanyi.

1 SAMWELI 19:1

Hean goobalool Sawli Yonatan was orjeedaanyi sea fugaaschi sean bea gadiyeeda, nea gwayeesha abwara Dawdi. Nea abeeda orjeeda Sawli was Yonatan ghabwariiy muuchi Dawdi.

1 SAMWELI 19:2

Gwayeesha Yonatan Dawdi, “Bwaabwa was Sawli gagasa ghabwarnyi; asi fura geaw sakteayda, una ak giibiidi heeda jea funya geaw ea meadaanyi;

1 SAMWELI 20:17

Ak ghwanung' Yonatan ghwaak Dawdi habeawooda gicha aba gidabwariiyda niny; aba gideaba ghabwariiy niny gidabwariiyda gurooroadaanyi.

1 SAMWELI 20:8

Asi sisiina siidaang'u bea gadiyeeda ng'asheega miyaas, aba gideaba niyeadu siidaang'u bea gadiyeeda jeeda neajeadaang'u ghaydit sea ang'iing'i. Ama deepa gwanda heedeanyu giidiinyeanda, abeeda ginuuschean ang'iing'i; aba gideaba ghwasaan inyas gajaadaan heeda gweanu eenuusan?”

1 SAMWELI 22:8

ea eeyi bwak ea agasa oogasean gideaba gajalaabwan bwadawi? Manda siida nirukunean gideaba orjeedeanyu niduupchi geaw sea orjeeda Yese, ak ea manda siida wassean nigiisan aba badaydeanyu ghana gwarugu gideaba orjeedeanyu nifoolan fugeasu bea gadiyeeda ghwastan, nea ghwaradaanan gawuurji gideaba ghamneawa.”

1 SAMWELI 23:18

Ak gwasin fiisu duwaawiin neajeeda aba madeeda NG'UTAMIIDA; ak goobiida Dawdi Horeshi, nea gawa Yonatan ghoah.