1 SAMWELI 17:12 - Bibliyeeda Ghaydit

¹² Abeeda Dawdi baleandeaba siidida was Furati bea Betlehemeeda Yudahiin, siguura gheawungaaschi Yese; nea abeeda gwandeawa orju sis; nea abeeda niny ea gweargweeda gil damanda Sawli, ak ea niwaasiit muuchi.

1 SAMWELI 17:12 Mawu Ofanana

GIING'EETA 35:19

Hean ghami Raheli, ak geebung'sa ghuuta naweeda gal Furati (nea Betlehemu),

2 SAMWELI 23:1

Asi suh ng'asheega Dawdi huuydean: Ng'asheega rugu Dawdi was orjeeda Yese, ng'asheega siida ghayi sinung' ghang'eat gwaheedu, was siida simwaar bea ASEETA Yakobo, ng'ada duumjeenga miyaasiin bea Israeli:

NYIIGHEEGA 132:6

Ng'ula, siyiinyi iitaanyi aba Efrata, ak geenyasi jeeda madameega Yearimu.

MIKA 5:2

Nea ang'iing'i, Ea Betlehemu Efrata, uwoosi mwanang' aba bugusta dooshinga Yuda, aba headaang'u gaygwarinanean dea jea goombal fuga Israeli, nea gumdoadaanyi ghang'eada ghayi garayi, damanda manda muudeanooda.

Mattayo 1:6

Nea Yese gwajiilu sugoocheanda was Dawdi. Dawdi gwajiilu Sulemani nea ghaamwat ea gatmooda Uriya gil,

Mattayo 2:1

Damanda sijiila Yesu aba Betlehemeeda Yudeya, damanda waseewa Herode sugoocheanda. Ng'ula, ghwahidu Yerusalemu weaghoodiga leabu heeda ghayeawa nea gwayi,

Mattayo 2:6

‘Nea ang'iing'i, Ea Betlehemeeda ng'eanyiida Yuda, ang'iing'i muwoosi mwanang'eawa earahay sugoodiga ng'eanyiida Yuda; aba gideaba headaang'u gaygwarina sugoocheanda, jea ghoahaaghwa buuneedeanyu was Israeli.’”

RUTI 1:2

Gheawungeaba siidida geeguura Elimeleki nea gheawunga gatmoadaanyi geeguura Naomi, ak gheawunga orjoagaaschi asiyeenya geeguura Maloni ea Gilioni; saawa gaba eemeeda Furati bea Betlehemeeda Yuda. Gaweay jeeda ng'eanyiida Moabu ak goobiida hoowa.

RUTI 4:17

Hean gang'asa gadeemga mida giischeewda gheawunga, nea gwayi, “Naomi niji baleanda.” Gaguura gheawungaaschi Obedi; was ghweanda Yese, was ghweanda Dawdi.

RUTI 4:22

Obedi gwaji Yese, ak Yese gwaji Dawdi.

1 SAMWELI 1:1

Ghayi gwanda siyagi bea mujiineeda Rama bea eemeeda Sofimu mida ng'eanyiida heayeeda Efraimu, siguura gheawungaaschi Elikana orjeeda Yerohamu, Yerohamu gaba Elihu, Elihu gaba Dohu, Dohu gaba Sufu bea eemeeda Efraimu.

1 SAMWELI 16:1

Gwayeesha NG'UTAMIIDA Samweli, “Gaygiisana, aba badayda Sawli ea ghoah eeju, aba gideaba naaheawi niny ea moawa sugoocheanda jea goombal Israeli? Anyiida gujaweadaang'u nagheeda, ak guwi; gaydanung' una heeda Yese aba Betlehemu, aba gideaba naaloachi orjeanagi aba jeeda orjoagaaschi ghoah sugoocheanda.”

1 SAMWELI 16:18

Ghwalamda siyagi aba jeeda fugaaschi bea gadiyeeda ak gwayeesha, “Ng'ula, aniini naadaayi orjeeda Yeseheeda Betlehemu, was siida geariir aba lasooda gidoondooriida, was siida daruus biissa ea siida ng'ucheeda, baloola weaghuumeeda, was siida miy; mideayi sea NG'UTAMIIDA.”

1 SAMWELI 17:11

Iidu nea ghwayiiy Sawli ea Israeelessean ng'asheesu bea siida Filistiin, gwahirbaban ak ghabeal muuchi.

1 SAMWELI 17:58

Ghwalamda Sawli ak gwayeesha niny, “Orjeeda ang'iing'i guwoosi baleandeabeang'a?” Ghwasha Dawdi nea gwayeesha, “Aniini geawooschi orjeeda siidaang'u bea gadiyeeda siguura Yese was siida Betlehemu.”