1 SAMWELI 16:7 - Bibliyeeda Ghaydit

⁷ Ng'ata gwayeesha NG'UTAMIIDA Samweli, “Ading'ulayi gheamamdaanyi, ghana geawundaanyi gidayang'da, aba gideaba naaheawi niny; aba gideaba NG'UTAMIIDA iissa ea moang'weeriideayda gidang'weeriideayda siida, siida iissa gang'ula ratooda siida, nea NG'UTAMIIDA gang'ula guroorooda.”

1 SAMWELI 16:7 Mawu Ofanana

GIING'EETA 4:5

nea Gayni ea haleanjeadaanyi sabwa geadi ghanyea mamwasa. Hean ghwanyareas Gayni muuchi, ea gookaroomnyi gheamamdaanyi.

2 SAMWELI 14:25

Iidu ea manda eara siyagi sam Absalomu aba alooheeda jea eaghwar aba jeeda buuneesean bea Israeli; ghang'eada baneakta geeshtaanyi ea ghwahita uhuudaanyi manda gidamuy jea eerukuna badaydaanyi.

2 SAMWELI 7:20

Ak abeeda aniini Dawdi gaygutayeeshiineeyiin ang'iing'i? Aba gideaba ang'iing'i ginali siidaang'u bea gadiyeeda Ea NG'UTAMIIDA was ASEETA!

1 SUGOODIGA 8:39

hean aleaydiit aba humng'eeda heeda iibiiti, ak gisamsi, ak gisini, ak ginyaksi gilinyoo nala aba gurooroadaang'u, galana naweadingaaschi (aba gideaba geaghusnyi ang'iing'i siida nal gurooruunatka diibiga buuneeda);

1 DAMANYOOJIGA 17:18

Abeeda gaygwayeeshiineeyiin Dawdi gicha aba iita mureeda sisissa siidaang'u bea gadiyeeda? Aba gideaba ang'iing'i ginali siidaang'u bea gadiyeeda.

1 DAMANYOOJIGA 28:9

“Nea ang'iing'i, Sulemani, orjeedeanyu, nala ASEETA gweanu, ak gigadiyeesi aba guroorooda miy, nea ghaamwanyi jeadaang'u; aba gideaba NG'UTAMIIDA gagaseadayi gurooruunatka sean, nea ghwanal ng'asheega sean ea fugheerga; nea gigasayi niny, ak gaydaaha; nea iinung'usi heeda gaygwajaktaneey damanda manda muudeanooda.

2 DAMANYOOJIGA 16:9

Aba gideaba gheanyanga NG'UTAMIIDA inyeesa gang'ula bwadaw ea mwadi aba jeeda ng'eanyiida sean, ghoahiimu uurdaanyi aba badahuuka fuga doobiiweadi aba headaanyi. Ang'iing'i nisini leendeeda aba ng'asheanji; aba gideaba gidang'eada ghamneawa gaynyasa ng'ucheeda.”

2 DAMANYOOJIGA 6:30

abeeda giileaydiit aba humng'eeda, heeda iibiiti, ak gisamsi, ak gisisi gilinyoo nala gurooroadaanyi, gilinyoo gawuurji naweadingaaschi (aba gideaba ang'iing'i ginali gurooruunatka diibiga buuneeda);

AYUBU 10:4

Heapi gheanyangaagu gawuurji gea siida? ak giing'weardaaydi gida ang'weardaayda siida?

AYUBU 35:5

Ng'ula humng'eeda, ak gidaahi; ak ging'ulayi shamooghuutka, sheageewaneey muuchi.

NYIIGHEEGA 139:2

Ang'iing'i ginali giibinda heedeanyu ea nung'usiinda bea heeda. Ang'iing'i ginali gideapteadaydi ea gida aamiinaadaydi; ak ea nijeeng'u fughareedeanyu nea guwoosi sheagi.

NYIIGHEEGA 7:9

Nung' goosha munyasnacheeka fuga mii doobiiweadi, ak giimajeegi siida doabiiwaat. Aba gideaba dea sima fugheerga ea gurooruunatka ASEETA doabiiwaadi.

GHWASIILDEANGA 15:11

Gheeda maloonghajeega ea nyariida aadaach aba madeeda NG'UTAMIIDA, abeeda ea mayghwaraanya gurooruunatka buuneeda!

GHWASIILDEANGA 16:2

Naweadinga sean bea siida aamiy aba madeadaanyi nea gabwageaw, nea NG'UTAMIIDA ghwanal gidamida jeesinga buuneeda.

GHWASIILDEANGA 24:12

Ak iidu ea adiyeeni, “Mii eanala,” aba gideaba ASEETA sikiideawa gurooruunatka buuneeda gang'ulu, gaygawalneey aba giteena gadiyoojigaagu.

GHWASIILDEANGA 31:30

Leanga gwareengani fih, ak miyinda ea marachi gil, ak gatmooda awali gheang'da NG'UTAMIIDA dea jea eegwarsa.

YEREMIYA 11:20

Ak ang'iing'i ea NG'UTAMIIDA bea lugweega, iirgweakiisi buuneeda aba doobiiwnata, ang'iing'eeda isimayi gurooruunatka ea fughareenga, nung' dadaah waldeaydaang'u bea mureandooda, aba gideaba naayiinyi headaang'u mureandoodeanyu.

YEREMIYA 17:10

“Aniini NG'UTAMIIDA inyeesa geang'ulayi saseeda nea geagalgal guroorooda, ak gaba siisi aadawji gidahaguuw aba giduurji naweadingaaschi.”

YEREMIYA 20:12

Ea NG'UTAMIIDA bea lugweega, ang'iing'i gisimay siida doabiiwaat, nea giideenayi gurooruunatka ea saseenuuka nung' dadaah nea giwaldi mureandooda aba heeda nyaawa, aba naayiinyi mureandoodeanyu headaang'u.

Lukka 16:15

Ng'ata gwayeesha saawa, “Agooga goohindi geat gili oowooschi miyaasiin aba madeeda buuneeda, nea ASEETA ghwanal gurooruunatkeagwa; nea gilinyoo goodiing'u geaw aba madeeda buuneeda, gayghoanyareas ASEETA.

Yohaana 7:24

Adoorgweakiisi buuneeda aba gidoadaakti, iissa goorgweaksi aba girgweageeda doabiiw.”

Yohaana 8:15

Agooga iissa goorgweaksiini buuneeda ng'asheega saseeda, amaduuku aniini ea maydeargweaksa siida.

Gadiyeeda Giijasoodiga 1:24

Ng'ata geamwaash ASEETA nea geeyi, “Ng'utamiida, ang'iing'i ginali gurooruunatka buuneesean, asi ahiimneasa aba jeedeaba fiisu asiyeenyean siida iloadi,

2 Goriinto 10:10

Aba gideaba gwayeena, “Barawajeegaaschi ea durumani nea gwandeawa uurda nea saseadaanyi iimida hiji ea ng'arng'ar, nea eara girgweageadaanyi geefool.”

2 Goriinto 10:7

Ang'ula haleanjeeda mida madeeda gheanyangeagwa. Siida iirar gideaba gaba Gristo ea dapkaatunu niny gideaba niny siida Gristo, ada abeeda eara aseasa geawooschi.

Ebraniya 4:13

Ak aba madeadaanyi ea manda gidaghayi sisin jea ea funyaat, amadu aadaach haleanjeeda sean ea dawiiri nea daachi aba madeeda gheanyangaaschi nea dea jea goorgweakseasa.

1 Betro 2:4

Beenni headaanyi, ninyeeda was lagheaneeda mideawa eaweega, ghayi heawa buuneeda ak aba heeda ASEETA ea siloat ak gaba sheayeeda haw;

1 Betro 3:4

gammiisa gawoos siida funyaat aba guroorooda bea suulga mayghwadatasa ak gabiissa ea ng'eeni nea siindeawoot gurooru, nea aba madeeda ASEETA ea haw sheayeat.

Giidaheechta 2:23

ak gaydabwar diibigaaschi gameewa. Ak gayghwanal ganiisajeega sean gideaba aniini geawooschi siida sikiideawa fughareenga ea gurooruunatka, ak gaba siisi aadawji aba jeedeang'wa giteaschi sea gadiyoojigeagwa.

1 SAMWELI 2:3

Adagudubaloola muuchi nea gighwari geaw, ak ea adagwarina ghuutaang'u ng'asheega ghwarjeeda; aba gideaba NG'UTAMIIDA ASEETA mideawa fughareeda, ak aba niny gaygoorgweaksa ng'asheega sin buuneeda.

1 SAMWELI 9:2

ak gwandeawa orjeeda Sawli, was gheareemaneeda miy aba leanga. Ak ea manda siida miy ng'al niny aba jeeda fuga Israeli; ak ea manda siida ayang'da aba geawunda aba jeeda buuneeda gabiikna buuneesean hamarjoojigaaschi.