1 SAMWELI 16:5 - Bibliyeeda Ghaydit

⁵ Ak gwayeesha, “Ea geayeadu hoyyoo; Aniini ghaawunyi dasin lukghumeeda NG'UTAMIIDA; oamiini geat, ak ghoapkaanyi eeteayeena lukghumeeda.” Ng'ata ghoamiidu Yese geaw sea orjoagaaschi, ak gaguursa ghapka lukghumajeega.

1 SAMWELI 16:5 Mawu Ofanana

GIING'EETA 35:2

Ng'ata gwayeesha Yakobo fugeaba gheanyi sea fuga sean mideawa, “Ooheelleewana geat aseecheeka eemoojiga mida jeedeang'wa, ak ghoamiidu geat, ak ghoayamnyi hang'weakeagwa;

1 SUGOODIGA 2:13

Ng'ata ghwahidu Adoniyaheeda was orjeeda Hagiti heeda Batsheba was gheamata Sulemani. Hean gwayeesha gheamata, “Guwuni hoyyooohi?” Hean gwayeesha Adoniya, “Ea geayeadu hoyyoo.”

1 DAMANYOOJIGA 12:18

Hean ghwahidu Guroorooda heeda Amasayi, was siida ambal fih diktam ea damanamughuush, ak gwayeesha, “Aseasa geewooschi fugaagu, Ea Dawdi; ak geendi meatkweadaang'u, Ea orjeeda Yese! Hoyyoo, gagasa beaha hoyyoo, ak gagasa gaba fuga weanyi hoyyoo! Aba gideaba ghaweanyi ASEETA.” Ng'ata ghwaat Dawdi ghoah, ak ghwanung' ghoah fuga hees ambal shirikareadaanyi.

AYUBU 1:5

Inyeesa iing'ata ghweelmeeda gaguursa Ayubu diibigaaschi ghoamiidu, hean inyeesa ghang'eat nea gudea sakteayda duu gil iing'ata ghweelmeeda ak ghoadayda haleanjeeda sisabwa geadi bea ghadooweeda sighwarda, aba badayda giliwas baleanda, aba gideaba gwayi, “Diibigeasu hich gwadeepa ea nisin riing'eeda nea ghamwaashta ASEETA aba jeesinga nyaawa.”

RITEAYDA 19:10

Ak gwayeesha NG'UTAMIIDA Musa, “Una heeda buuneeda ak ginung' ghoamiidu geat ghamneawa ea numuji, nea goohuun eara hang'weaka nyaawa,

YOELI 2:16

Oawaamwa gweargwa, oamiini fuga bwat geat, Oawaamwa gweargwa, eawaamwa diibiga, sea suh reer eanoogean; siida geeshi darina jeedeaba gheanyi, nea sibeeda ea darina aba jeeda maheemajeandaanyi.

SEFANIYA 1:7

Eena saw aba madeeda NG'UTAMIIDA was ASEETA! Aba gideaba eaweeda NG'UTAMIIDA nineekiit; aba gideaba NG'UTAMIIDA niidiing'diing'da lukghumeeda ak ghoaghaydit rabastaanyi.

IITOODA 11:8

Ng'ata gwaneayi buuneeda nea ghoawaam, amang'ata ghang'aal aba badayda lagheaneeda sing'ealiida, ghana gagul aba gunyooda, amahit ghoawaala dahuuda, ak gwasin mukaate; nea samneadaanyi gwasamu dea nagheeda duwea eesh.

1 Goriinto 11:28

Nea siida ea dasikteawana geaw, ak ghwaak mukaate ak ghwaleayda gikoombe.

YOSHUWA 3:5

Ghwalamda Yoshuwa ak gwayeesha buuneeda, “Oamiini geat; aba gideaba numuji NG'UTAMIIDA gaygwasin ng'asheega deamdeameadi aba jeedeang'wa.”

YOSHUWA 7:13

Ng'eada ak ginung' ghoamiidu geat buuneeda, ak giyeeshi, ‘Oamiini geat nea goowooschi hidaat numuji, aba gideaba gwayi NG'UTAMIIDA was ASEETA Israeli, Gida siikghaydiit gwanda bugusteang'wa, Ea Israeli, ak ea maymiinaada aba madeeda weajoodigaagu, ea eaghus geanda gidida siikghaydiit mida bugusteang'wean.”

1 SAMWELI 20:26

Amadu ea marukuna Sawli gil askweardida; aba gideaba gwayi, “Gwanda ng'asheanda niibussa niny; niny mii doabiiwaat.”