1 SAMWELI 16:21 - Bibliyeeda Ghaydit

²¹ Hean gawa Dawdi heeda Sawli ak gagadiiyeesa. Ak ghabwariiy Sawli muuchi, ak ghwanung' ghoah siida eada dabitaanyi bea ng'ucheeda.

1 SAMWELI 16:21 Mawu Ofanana

GIING'EETA 41:46

Abeeda Yosefu gaba gweanyeew diktam ea damanamughuush damanda huweewa siida gadiyeeda Farao was sugoocheanda Misri. Ak ghabeawa Yosefu madeeda Farao, ak gwaneayeewa jeeda ng'eanyiisean bea Misri.

1 SUGOODIGA 10:8

Gaba hooseaneega gadeemgaagu! Gaba hooseaneega fiisu ikaagu bea gadiyeedean, miineadayi galeagasean aba madeadaang'u, nea gooleeyiisa iita weaghuumeadaang'u!

NYIIGHEEGA 118:9

Ghang'wana geemng'awsa NG'UTAMIIDA mwasamwa gideaba geaghus fuga hees.

NYIIGHEEGA 146:3

Adukghusi fuga hees, ghana siida, moamu ghaweanyi.

NYIIGHEEGA 62:9

Aba huumwa siida marachi gil, ak fuga hees ea marachi gil; nea iideeni durumanata nyaawa ea asasi; saawa sean ea asasi ea ghang'al jeameeda.

GHWASIILDEANGA 22:29

Heapi nidaahi siida geariir aba gadiyeadaanyi? Nih gayghamiinaada aba madeeda sugoodiga, mayghamiinaada aba madeeda fuga hees.

GIIPKEATA DIIGHEANDA 1:38

Yoshuwa orjeeda Nuni, was weedaneadaang'u niny gayghoahiita; adawa uurda, niny siida jea ghoadoabiiw fuga Israeli ea gwahearan ng'eanyiida.

GIIPKEATA DIIGHEANDA 10:8

Aba damandida NG'UTAMIIDA ghwasach eemeeda Lawi ghwasar sandakooda Neajeeda bea NG'UTAMIIDA, ghamiinaada aba madeeda NG'UTAMIIDA gagadiiyeesa nea gaygoodayiida ghawooda aba gheawungaaschi, nea ghoah ghamneawa.

FUGA LAJA GIRGWEAGUUTKA 9:54

Ng'ata ghwalamwach gaguursa orjeeda sareeni dabitaanyi ak gwayeesha, “Fakni ng'utaang'u, ak ginuuschean, adiidu gwayi buuneeda, ‘Gwanuus gatmooda.’” Hean ghang'uda orjeedida itaanyiin ng'uta, ak ghami.

1 SAMWELI 16:22

Ak goojeakta Sawli siida gawa heeda Yese ak gwayeesha, “Nung'waada Dawdi goopteada aba hiji gwasinnean gadiyeeda.”

1 SAMWELI 17:15

nea iissa ghabeawa Dawdi hiji ea hoowa ghabeawa heeda Sawli ghoahaaghwa gisilga ghwaan aba Betlehemu.

1 SAMWELI 17:55

Daah Sawli Dawdi nea gawa gang'uchi fuga Filisti, gwayeesha Abneri was shirikarajeanda haw, “Abneri orjeeni gabeang'a?” Ghwalamda Abneri ak gwayeesha, “Ea sugoocheanda aba gidabiideata gurooroadaang'u, aniini mwaanali.”

1 SAMWELI 19:7

Hean gaguursa Yonatan Dawdi, ak gwarukusa ng'asheesu seaniin. Ng'ata gweadu Yonatan Dawdi heeda Sawli, ak gagadiyeesiinda gidaghayi bea mwadi.