1 SAMWELI 16:13 - Bibliyeeda Ghaydit

¹³ Ng'ata gageanu Samweli gujaweeda mida nagheeda, ak ghoamwaar aba jeeda orjooga ghaamwat; ak ghwahidu guroorooda NG'UTAMIIDA heeda Dawdi aba uurda ghang'eada eaweedida. Ak ghang'eat Samweli gawa, ea ghwahita ng'eanyiida Rama.

1 SAMWELI 16:13 Mawu Ofanana

2 SAMWELI 12:7

Gwayeesha Natani Dawdi, “Siida ang'iing'i. Asi gwarugu NG'UTAMIIDA, was ASEETA Israeli, ‘Aniini ghaamwaarjeey huwa sugoocheanda jea goombal Israeli, ak ghaaghuuhaneey geatinga Sawli;

2 SAMWELI 2:4

Ng'ata gaweay fuga Yuda, ak ghoamwaar Dawdi aba hoowa, ghoah sugoocheanda jea goombal gheeh Yuda. Hean goobalool Dawdi nea gwayeesha, “Fuga ng'eanyiida Yabesh-gileyadi gea buy Sawli gil.”

2 SAMWELI 23:1

Asi suh ng'asheega Dawdi huuydean: Ng'asheega rugu Dawdi was orjeeda Yese, ng'asheega siida ghayi sinung' ghang'eat gwaheedu, was siida simwaar bea ASEETA Yakobo, ng'ada duumjeenga miyaasiin bea Israeli:

2 SAMWELI 5:3

Hean ghapka gweargwa sean bea Israeli heeda sugoocheanda aba Hebroni; ak gwasin sugoocheanda was Dawdi neajeeda sea saawa aba Hebroni aba madeeda NG'UTAMIIDA, ak ghoamwaar Dawdi ghoah sugoocheanda ambal Israeli.

2 SUGOODIGA 9:6

Ghang'eat ak gawa ghoaw; goodalealsa gheareemaneedida was sibaneedean nagheeda uhuudaanyi nea gwayeesha, “Gwayi NG'UTAMIIDA was ASEETA Israeli, naamwaaraneey nagheeda huwa sugoocheanda fuga NG'UTAMIIDA bea Israeli.

1 DAMANYOOJIGA 11:3

Ng'ata ghapka gweargwa sean bea Israeli heeda sugoocheanda aba Hebroni; ak gwasin Dawdi neajeeda sea saawa aba Hebroni aba madeeda NG'UTAMIIDA, ak ghoamwaar Dawdi ghoah sugoocheanda goombal Israeli, gawuurji gidanyaashta ng'asheanda NG'UTAMIIDA ghayi rugu Samweli.

NYIIGHEEGA 89:20

Naadaayi Dawdeeda was siideanyu bea gadiyeeda; naamwaarji aba nagheedeanyu ghaydit;

NYIIGHEEGA 89:21

was dea jea gamajeegiit geatindeanyu aba badaydaanyi, ak gayghwanung' geatindeanyu ghwanyas uurda.

IITOODA 11:17

Ak gaydararang'aan aniini ak geabalooleey aba hoowa, ak gaydageanda meatkweenagi bea uurda guroorooda ghayi eagoonyeey ak ghaadawji fiisu; ak gayghwasar sareendeaba fiisu sea ang'iing'i ak ea misareani ang'iing'i nea gibwaageaw.

IITOODA 27:18

Gwayeesha NG'UTAMIIDA Musa, “Geani Yoshuwa orjeeda Nuni, was siida mideawa guroorooda, ak giyiini geatindaang'u uhuudaanyi;

Yohaana 3:34

Aba gideaba siida ghayi ajeagu ASEETA iissa gabaloola ng'asheega ASEETA ak ghoadaw guroorooda nea moodeena;

Gadiyeeda Giijasoodiga 13:22

Iidu nea geegeanda niny, hean ghwaloat Dawdi ghoah sugoocheanda nyaawa; hean gamuuwu ng'asheega badaydaanyi nea gwayi, ‘Naanyaschi aba jeeda Dawdi orjeeda Yese siida mwas guroroodeanyu, ak nih ea siichea gwasin ng'asheega sean eagasayi dasin.’

Ebraniya 1:9

Gibwariinyi doobiiwnata ak gisti fuga mandeawana deaweeda; asi ASEETA, was ASEATAANG'U nimwaarnyi aba nagheeda hooseaneega ea ng'ala bareandaang'u.”

Ebraniya 11:32

Abeeda gaydargu naaha? Aba gideaba madeayi damanda aba rukunooda iita Gideoni, Baraka, Samsoni, Yefta, ea dea Dawdi ea dea Samweli ea sibanga–

FUGA LAJA GIRGWEAGUUTKA 11:29

Ng'ata ghwahidu guroorooda NG'UTAMIIDA heeda Yefta, ak ghwala bugusta Gileyadi ea Manase, ak ghang'ata ea ghwahita Mispa bea Gileyadi, ak iing'eada Mispaheeda Gileyadi ghang'ata gawa heeda fuga Amoni.

FUGA LAJA GIRGWEAGUUTKA 13:25

Hean guroorooda NG'UTAMIIDA ghoang'eat ghoahang'waayi niny aba Mahane-dani, ea bugusta Sora ea Eshtaoli.

FUGA LAJA GIRGWEAGUUTKA 14:6

Ghwahidu headaanyi guroorooda NG'UTAMIIDA aba uurda, ak gwahirjeawi gawuurji siida hirjeawi dayeenda mbooyda, nea geatingaaschi ea manda gil, ak hean ea marukusiina ghwaan ea ghaamwat gisin.

FUGA LAJA GIRGWEAGUUTKA 3:10

Ng'ata ghwahidu headaanyi guroorooda NG'UTAMIIDA, ak ghoah siichea gwalaja girgweaguutka fuga Israeli; Iing'ata gwarita gawa ng'ucheeda, hean ghwayiin NG'UTAMIIDA geatingaaschi sugoocheanda Mesopotamiya siguura Gushani-rishatayimu, ama ng'ata ghwajoar Gushani-rishatayimu.

1 SAMWELI 1:19

Muchu ghang'eat ng'eat sakteayda duw ak ghamwaash NG'UTAMIIDA; amang'ata ghwayam geat gabiikta gheanyaawa mida Rama. Ak gwandeayi Elikana sea gatmoadaanyi was Hana, ak ghoapkaat NG'UTAMIIDA niny;

1 SAMWELI 10:1

Ng'ata gageanu Samweli gideeshteayda nagheeda ak goodalealsa uhuuda Sawli, ak ghwasam gheata nea gwayeesha, “Neada ea mii ghoamwaarnyi NG'UTAMIIDA huwa sugoocheanda jea goombal fugaaschi was Israeli? Ak gajambala fuga NG'UTAMIIDA ak gaylealni aba geatinga weajoodiga nyaawa neaweesa. Ak gili gayghoah gwadeagooda aba headaang'u gideaba nimwaarnyi NG'UTAMIIDA huwa sugoocheanda jea ghoahaaghwa fugaaschi.

1 SAMWELI 10:6

Deagheata ghwahidu guroorooda NG'UTAMIIDA headaang'u aba uurda, ak gayramoarana sea saawa ak gajeayamnyi huwa sih nuut.

1 SAMWELI 11:6

Ak ghwaan guroorooda ASEETA aba uurda heeda Sawli damanda iinya ng'asheesu, ak gwaheedu nyarastaanyi muuchi.

1 SAMWELI 16:18

Ghwalamda siyagi aba jeeda fugaaschi bea gadiyeeda ak gwayeesha, “Ng'ula, aniini naadaayi orjeeda Yeseheeda Betlehemu, was siida geariir aba lasooda gidoondooriida, was siida daruus biissa ea siida ng'ucheeda, baloola weaghuumeeda, was siida miy; mideayi sea NG'UTAMIIDA.”

1 SAMWELI 18:12

Hean ghoawal Sawli Dawdi, aba gideaba gwandeawa NG'UTAMIIDA sea niny ak gooheeli geaw sea Sawli.

1 SAMWELI 2:35

Ng'ata gaydaloosa geaw ashoohoocheanda doabiiwaat, jea gwasinda ng'asheega gidagasiida mida jeeda gurooroodeanyu ea jeeda fughareedeanyu; ak gaydadeeksa gheeda huumwa, ak gaygawa gah nea gwarita aba madeeda siideanyu simwaar damanda manda muudeanooda.