1 SAMWELI 16:1 - Bibliyeeda Ghaydit

¹ Gwayeesha NG'UTAMIIDA Samweli, “Gaygiisana, aba badayda Sawli ea ghoah eeju, aba gideaba naaheawi niny ea moawa sugoocheanda jea goombal Israeli? Anyiida gujaweadaang'u nagheeda, ak guwi; gaydanung' una heeda Yese aba Betlehemu, aba gideaba naaloachi orjeanagi aba jeeda orjoagaaschi ghoah sugoocheanda.”

1 SAMWELI 16:1 Mawu Ofanana

1 SUGOODIGA 8:16

‘Gidang'eada eaweeda ghayi earuuni fugeasu bea Israeli aba ng'eanyiida Misri, manda mujiineeda aaghwali aba jeeda eemoojiga sean bea fuga Israeli jea dadeeksa gheeda, goobiida gheawungeasu hoowa; hean ghaaloachi Dawdi ghoah siichea ghoahaaghwa fugeasu bea Israeli.’

2 SUGOODIGA 9:1

Hean gaguursa Elishayda was sibaneeda, siyagi aba jeeda giinealanga sibanga. Ak gwayeesha, “Adiing'diing'da geaw ak guwi Ramot-gileyadi, ang'waanya gideeshteayda nagheeda.

2 SUGOODIGA 9:3

Ama ng'ata gigeanu gideeshteaydida bea nagheedean, ak giidalealsi uhuudaanyi nea giyeeshi, ‘Gwayi NG'UTAMIIDA naamwaaraneey nagheeda huwa sugoocheanda Israeli.’ Ak giitini gidaghuuta ak gifwaji nea adishing'di.”

2 SUGOODIGA 9:6

Ghang'eat ak gawa ghoaw; goodalealsa gheareemaneedida was sibaneedean nagheeda uhuudaanyi nea gwayeesha, “Gwayi NG'UTAMIIDA was ASEETA Israeli, naamwaaraneey nagheeda huwa sugoocheanda fuga NG'UTAMIIDA bea Israeli.

1 DAMANYOOJIGA 11:3

Ng'ata ghapka gweargwa sean bea Israeli heeda sugoocheanda aba Hebroni; ak gwasin Dawdi neajeeda sea saawa aba Hebroni aba madeeda NG'UTAMIIDA, ak ghoamwaar Dawdi ghoah sugoocheanda goombal Israeli, gawuurji gidanyaashta ng'asheanda NG'UTAMIIDA ghayi rugu Samweli.

1 DAMANYOOJIGA 28:4

Ak ghwaloadan NG'UTAMIIDA, was ASEETA Israeli, aba gheesean was gheeda ghaheanya doaw sugoocheanda Israeli damanda manda muudeanooda; aba gideaba niloat Yuda gwaheedu; nea aba gheeh Yuda, ghwaloat gheeda ghweanda jiilnean, ea aba jeeda orjooga bwaabwa, amadu ghwaloadan aniini ak goombiidan doaw sugoocheanda deambal Israeleesean;

ISAYA 11:1

Asi gaygwarina damealeanda gumdooda Yese, ak gaygwarina damealeanda hawungaaschi.

ISAYA 11:10

Ak eaweecheanji damealeanda Yese ghamiinaada ghoah gwadeagooda aba heeda fugaaschi; ak gaygagasa eemoojiga niny, nea heeda abiita niny gajea ghaambiidaat.

ISAYA 55:4

Ng'ula, niny naanung' ghoah muushoocheanda buuneeda, ak gwanda madeeda buuneeda nea shirikarajeanda haw bea eemoojiga buuneeda.

YEREMIYA 11:14

“Asi Yeremiya, adiidu gimusiischeesi fiisu, ghana ayeawusean nea gimusiischi aba badahuuka nyaawa, aba gideaba maydealeeysiit ii guurnean damanda sawanadeeda nyaawa.

YEREMIYA 15:1

Ng'ata gwayeeshiinean NG'UTAMIIDA “Ghamneawa eara ghamiinaada Musa ea Samweli aba madeedeanyu ak gamusiischeesa fiisu, aba huumwa gurooroodeanyu may gwayamsa geawi fiisu. Ang'aamwana madeedeanyu, ak ginung'waadi gaweay!

YEREMIYA 6:30

Saawa geeguura lapiyeeda mudugwarachi gil, aba gideaba NG'UTAMIIDA nijakta saawa.”

YEREMIYA 7:16

“Asi ang'iing'i, adiidu gimusiischeesi fiisu, adiidu gimiindi shooka ghana musischeena aba ramaseanda nyaawa, nea adiidu giimearmearanay aba gideaba maydealeeysiineey iita.

SAKARIYA 4:14

Hean gwayi, “Suh fih iyeenya gil loat ASEETA ak ghoamwaar gagadiiyeesa ninyeeda was NG'UTAMIIDA ng'eanyiisean.”

Ruumi 15:12

nea gicha gwayi Isaya, “Gayghwahidu hawunyeanda Yese, ak gay ghwahidu goombal Eemoojiga, ak ea siida jea ghaghus Eemoojiga gil.”

Ebraniya 11:32

Abeeda gaydargu naaha? Aba gideaba madeayi damanda aba rukunooda iita Gideoni, Baraka, Samsoni, Yefta, ea dea Dawdi ea dea Samweli ea sibanga–

1 Yohaana 5:16

Siida wassean iidaah orjeeda ghaamwat nea gwasin riing'eeda maba miyeeda, abeeda damwaasha ghawooda, ak gayghoadaw ASEETA eaweega aba badahuukeaba suh sina riing'eega maba miyeedean. Gwanda riing'eeda was dea miyeeda; meayeeni gayghamwaash ASEETA aba badaydeaba nih.

1 SAMWELI 10:1

Ng'ata gageanu Samweli gideeshteayda nagheeda ak goodalealsa uhuuda Sawli, ak ghwasam gheata nea gwayeesha, “Neada ea mii ghoamwaarnyi NG'UTAMIIDA huwa sugoocheanda jea goombal fugaaschi was Israeli? Ak gajambala fuga NG'UTAMIIDA ak gaylealni aba geatinga weajoodiga nyaawa neaweesa. Ak gili gayghoah gwadeagooda aba headaang'u gideaba nimwaarnyi NG'UTAMIIDA huwa sugoocheanda jea ghoahaaghwa fugaaschi.

1 SAMWELI 15:11

“Aniini neagiisanyi aba gideaba naanung' ghoah Sawli sugoocheanda; aba gideaba nifuurnean badayda ak ea meana geeshteanyu, ak ea moang'waanya diigheanyeekeasu.” Hean ghwanyareas Samweli; ak gooyeawusa NG'UTAMIIDA eaweesean.

1 SAMWELI 15:23

Aba gideaba heeheeweega gawuurji sea riing'eeda beeneetkweanduumeeda, nea hang'ooynata uhuuda gawuurji ghwarjeeda ea badooda sanaamu. Aba gideaba niheawi ng'asheanda NG'UTAMIIDA, ak eara niny ea niheawa ea muwoosi sugoocheanda.”

1 SAMWELI 15:26

Iidu gwayeesha Samweli Sawli, “Aniini maydabiikta sea ang'iing'i; aba gideaba niheawi ng'asheanda NG'UTAMIIDA, ak ea niheawaneey NG'UTAMIIDA ea muhuuwi sugoocheanda Israeli.”

1 SAMWELI 15:35

Ak ea mudu gabiikta Samweli ghwadaah Sawli ea ghwahita eaweeda miyeadaanyi, ak gagiisan Samweli aba badayda Sawli. Ak gwaduukuuna NG'UTAMIIDA aba gideaba ninung' ghoah Sawli sugoocheanda ambal Israeli.

1 SAMWELI 16:15

Ak gwayeesha fuga gadiyeeda Sawli, “Ng'ula ghamneawa, gooneayaneey guroorooda muy leabu heeda ASEETA.

1 SAMWELI 16:23

Ama abeeda iihidu gurooroodida muy jea gwaleabu heeda ASEETA jea ghwaan heeda Sawliin, abeeda gayghoang'waay Dawdi gidoondooriida, ak ghwalas aba geatindaanyi, ak gahoosan Sawli, ak ghwanung'wa heeda gurooroodida muyiin.

1 SAMWELI 17:12

Abeeda Dawdi baleandeaba siidida was Furati bea Betlehemeeda Yudahiin, siguura gheawungaaschi Yese; nea abeeda gwandeawa orju sis; nea abeeda niny ea gweargweeda gil damanda Sawli, ak ea niwaasiit muuchi.

1 SAMWELI 9:16

“Numuji damanda uurji nih gaydeajeagu siida jea gwaleabu ng'eanyiida Benjamini, ak gajamwaara niny ghoah siida haw jea goombal fugeasu was Israeli. Gayghaweat fugeasu aba geatinda fuga Filisti; aba gideaba naadaayi sawanadeeda buuneedeanyu, aba gideaba nihidu shooka nyaawa heedeanyu.”