1 SAMWELI 15:23 - Bibliyeeda Ghaydit

²³ Aba gideaba heeheeweega gawuurji sea riing'eeda beeneetkweanduumeeda, nea hang'ooynata uhuuda gawuurji ghwarjeeda ea badooda sanaamu. Aba gideaba niheawi ng'asheanda NG'UTAMIIDA, ak eara niny ea niheawa ea muwoosi sugoocheanda.”

1 SAMWELI 15:23 Mawu Ofanana

GIING'EETA 31:19

Abeeda Labani nuwa ghwalajaada buudeega gisilgaaschi, ak gwajagwat Raheli aseecheeka ghwaan.

GIING'EETA 31:34

Abeeda Raheli nigeanda haleanjeeda sigadoowani ak gwayiin jeeda shageeda ngamiya, ak goopteadawa. Nea Labani abeeda ea nisaach jeeda maheemajeanda sean, ak ea mwanyasa.

2 SAMWELI 12:9

Ghwasaan ang'iing'i inyas gifooli ng'asheanda NG'UTAMIIDA, ak gisini gidamuy aba madeadaanyi? Ak gibwari Uriyaheeda eemeeda Hiti aba ng'uta, ak gageanda gatmoadaanyi ak ghaghi, ak gibwari ng'uta fuga Amoni.

2 SAMWELI 7:15

ak ea maydageandeawa bariinyeegeasu bea huumwa headaanyi, gawuurji gidaghayi eageandeaydi aba heeda Sawli, ghayi eageandeawi madeedeang'wa.

1 DAMANYOOJIGA 10:13

Ak ghami Sawli aba nyoota mureeda; aba gideaba masisiina mureeda NG'UTAMIIDA aba gideaba mwaang'waanya ng'asheanda NG'UTAMIIDA, nea goobalool meanga, nea gagasa weeta.

1 DAMANYOOJIGA 28:9

“Nea ang'iing'i, Sulemani, orjeedeanyu, nala ASEETA gweanu, ak gigadiyeesi aba guroorooda miy, nea ghaamwanyi jeadaang'u; aba gideaba NG'UTAMIIDA gagaseadayi gurooruunatka sean, nea ghwanal ng'asheega sean ea fugheerga; nea gigasayi niny, ak gaydaaha; nea iinung'usi heeda gaygwajaktaneey damanda manda muudeanooda.

AYUBU 34:37

Aba gideaba ghoahaat heeheeweega riing'eadaanyi; ak ghabwar baneaguukaaschi aba jeedeanya, ak ghoahaat ng'asheagaaschi aba badayda ASEETA.”

NYIIGHEEGA 107:11

aba gideaba ghaheawa ng'asheega ASEETA, ak gafool girgweageeda dea Haw bea Humng'eeda.

RITEAYDA 22:18

“Adisiksi gatmooda was beeneetkweanda goobiida badayda ng'eanyiida.

ISAYA 19:3

Gaydageanda meaynata fuga Misri ak gaydayam gadiyoojiga nyaawa gwachi jea gwasin; gaygaweay goonyeari ng'asheega aba heeda sanaamajeega, ea heeda meanga ea heeda fuga bara lagheanga ea beeneediga;

ISAYA 8:19

Ak inyas geeyeeshiineey, “Gasa ng'asheanda aba heeda giijoodiga ea beeneediga uurji dariidaka meang'shi.” Gwachi buuneeda magasa gagasa ng'asheanda aba heeda ASEETA nyaawa? Ng'ata gaweay gagasa ng'asheanda aba heeda fuga nimeewa aba badayda fuga majeekcheewi?

YEREMIYA 16:12

ak ghamneawa aba gideaba noosinyi gea naawa gea ghweanigeagwa, ng'ula aba gidoodeeneawi, gaba siisi duup giidiinyeandaanyi, nea ghaheawa gooleeysean iita;

YEREMIYA 28:16

Ak ghamneawa ging'ulayi, gwayi NG'UTAMIIDA, ‘Ng'ula gaydaang'aamwaneeyi badayda ng'eanyiida, nea gaymeawa aba jeedeaba gweanyi aba gideaba niihaagi buuneeda sidita NG'UTAMIIDA.’”

YEREMIYA 29:32

ak aba ng'asheanji gwayi NG'UTAMIIDA: Ng'ula, gaydeargweaksa Shemayeeda ng'eanyiida Nehelamu niny sea jeacheangaaschi; ak ea maygwanda eara siyagi jea eapuut aba jeeda fugaaschi jea ghwadaah miyeenooda jea dasisa fugeasu, aba gideaba ninung' ghaheawa buuneeda NG'UTAMIIDA.’”

HOSEYA 13:11

Aba nyarasta ea neagoonyeegwa sugoodiga, ak ea neageandi aba nyarasteanyu.

HOSEYA 3:4

Aba gideaba diibiga Israeli gaygoobiida eawoojiga saang'a nea mandeawana sugoocheanda ghana siida haw, ak ea mayghoan ghoadayda lukghumajeega sigwariida, ea ng'udanga, ea naifeera ea sanaamu sisna geadi.

NG'ASHEEGA LAWI 20:27

“Ng'eedeeda ghana gatmooda ascheeng'u ng'eanyiida ghana ea beeneetkweanda, gajeabwar ghami; gajeefuta lagheanga, nea foojeanda nyaawa gaygwanda badahuuka nyaawa.”

NG'ASHEEGA LAWI 20:6

“Nea siida iiyamsa geaw fuga ascheeng'u ng'eanyiida ea beeneediga, ak gwahiseada sea saawa, gaydeafuursa siisi badaydeanyu, ak gaydasach aba jeeda fugaaschi.

IITOODA 14:9

Asi adoanyareaschi NG'UTAMIIDA, ak ea adoawali fugiga bea ng'eanyiidean, aba gideaba saawa maygwasimaneasa gil; aba gideaba jirooneeda eawoojisu mida iheenga nyaawa sigeanda, ak NG'UTAMIIDA gwanda heedeanya; adoabeali.”

Gadiyeeda Giijasoodiga 13:22

Iidu nea geegeanda niny, hean ghwaloat Dawdi ghoah sugoocheanda nyaawa; hean gamuuwu ng'asheega badaydaanyi nea gwayi, ‘Naanyaschi aba jeeda Dawdi orjeeda Yese siida mwas guroroodeanyu, ak nih ea siichea gwasin ng'asheega sean eagasayi dasin.’

2 Goriinto 6:16

Neada gwanda neajeemba naaha dageascheeda gheeda sibata ASEETA sea sanaamu? Aba gideaba aseasa geewooschi gheeda sibata ASEETA majeek; ak gawuurji ginyaashta ASEETA nea gwayi, “Gaydeabiida jeenyaawa, nea gaydaneayeewa jeenyaawa, ak gaydoaw aniini ASEETA nyaawa, nea ghoah saawa fugeasu.

Galattiya 5:20

mealuuleega, beeneetkweanduumeeda, furjeeda, jaliida, geawunda gheang'da, nyarasta, shidoodeaba ghaang', dardeayda, nabita ng'uyyeega,

GIIPKEATA DIIGHEANDA 9:24

Agooga neaheawi asisiina mureeda NG'UTAMIIDA gidang'eada eaweeda anaalaneegwa.

GIIPKEATA DIIGHEANDA 9:7

Apkaada adiidu gwarooseey gidisimi NG'UTAMIIDA ea ghwanyareas aba jeeda dareapcheeda; gidang'eada eaweeda iriteawi ng'eanyiida Misri, bwak ea ahiini hiji, noosisi ramaseanyeeka NG'UTAMIIDA.

YOSHUWA 22:15

Hean geapka heeda fuga Rubeni, ea fuga Gadi, ea eemeeda silach bugusta nibiyeenya bea Manase, aba ng'eanyiida Gileyadi, ak geeyeesha saawa,

Giidaheechta 21:8

Ak gea giyoonyi, ea gea mandeawana masaweega, ea gea ririnnyeanda, ea gea nuusa buuneeda, ea gea hiseada, ea beeneediga, ea gea gadoowani sanaamu, ea gea naba ng'uyeega sean, heanyaawa jeeda basooda yeada beasta gil ea giikayda, nea nih ea miyeedeaba iyeenya.”

Giidaheechta 22:15

Hoowa bea jaroodean gwanda gudajeega ea beeneediga ea fuga hiseada ea fuga nuusa buuneeda ea fuga ghadoawani sanaamu, ea gilinyoo ghabwariiy ng'uyyeega nea gwasin.

1 SAMWELI 13:14

Ak ghamneawa sugoocheanduumeadaang'u ea nimuudean; aba gideaba niloat NG'UTAMIIDA siida gasa gurooroadaanyi; ak ea nigeanu NG'UTAMIIDA siida jea ghoah sugoocheanda jea goombal fugaaschi, aba gideaba miing'waanyi ng'asheega rukuneey NG'UTAMIIDA.”

1 SAMWELI 16:1

Gwayeesha NG'UTAMIIDA Samweli, “Gaygiisana, aba badayda Sawli ea ghoah eeju, aba gideaba naaheawi niny ea moawa sugoocheanda jea goombal Israeli? Anyiida gujaweadaang'u nagheeda, ak guwi; gaydanung' una heeda Yese aba Betlehemu, aba gideaba naaloachi orjeanagi aba jeeda orjoagaaschi ghoah sugoocheanda.”

1 SAMWELI 2:30

Ng'ata gwayi NG'UTAMIIDA was ASEETA Israeli: ‘Aniini gearugu gideaba gheang'u ea ghaheang'wa gayghapka nea gaweay aba madeedeanyu damanda manda muudeanooda’; ak ghamneawa gwayi NG'UTAMIIDA: ‘Gagasa gwasheagiidanean ng'asheanji; aba gideaba fuga sinnean mureeda gaydasissa, nea fugiga foolaniin gaydafool.

1 SAMWELI 28:3

Iimuchu ghami Samweli, ak gooyeawda buuneesean aba badaydaanyi ak geebung'sa Rama was mujiineadaanyi. Ak ghahoan Sawli giijoodiga ea beeneediga aba jeeda ng'eanyiida.