1 SAMWELI 15:12 - Bibliyeeda Ghaydit

¹² Muchu ghang'eat Samweli gwaroonyi sea Sawli sakteayda; ak geeyeesha Samweli, “Sawli nihita Garmeli, ak ging'ulayi, ak ea nimiinda daraneeda lagheanga sissa geaw ak ghwayam geaw, ak ghang'ata, ak ghwararang'aada gawa Gilgali.”

1 SAMWELI 15:12 Mawu Ofanana

GIING'EETA 21:14

Muchu ghang'eat Abrahamu sakteayda duw, ak gageanu mukaate ea ghadeeda mida beega, ak ghoadaw Hajiri, ak ghwayiin hamarjeadaanyi, ea baleanda, ak ghwanung' gawa. Ak ghang'eat gawa, ak gwaneayeewa jeeda dareapcheeda Beer-sheba.

2 SAMWELI 18:18

Nea Absalomu damanda waseewa majeek ea nigeanu ak gamiindeaysa geaw daraneeda mida jeeda moangoachiyda sugoocheanda, nea gwayi, “Aniini meandeawani orjeeda jea gahuuw gheawungeasu ak ghwanung' eepkeadi”; ak gang'asa daraneedida gheawungaaschi, ak geeguura daraneeda Absalomu ea ghoah ghamneawa.

2 SAMWELI 23:35

ea Hesro bea ng'eanyiida Garmeli, ea Baarai bea eemeeda Arbi,

1 SUGOODIGA 18:42

Ak ghang'eat Ahabu ak gweagiischi nea gwaleeshi nea gawa Eliya uhuuda Garmeli; ak gwahiing'sa geaw ng'eanyi, ea ghwahita gheamamdaanyi gutung'weakaaschi.

2 DAMANYOOJIGA 26:10

Ng'ata ghwadeas madalajeega aba dareapcheeda, ak ghaghurghur healatka saang'a aba gideaba gwandeawa hawanda saang'a bea dugwa, aba Shefela ea aba mooheeda, nea gwandeawa fuga barooda ea gea jea gang'ula madameega misabiibu aba iheenga heayeeniga ea aba ng'eanyiida miy sigeeda, aba gideaba niny ghabwariiy barooda.

YOSHUWA 15:55

Maoni, ea Garmeli, ea Sifu, ea Yuta,

1 SAMWELI 13:12

geayi, ‘Asi ghamneawa gayghwahidu fuga Filisti gwararang'eesean aba Gilgali, nea mii dagasa dea duukusa geaw NG'UTAMIIDA’; ak ghaadaayi gideaba ghwahit giidaydeayda haleanjeeda ghadooweeda sighwarda.”

1 SAMWELI 13:15

Hean ghang'eat Samweli, ak ghwascheang'da ghabeawa Gilgali ea ghwahita Gibeya mida ng'eanyiida Benjamini. Ak gwayiida Sawli fuga mideawa, ak ghwahita fih bughalaji lah.

1 SAMWELI 17:20

Hean ghang'eat Dawdi nea ghaghar gayeew, ak gwanung'usa gisilga siida jea ghoahaaghwa, ak ghwaat hamita ak gwasin gidarukusa Yese; ak ghwahidu jeeda museasooda damanda beawa lugooda ng'ucheeda nea goojuur giijuureanda ng'ucheeda.

1 SAMWELI 25:2

Abeeda gwanda siispa ng'eanyiida Maoni, sina gadiyeeda aba mujiineeda Garmeli. Siisi ea baruur muuchi; abeeda gwandeawa gisil sagalamnyooji samwagu ea nooga sagalama. Abeeda iissa ghwalajaada buudeega gisilgaaschi aba Garmeli.

1 SAMWELI 7:12

Ng'ata gageanu Samweli lagheaneeda ak ghamiinda aba dageascheeda Mispa ea dea Yeshana, ak gaguura gheawungaaschi Ebeneseri; aba gideaba gwayi, “Ea ghoah ghamneawa NG'UTAMIIDA niweadeasa.”