1 SAMWELI 15:11 - Bibliyeeda Ghaydit

¹¹ “Aniini neagiisanyi aba gideaba naanung' ghoah Sawli sugoocheanda; aba gideaba nifuurnean badayda ak ea meana geeshteanyu, ak ea moang'waanya diigheanyeekeasu.” Hean ghwanyareas Samweli; ak gooyeawusa NG'UTAMIIDA eaweesean.

1 SAMWELI 15:11 Mawu Ofanana

GIING'EETA 6:6

Iimuchu gagiisan NG'UTAMIIDA aba jeadaanyi aba gideaba nisin siida aba badayda ng'eanyiida, ak ghwanyareas niny aba jeadaanyi.

GIING'EETA 6:7

Ng'ata gwayi NG'UTAMIIDA, “Gaydageandeawa siida ghayi easinyi badayda ng'eanyiida, siida ea diyeanga ea diyeanga badiina jeesinga ea dariidaka humng'eeda, aba gideaba naanyareaschi aba gideaba geasinyi.”

2 SAMWELI 24:16

Iidu nea ghoadoabiiw malaykajeanda geatindaanyi nea googeal Yerusalemu nea gagasa gwanyarja; hean ghwayam uhu NG'UTAMIIDA aba sinooda ng'asheega munyas, ak gwayeesha malaykajeanda datasi buuneeda, “Nihit; asi ahaasaasa geatindaang'u.” Abeeda malaykajeanda NG'UTAMIIDA gwanda murdeeda bugharjeanda siileela booga bea Arauna bea eemeeda Yebusi.

1 SUGOODIGA 11:9

Gwanyareeksa NG'UTAMIIDA Sulemani, aba gideaba niyamwa geaw gurooroadaanyi aba heeda NG'UTAMIIDA, ASEETA fuga Israeli, abeeda niihiimsa geaw niba iyeenya,

1 DAMANYOOJIGA 10:13

Ak ghami Sawli aba nyoota mureeda; aba gideaba masisiina mureeda NG'UTAMIIDA aba gideaba mwaang'waanya ng'asheanda NG'UTAMIIDA, nea goobalool meanga, nea gagasa weeta.

1 DAMANYOOJIGA 21:15

Ak goojeagu ASEETA malaykajeanda ghwaan gwanyarja Yerusalemu; hean nea ghwariikghta gwanyarja, ghwadaah NG'UTAMIIDA, ak gwaduukuuna riing'eeda; ak ghwayam fughareadaanyi ak gwayeesha malaykajeanda hidu gwanyarja, “Nihit; reekusiina geatindaang'u.” Hean ghamiinaada malaykajeanda NG'UTAMIIDA aba murdeeda bugharjeanda siileela booga bea Arauna bea eemeeda Yebusi.

AYUBU 34:27

aba gideaba ghwayam geat ak ea mwaada geeshtaanyi, ak ghaheawa ghwaat naweadingaaschi eara akaleala,

NYIIGHEEGA 109:4

Nea iijea gawalu bariinyeegeasu ghoahaaktanaan, earapeadi aamoashchi ghawooda aba badahuuka nyaawaan.

NYIIGHEEGA 110:4

NG'UTAMIIDA niyaak habeawooda ak ea mayghwayam geaw, “Ang'iing'i guwoosi ashoohoocheanda damanda manda muudeanooda nea gawuurji sea Melkisedeki.”

NYIIGHEEGA 119:136

Gheanyangeasu gooreamna ghealooniga beega, aba gideaba buuneeda mwaang'waanya deaweedajeagaagu.

NYIIGHEEGA 125:5

Nea fugiga yamsa geat naweadinga nyaawa munyasiin gaygageanda NG'UTAMIIDA sea fuga sina ng'asheega munyas! Gagasa goobiida hoyyoo jeeda Israeli!

NYIIGHEEGA 36:3

Ng'asheega ghuutaanyi munyinda gil ea ng'uyeega; ninung'waada gagadiyeata weaghuumeeda ak gwasin ng'asheega miyaas.

NYIIGHEEGA 78:41

Ng'ata gabiikta bwadaw ak gwasim ASEETA, ak ghoanyareas dea asagi Ghaydit bea Israeli.

NYIIGHEEGA 78:57

ng'ata gabiikta bwadaw ak ghwayam geat ak gwasin ng'asheega munyas gawuurji ghweaniga nyaawa; ak gwayama geaw gawuurji ghuweang'da mii majeek.

RITEAYDA 32:11

Hean gamearmearani Musa NG'UTAMIIDA was ASEATAANYI nea gwayeesha, “Ea NG'UTAMIIDA, ghwasaan anda nyarastaang'u ghwayeat aba badayda fugaagu, ghayi iiruuni ng'eanyiida Misri aba giimuustaang'u haw ea geatinda mideawa uurda?

RITEAYDA 32:14

Ak ghwayam NG'UTAMIIDA gidida muyiin gwachi jea gwasima fugaaschiin.

YEREMIYA 11:10

Niyam geat gabiiksa ramaseanyeeka ghweaniga nyaawa, ghayi heawa gooleeysiit ng'asheegeasu; ak ghwaat geeshta aseecheeka suuk ak ghabwat; gheeh Israeli ea gheeh Yuda nidatas neajeedeanyu ghayi easinyi ea ghweaniga nyaawa.

YEREMIYA 13:17

Ak inyas ea majaleaydiit, Abeeda gurooroodeanyu gaygooyeawda aba makcheameeda aba badayda weashweashtaang'u; Gaydeayeawda muuchi nea ghoareamna gheanyangeasu dabeakeasu, Aba gideaba gisilga NG'UTAMIIDA sighas.

YEREMIYA 34:16

Ak iidu ghoayamnyi geat ak ghoang'udi gheawungeasu ririnnyeanda, aba gideaba gaba siisi nung' gabiigu soomjeandaanyi ea hudaanyi bea gadiyeeda, ghayi siksa goobal geat aba gidabwariiyda saawa, ak goonung' gabiikta gicha soomjeanduumeeda ghoah soomjoogeagwa ea haweegeagwa bea gadiyeeda.

YEREMIYA 9:1

Gideabali ghwayamwa uhuudeanyu ghoah beega, ea gheanyangeasu ghoah eeniga dabeaka, danyas gheata deayeawdi askweari ea eawa aba bayiiga hudeaba fugeasu!

YEREMIYA 9:18

Danung' ghwalamwajaan gooyeawuseasa, ak abeeda gayghoareama gheanyangaasa dabeaka, ak gwaduk gheanyangaasa dabeaka.

ESEKIELI 18:24

Ak siida doabiiwaat inyas ghwanung'waada doobiiwnataanyi ak gwasin ng'asheega munyas nea gwasin ng'asheegiga bea sicheeda sin siida muyiin heapi nih gayghwanyas eaweega? Manda sinaweega sin sean niyaas sin maygudu eapkaat, gayghami aba heeheeweega ea riing'eeda ghayi sin.

AMOSI 7:3

Ak ghwanung'waada NG'UTAMIIDA ng'asheanji; “Ng'asheanji maygwasa,” gwarugu NG'UTAMIIDA.

YONA 3:10

Hean daah ASEETA gidasin gidayamda geat aba ng'asheega nyaawa munyas, ghwanung'waada ASEETA nyarasta ghayi rugu jea gwasima fugiga; ak ea mudu gwasin.

YONA 4:2

Hean ghamwaash NG'UTAMIIDA nea gwayeesha, “Geamuscheey NG'UTAMIIDA, nih mii gidearukuneey aba damanda ghayi eandeewi ng'eanyiideanyu? Hean ghoah gideamng'awi ak geawi Darshishi; aba gideaba ghaanali ang'iing'i guwoosi ASEETA mideawa bariinyeega ea baydeayda, mii asas nyaras, bea bariinyeega huumwa, nea gisti ng'asheega munyas.

SEFANIYA 1:6

ea giika biikta bwadawiin nea mwaada geeshta NG'UTAMIIDA, ea giika magaseadayi NG'UTAMIIDA ghana ea moonyeariida ninyiin.”

Mattayo 24:13

Abeeda siida jea ghamilikghta ea gamuudean ada ea siida jea ghwalaalaani.

Mattayo 5:44

Ak geayeeshiineegwa, abwariinya weajoodigeagwa amoasha ghawooda aba badahuuka fuga sawaneegwa.

Lukka 6:12

Askwearjoojigiga gawa iheenga heayeeniga ghamwaash ASEETA; ghamwaash ASEETA eaweesean.

Ebraniya 10:38

nea siideanyu doabiiwaat gaygoobiideawa masaweega, ak iiraay ak gabiikta bwadaw, ghanyea maygahoosan guroroodeanyu aba niny.”

YOSHUWA 22:16

“Gwayi fuga bwatgeat bea NG'UTAMIIDA, ‘Nih anagiidiinyaan gil ootiiysi ASEETA Israeli ak ghoayamnyi geat eaweecheanji aba eata geeshta NG'UTAMIIDA, ak goodeeksi geat heeda wagiida eaweecheanji nea ghoaheawi NG'UTAMIIDA?

1 SAMWELI 12:23

Nea aniini, gagasa gwasheagiidanean gideaba gaydasissa riing'eeda NG'UTAMIIDA iyaanung'waadi mooshta ASEETA aba badahuukeagwa; ak gaydaanaaleagwa ng'asheega miyaasiin ea naweeda doabiiw.

1 SAMWELI 13:13

Ng'ata gwayeesha Samweli Sawli, “Ang'iing'i gisini leendeeda; ang'iing'i miing'waanyi diigheanda NG'UTAMIIDA was ASEATAANG'U, ghayi rukuneey; aba gideaba gwachi gaygwasinyi NG'UTAMIIDA huwa sugoocheanda Israeli damanda manda muudeanooda.

1 SAMWELI 15:10

Ak ghwahidu ng'asheanda NG'UTAMIIDA heeda Samweli:

1 SAMWELI 15:3

Asi una ak gibwari fuga Amaleki, ak gilasi uhuuda haleanjeeda sean mideawa; adoapuuchi sih, abwara sean ng'eedeeda ea gatmooda, gheareemaneeda ea diibiga reer, dugwa ea gisilga, ngamiya ea digeeniga.’”

1 SAMWELI 15:35

Ak ea mudu gabiikta Samweli ghwadaah Sawli ea ghwahita eaweeda miyeadaanyi, ak gagiisan Samweli aba badayda Sawli. Ak gwaduukuuna NG'UTAMIIDA aba gideaba ninung' ghoah Sawli sugoocheanda ambal Israeli.

1 SAMWELI 15:9

Ghoaghu Sawli sea buuneeda Agagi, ea gisilga miyaasiin ea gea dugwa ea haleanjeeda riisheadi, ea dayeega gisilga, ea haleanjeeda sean miyaas, ak ea manuuseada; haleanjeeda sean sifool ea haleanjeeda marachi gil gealas uhuuda.

1 SAMWELI 16:1

Gwayeesha NG'UTAMIIDA Samweli, “Gaygiisana, aba badayda Sawli ea ghoah eeju, aba gideaba naaheawi niny ea moawa sugoocheanda jea goombal Israeli? Anyiida gujaweadaang'u nagheeda, ak guwi; gaydanung' una heeda Yese aba Betlehemu, aba gideaba naaloachi orjeanagi aba jeeda orjoagaaschi ghoah sugoocheanda.”

1 SAMWELI 8:6

Ak ghoanyareas Samweli ng'asheanji iisirukusi gideaba, “Nyakneasa sugoocheanda jea ghoahaaghwaneasa.” Ak ghamwaash Samweli NG'UTAMIIDA.