1 SAMWELI 14:6 - Bibliyeeda Ghaydit

⁶ Hean gwayeesha Yonatan gheareemaneeda sar dabitaanyi, “Beeni, eeweaya heeda museasoodeaba fiisu meeyiilean; gwadeepa abeeda ghaweadeasa NG'UTAMIIDA aba meatkweedeanya; aba gideaba manda gida jea ghoamu ghoadeal NG'UTAMIIDA aba lealnooda ada gwandeawa fuga saang'a ghana gwandeawa fuga ng'ay.”

1 SAMWELI 14:6 Mawu Ofanana

2 SAMWELI 1:20

Adoorukwiidi ng'asheesu aba Gati, Adootearsi naweadinga Ashkeloni; Adagahoosan haweega Filisti, adiidu geenung' ghwaak badahuukaasa haweega doondooyga.

2 SAMWELI 16:12

Abeeda gwadeepa ghwadaah NG'UTAMIIDA sawanadeedeanyu, ak abeeda gawalu NG'UTAMIIDA gea miyaasiin aba mooshteawi iteanyuun askweareani.”

2 SUGOODIGA 19:4

Ghamneawa gwadeepa ghwayiiy NG'UTAMIIDA was ASEATAANG'U ng'asheega sean bea shirikarajeandida hawiin. Ghayi ajeagu sugoocheanda Ashuru siidaanyi haw goong'eawi ASEETA majeek, ak niny gaygoowoowsa ng'asheega iiy NG'UTAMIIDA was ASEATAANG'U. Eaniyean mwasha ASEATAANG'U ghawooda aba badayda boosteanga abit.”

2 DAMANYOOJIGA 14:10

Ng'ata gwarita Asa gawa gwaroonyi niny, ak gaba nih sin ghealooniga ng'ucheeda aba jeeda moangoachiyda Sefata mida Maresha.

2 DAMANYOOJIGA 14:11

Ak gooyeawusa Asa NG'UTAMIIDA was ASEATAANYI, “Ea NG'UTAMIIDA manda siida weeta uurjeeweey, aba jeeda fuga mideawa uurjeenga ea gea mandeawana. Weadeasa, Ea NG'UTAMIIDA was ASEETEANYA, aba gideaba aseasa geeduukseey ang'iing'i ak ghwahit, nea aba gheawungaagu ea sipkaanyi eeng'ucheena fiisu saang'aan. Ea NG'UTAMIIDA, ang'iing'i guwoosi ASEETEANYA; adiidu gumwasi ghwajoarnyi siida.”

NYIIGHEEGA 135:6

NG'UTAMIIDA iissa gwasin gida wassean bwariiy, aba humng'eeda ghana aba ng'eanyiida, aba jeesinga baskweega ea bugusta beega sheagi jih.

YEREMIYA 9:23

Ng'ata gwayi NG'UTAMIIDA: “Adiidu siida weaghoot ghaghwar geaw aba weaghuumeadaanyi, nea siida haw uur adiidu ghaghwar geaw aba uurdaanyi, ak eara meanang'ocheanda adiidu ghaghwar geaw aba meanang'oocheanduumeedanyi;

YEREMIYA 9:25

Gwayi NG'UTAMIIDA, “Ng'ula gayghapka eawoojiga jea deargweaksa fuga siiyiil nea ghwasam fuga miyeeyiil–

YEREMIYA 9:26

was fuga Misri, ea Yuda, ea Edomu, was orjooga Amoni, ea fuga Moabu, ea fuga sean abiita jeeda eeshtearajeanda reegwa iheenga nyaawa goonuweagi buudeega nyaawa, aba gideaba eemoojisu miyeeyiil, nea gheeda sean bea Israeli ea miyeeyiil gurooruunatka.”

AMOSI 5:15

Asta gea munyas, ak ghoabwariinyi gea miyaas, ak goosikteawi doobiiwnata aba dooshta; eara NG'UTAMIIDA, was ASEETA bea lugooda, gayghabwaydaneegwa aba gheaptanga Yosefu.

SEFANIYA 2:3

Agasa NG'UTAMIIDA, agoogeeni seaniin ooyeadayi geat ng'eanyi aba badayda ng'eanyiidean, agoogeeni oang'waanyi diigheandeani; agasa doobiiwnata, agasa eatoodeaba geat bea ng'eanyi; gwadeaba eafunyeagwa eaweeda nyarasta NG'UTAMIIDA.

SAKARIYA 4:6

Hean gwayeeshiinean “Nih ng'asheanda NG'UTAMIIDA gil aba heeda Serubabeli nea mii aba giimuusta gil nea mii aba uurda gil gwasin guroorooda gwarugu NG'UTAMIIDA bea lugweega.

IITOODA 10:32

Ama siiteayi sea ang'iing'i, gida wassean miy jea gwasinneasa NG'UTAMIIDA, abeeda gajeesineey eara aseasa.”

IITOODA 31:4

Gajoatayda fih sagalama aba giliwas eamwa aba jeeda eemoojiga sean bea Israeli ak ghoanung' gaweay ng'ucheeda.”

Mattayo 19:26

Goong'weersa Yesu ak gwayeesha, “Ng'asheanji aba buuneeda ahang'waay, ak aba heeda ASEETA ea wusis.”

Ruumi 8:31

Asi gajeeyeenaan aba badaydeaba ng'asheesu? ASEETA iimida meatkweedeanya, abeeda gwanda ng'eaha uhuudeanya?

GIIPKEATA DIIGHEANDA 32:30

Siyagi gayghahoandaan fih sagalama, ak fih iyeenya gayghwajoardaan fih sagalamnyooji damanamughuush, geaghus ghwashaayda Harearacheanda nyaawa saawa, inyas ea mooruuna NG'UTAMIIDA saawa?

Filippi 3:3

Aba gideaba aseasa geewooschi ghasmeahooda huumwa, gadoowan ASEETA aba guroorooda, ea gheambalmeeda aba jeeda Gristo Yesu, fuga mwarara ng'asheega saseeda.

YOSHUWA 14:12

Asi goona ng'eanyiini bea heayeenigean ghayi baloola NG'UTAMIIDA itaanyi eaweedideaniin aba gideaba ang'iing'i niyiinyi iitaanyi eaweedida gideaba fuga Anaki gwanda hoowa, ak gwandeawa mujiineeda mideawa hilgweanda majeek; ak geararsi gideaba gaydandeawa NG'UTAMIIDA, ak gaydahoan saawa gwarita jarooda gawuurji gidanyaashta NG'UTAMIIDA.”

FUGA LAJA GIRGWEAGUUTKA 15:18

Ng'ata ghwaak muwoash, ak gaguursa NG'UTAMIIDA nea gwayeesha, “Ang'iing'i ninyakneasa lealeanooda haw aba geatinga siidaang'u bea gadiyeeda; ghamneawa gaygwanuusan muwooshta, ak geabisi geatinga fuga miyeeyiili?”

1 SAMWELI 14:5

Ak ghamiinaada lagheaneeda geaw wiilooda ng'eanyiida ghayeawa mida madeeda Mikmashi, nea niirja gwanda wiilooda ng'eanyiida biyeara mida madeeda Geba.

1 SAMWELI 14:7

Ng'ata gwayeesha siidaanyi sar dabitaanyiin, “Asina haleanjeeda sean oogasayi aba iheengeagwa; ang'ula, aniini geendeayi sea agooga, aba giduurji fughareengeagwa giduurji deanyu.”

1 SAMWELI 17:26

Ng'ata gwayeesha Dawdi fuga miinaada aba murdeadaanyi, “Gajeataw naaha siichea ghabwar siisi bea Filistiin, nea gageanda baspaseega aba jeeda Israeli? Aba gideaba siisi ng'eaha was Filisti meeyiilean, jea goong'eawi lugooda ASEETA mideawa eaweegean?”

1 SAMWELI 17:36

Siidaang'u bea gadiyeeda nibwar ng'anyeeka ea idamoonga, ak siisi meeyiila was Filistiin gaygawuurji agi aba jeedeaba suh, aba gideaba niing'eawi lugooda ASEETA mideawa eaweega.”

1 SAMWELI 17:46

Askweareani gayghwayiinyi NG'UTAMIIDA geatindeanyu, ak gaydanung' abisiina ng'eanyi, ak ghaalaji gheataang'u; ak gaydaadaw muscheeka lugooda Filisti madoonyaka ea diyeanga jarooda ghwaak; ak abeeda ghwanal buuneesean bea muunda ng'eanyiida gideaba gwanda ASEETA jeeda Israeli,

1 SAMWELI 17:47

ak abeeda ghwanal fiisu bwatgeadiin gideaba NG'UTAMIIDA malealuunana buuneeda ng'uta ea ng'uta fugaaschi; aba gideaba ng'ucheeda gaba NG'UTAMIIDA ak gayghwayiinyi geatingaasa.”

1 SAMWELI 31:4

Ng'ata gwayeesha Sawli siida sareeni dabitaanyi bea ng'ucheeda, “Fakni ng'utaang'u, ak gung'udanaan, adiidu ghwahidu fiisu miyeeyiiliin ak ghang'udan nea gwashikean.” Ak ghaheawa siidaanyi sareeni dabita ng'ucheeda; aba gideaba ghabeal muuchi. Hean gageanu Sawli ng'utaanyi, ak goobeedeaysa.