1 SAMWELI 14:1 - Bibliyeeda Ghaydit

¹ Eaweecha gwayeesha Yonatan was orjeeda Sawli gheareemaneeda sar dabitaanyi, “Beeni, eeweaya heeda lugooda Filisti mida giigheawda.” Ak ea marukusiina ghwaan.

1 SAMWELI 14:1 Mawu Ofanana

MIKA 7:5

Adibwati giischeewoocheanda, nea adighasi siida iduupcheewi; fura gidaghuudajeega ghuutaang'u aba gideaba adaghwanal gatmooda iideaydooscheewi iita;

FUGA LAJA GIRGWEAGUUTKA 14:6

Ghwahidu headaanyi guroorooda NG'UTAMIIDA aba uurda, ak gwahirjeawi gawuurji siida hirjeawi dayeenda mbooyda, nea geatingaaschi ea manda gil, ak hean ea marukusiina ghwaan ea ghaamwat gisin.

FUGA LAJA GIRGWEAGUUTKA 14:9

Ghwayiin maleeda geadi, ak gawa mwadi; nea ghwaagaada ea ghwahita heeda mida ghwaan ea ghaamwat, ng'ata ghoadaw ak ghwaak, nea ea marukusiina gideaba maleeni gwaleabu jeeda musta ng'adiida.

FUGA LAJA GIRGWEAGUUTKA 6:27

Ng'ata ghwaloat Gideoni fih damanamughuush aba bugusta fugaaschi bea gadiyeeda, ak gwasinda gidarukusiinda NG'UTAMIIDA, aba gideaba ghoawal fuga gheanyaawa ea fuga mujiini, ea masima askweari, ng'ata gwasin eawa.

1 SAMWELI 13:2

Ak ghwaloat Sawli fih sagalamnyooji samwagu bea Israeli; ak gwandeawa Sawli fih sagalamnyooji iyeenya aba Mikmashi ea aba jeeda ng'eanyiida heayeeniga bea Beteli, nea gwandeawa Yonatan fih sagalamnyeanjagi aba Gibeya mida dooshta Benjamini; ak ghwanung' Sawli gabiikta ghoah fuga abit.

1 SAMWELI 13:22

Hean aba eaweeda ng'ucheeda ea manda ng'uta ghana ng'uta jea eanyasa geatinda siida wassean aba fuga mideayi sea Sawli ea Yonatan; nea Sawli ea orjeedaanyi was Yonatan gwandeawa.

1 SAMWELI 13:23

Ak gaweay lugooda Filisti ea gwasik seawadeeda Mikmashi.

1 SAMWELI 14:2

Abeeda Sawli goobiita murdajeega Gibeya guumda geeta siguura goomamanga mida Migroni; nea fuga mideawa ghwahita bughalaji lah headiga.

1 SAMWELI 25:19

Ak gwayeesha gheareemangaaschi, “Aweayeena oosheedeawean; ang'ula, gaydamaseawneegwa.” Nea marukusiina siyeadaanyi was Nabali.